Predator: Badlands (2025) Sinhala Subtitles | ගෞරවය සොයා ගිය විලෝපිකයා! [සිංහල උපසිරසි]

Predator: Badlands (2025) Sinhala Subtitles

බයිස්කොප්වාසින්ට කොහොමද ඉතින්, ඔන්න එහෙනම් 2025 නොවැම්බර් මස නිකුත් වුන නවතම Predator: Badlands සිනමාපටයේ වෙබ් පිටපතට තමයි මේ අද උපසිරැසිය ගෙනාවේ ඔන්න එහෙනම්. එහෙමනම් අපි බලමු විස්තර ටිකක්.

Dan Trachtenbergගේ අධ්‍යක්ෂණයෙන් නිර්මාණය වුන Predator සිනමාපටමාලාවේ නවතම සිනමාපටය ලෙස badlands මේ වන විට IMDB දර්ශකයේ 7.3ක අගයක් සහ කුණු තක්කාලි මීටරයේ 86%ක් වැනි ඉහළ අගයක් ලබාගෙන වැජඹෙනවා. Elle Fanning සහ Dimitrius Schuster-Koloamatangi මෙහි ප්‍රධානම චරිත දෙක වෙන තියා සහ යෞට්ජා ඩේක්ගෙ චරිතවලට පණ පොවනවා. එසේම ආදායම් අතින්ද මෙම සිනමාපටය predator සිනමාපටයක් ලැබූ ඉහළම ආදායම ලබාගෙන තිබෙනවා. අපි කෙටියෙන් බලමු සිනමාපටය ගැන.

Predator: Badlands කියන්නේ පරණ Predator චිත්‍රපට මාලාවට අලුත් හුස්මක් දුන්න චිත්‍රපටයක් කියලා කිව්වොත් අතිශයෝක්තියක් නෙවෙයි. 2025 දී ප්‍රේක්ෂකයන් අතරට ආ මේ චිත්‍රපටය, මෙතෙක් අපි දැකපු Predator කතා වලට වඩා වෙනස් මාවතක් තෝරාගෙන තියෙන එකයි මෙහි විශේෂත්වය.මෙවර කතාව මිනිසුන්ට වඩා Predator (Yautja) ජාතියට ලඟා වෙලා තියෙනවා. ඩේක් කියන තරුණ Predator චරිතය ඔහුගේ ජාතිය තුළම සිදුවන අභියෝග, සටන් සහ විශ්වාසයන් මැද තමන්ගේ අගය ඔප්පු කරන්න කරන ගමන තමයි චිත්‍රපටයේ මූලික රේඛාව. මේ අතර මිනිස් චරිතයක් ලෙස Elle Fanning රඟපාන චරිතයත්, කතාවට වෙනස්ම ආකාරයක කෝණයකින් යෞට්ජා සහ මිනිසුන් අතර සම්බන්ධය හෙළිදරව් කරනවා.

පෙර සිනමාපට අපි දැකලා පුරුදු යෞට්ජාලා එක්ක බලන කොටනම් සමහරෙක්ට හිතෙන්න පුළුවන් මේ පාර ඉන්න predator මොකෙක්ද කියලා. කලින් කතාවල විලෝපිකයෙක් විදිහට මිනිසුන්ව ඝාතනය කරන අයවනේ අපි දැකලා තියෙන්නෙ. ඔවුන් එලෙස දඩයමේ යන්නෙ ඇයි යන පසුබිම සහ ඔවුන්ගෙ කෝණයෙන් මෙවර සිනමාපටය දිග ඇරෙනවා. එහෙමයි කියලා ඉතින් වැඩිය කියවිලි අනම්මනම් නෑ වෙනදා වගේම ක්‍රියාදාමවලින් සමන්විතයි.

1987 දී Arnold Schwarzenegger රඟපාපු Predator චිත්‍රපටයෙන් ආරම්භ වූ මේ සිනමාපට මාලාව,

• Predator 2 (1990)
• Predators (2010)
• The Predator (2018)
• Prey (2022)
වගේ කොටස් හරහා දිගහැරුණා.

පෙර සිනමාපට බලලා නැති කෙනෙක් ඉන්න විදිහක් නෑ. හැබැයි ඉතින් තාමත් ඔයා ඒවා නරඹලා නැත්නම් බලන්න. ඒ නැතත් ඉතින් ඒක මේ සිනමාපටය බලන්න කිසිම ගැටළුවක් නෑ. මොකද එකිනෙක සම්බන්ධයක් නොමැති නිසා.

එහෙමනම් හැම දෙනාටම සිනමාපටය බලන්න ආරාධනා කරමින් මගේ හෑල්ල මෙතනින් නවත්තගන්නවා. කතාවේ වෙන දේවල් ගැන ලිපියේ පුළුවන් තරම් අඩුවෙන් සදහන් කරේ ඔබේ ආශ්වාදයට බාධාවක් නොවෙන්න.

එහෙනම් යළි හමුවෙමු.
ඔබට ජයෙන් ජය

Predator: Badlands (2025) Sinhala Subtitles

 

 

 

 

Due to copyright issues, we do not provide any torrent link.

මෙම ලබා දී ඇති උපසිරසි WEB පිටපත් සඳහා අදාළ වේ.

9,193 downloadsDownload Predator-Badland-2025.zip21 KB

මේ ලබා දී ඇති සිංහල උපසිරැසි පිළිබද “මධුකප්‍රිය පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2015-04-19
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

Predator: Badlands (2025) Sinhala Subtitles