Prey (2022) Sinhala Subtitles | විලෝපිකයාගෙ ප්‍රථම ආගමනය [සිංහල උපසිරසි]

PREY 2022 කියන්නෙ අපි හැමෝම දන්න හැමෝම ආසාවෙන් බලපු PREDATOR චිත්‍රපටමාලාවේ නවතම චිත්‍රපටිය. අනිත් චිත්‍රපටිවලට පස්සෙ ආවා උනත් මේක ඒ සිනමා පට සියල්ලෙම ආරම්භයක් විදිහට සළකන්න පුළුවන් කියලා චිත්‍රපටයේ අධ්‍යක්ෂවරයාම කියලා තියෙනවා. Predator සිනමාපටමාලාවේ මෙතෙක් නිකුත් වූ චිත්‍රපට පහත ආකාරයට දැක ගන්න පුළුවන්.

1. Predator (1987)
2. Predator 2 (1990)
3. Predators (2010)
4. The Predator (2018)

ඉතින් කෙනෙක්ට මේ චිත්‍රපට සේරම නරඹලා නැතත් PREY සිනමාපටය නරඹලා පිළිවෙලට නරඹන්න හැකියාව තියෙනවා.

HULU ස්ට්‍රිමින් සර්විස් හරහා නිකුත් වුන PREY 2022 සිනමාපටයේ අධ්‍යක්ෂණය Dan Trachtenberg විසින් සිදු කොට ඇති අතර IMDB අගය 7.1 සහ කුණු තක්කාලි දර්ශක අගය 92%ක් වැනි ඉහළ අගයක් ලබාගන්න සමත් වෙලා තියෙන මේ චිත්‍රපටයේ ප්‍රධාන චරිතයට පණ පොවන්නෙ Amber Midthunder විසින්. සිනමාපටය තුළ ගෝත්‍රික චරිතයකට පණ පොවනවා පමණක් නොවේ ඇය සැබෑ ලෝකයේදීත් ස්වදේශීය ජන කොට්ටාෂයක් වන Fort Peck Sioux ගෝත්‍රයෙන් පැවත ගෙන එන්නියක් වීම විශේෂත්වයක්.

චිත්‍රපටයේ අන්තර්ගතය ගැන කෙටි හැදින්වීමක් කළොත් ප්‍රෙඩේටර්වරුන්ගේ මුල්ම පෘථිවි ගමන සිදුවෙන කාලය තමයි මේක. ඒ අනුව ඔවුන් මුලින්ම පෘථිවියට එන්නේ 16වන සියවසේ. ඉතින් 1987 සිනමාපටය බැලුව අයට මතක ඇති තාක්‍ෂණය දියුණු කාලයක් වුන ඒ කාලේ පවා ප්‍රෙඩේටර්වරුන් එක්ක සටන මොන තරම් අසීරු උනාද කියලා. ඉතින් ඊටත් වඩා නොදියුණු කාලෙක, දුනු ඊතල යොදාගෙන දඩයම් කරන ගෝත්‍රයක ඉන්න තරුණ කෙල්ලෙක්ට මේ ප්‍රෙඩේටර්ලා එක්ක සටන කොයි වගේ වෙයිද කියන එක අමුතුවෙන් කියන්න අවශ්‍ය නැහැනෙ. තමන්ගෙ ගෝත්‍රය ආරක්‍ෂා කරගන්න මේ තරුණියට හැකි වෙයිද නැද්ද කියන එක ඔබටම බලාගන්න ඉඩ තබමින් මං කතාව ගැන මොකුත්ම කියන්න යන්නෙ නෑ.

රසිකයින් බොහෝ දෙනෙක්ගේ සහ ක්‍රිටික්ස්වල මතය අනුවනම් මේක තමයි 1987 සිනමාපටයෙන් පස්සෙ ආව predator සිනමාපට මාලාවේ හොදම චිත්‍රපටය. ඇතැමෙක්ට අනුව 1987 සිනමාපටයටත් වඩා හොදයි. එහෙමනම් බලලා ඔබ හිතන්නෙ මොකක්ද කියන ඒකත් කියලම යන්න. යළිත් උපසිරසියකින් හමුවෙන තෙක් ඔබ සැමට ජයෙන් ජය!

 

 

 

 

 

Due to copyright issues, we do not provide any torrent link.

මෙම ලබා දී ඇති උපසිරසි WEB පිටපත් සඳහා අදාළ වේ.

56,139 downloadsDownload Prey-2022.zip18 KB

මේ ලබා දී ඇති සිංහල උපසිරැසි පිළිබද “මධුකප්‍රිය පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2015-04-19
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.