Rana Vikrama (2015) with Sinhala Subtitles | මාතෘ භූමිය වෙනුවෙන් දිවි නොතකා සටන් කරමි!! [සිංහල උපසිරැසි සහිතව]

බයිස්කෝප් සිංහලෙන් සහෘදයින් වෙත සියලු පැතුම් ඉටුවන යහපත් දවසකට ආසිරි!! මා අද පැමිණෙන්නේ මගේ පස්වන (05) උපසිරැසි නිර්මාණයත් සමඟින් මුලින්ම මේ වැඩේ කරන්න මට උදව් දීපු අයව මතක් කලහොත් විශේෂයෙන් මගේ බාල සොයුරිය නිලුෂා නංගි (චූටි දූ) එයාගේ කලාත්මක හැකියාව ප්‍රයෝජනයට අරගෙන මේකේ පළවෙනි සිංදුවේ පද ටික ලස්සනට ගලපල හදාගන්න මට සහය දුන්නා. ඒ වගේම මතක් කරලා හදපිරි ස්තුතිය පුද කරන්න ඕන චාමර කනිෂ්ක වගේම සමන් අරුණ කුමාර යන මල්ලිලා දෙන්නටත් මාව නිතර නිතර දිරිමත් කරාට. මේ උපසිරැසිය කරන්න පටන් අරගෙන ඉවර කරන්න දවස් හයක්ම ගතවුනා දන්නේම නැතිව. ඒ අතරතුරෙම අපේ සඳුන්ගේ උපසිරැසියකත් චූට්ටක් කරලා දුන්නනේ. අනිත් එක තමයි අපේ සමීර අයියා මේක මට දෙන කොට මගේ 04 වෙනි උපසිරැසිය Ugramm (2014) Kannada එක කර කර හිටියේ මගේ තිබුණ කාර්ය්‍ය බහුලත්වය හින්දා මේ වැඩේ භාර ගත්ත ඉක්මණට දෙන්නත් බැරිවුනා .! තව එකක් කියන්න ඕන කට්ටිය බලනවත් ඇති මම මොකද මේ කර්ණාටක චිත්‍රපටිම වැඩියෙන් අරන් එන්නේ කියලා ඒකට හේතු නැතිවම නෙවෙයි කර්ණාටක ප්‍රාන්තයේ මගේ යාළුවෙකුත් ඉන්නවා. ඒ විතරක් නෙවෙයි කර්ණාටක චිත්‍රපටිවලිනුත් උසස් අද්විතීය සිනමා රස වින්දනයක් ලබා ගන්න පුලුවන් කියලා තමයි මට නම් හිතෙන්නේ.! එහෙම නම් අපි දැන් සලරුව ගැන ටිකක් කතාකරමු.

දක්ෂිණ භාරතයේ කර්ණාටක ප්‍රාන්තයේ නිපැයුනු මේ සිනමා පටය 2015 වර්ෂයේ අප්‍රේල් මස 10 දින සිට ලොවපුරා තිරගත කිරිම ආරම්භ කල Action ,Thriller , Romance යන වර්ගීකණයට අයත් සිනමා පටයක්. මෙහි IMDb හි අගය ලෙස 10/7.1 සටහන්වී තිබෙන අතර මෙම චිත්‍රපටය සඳහා රංගනයෙන් දායකත්වය සපයා තිබෙන්නේ කර්ණාටක සුපිරි නළු “පවර් ස්ටාර්“ පුනීත් රාජ් කුමාර් . වික්‍රම් ලෙසිනුත් “ආදාහ් ෂර්මා .පාර්වති ලෙසටත් තව දමිළ සිනමා නිළියක් වන “අංජලි “ විසින් ගෞරිගේ චරිතයත් නිරුපණය කරමින් රංගනයෙන් දායකත්වය ලබාදී ඇති අතර මෙහි නිෂ්පාදනය “ජයන්නා බෝගේන්ද්‍රා විසින්ද අධ්‍යක්ෂණය “පවන් වේදයාර් විසින් කර තිබෙනවා..! තවද මෙතෙක් කල් නිර්මාණයවු කර්ණාටක චිත්‍රපට අතුරින් මිල අධිකම එලිමහන් පසුතල නිර්මාණය මේ සිනමාපටය තුලට යොදා ගෙන තිබීමද සුවිශේෂි කරුණක් වෙනවා.

චිත්‍රපටයේ කථාව දෙසට අවදානය යොමු කලහොත් පොලිස් නිළදාරියකු වීමට ඉතා ආශාවෙන් පසුවන වික්‍රම් නම් තරුණයෙක් වටා කතාව ගෙති යන අතර කර්ණාටක ප්‍රාන්තය සහ මහාරාෂ්ට ප්‍රාන්තය අතර තිබෙන ගමක්ද මෙයට සම්බන්ද වෙනවා. නමුත් පුදුමය නම් ඒ ගම මහරාෂ්ට ප්‍රාන්ත සිතියම තුලවත් කර්ණාටක ප්‍රාන්ත සිතියම තුලවත් අඩංගුවෙලා නැති ගමක්. ඒ ගම ගැන කර්ණාටක ඉතිහාසය නම්වු පොතකින් විස්තර ලබාගෙන ඒ ගම පිළිබඳව කරුණු ගවේෂණය කිරිමට යන වාර්ථාකාර තරුණියක් ඒ ගමට ගොස් නැවත පැමිණෙන්නේ නෑ. පොලිසියට බැඳෙන වික්‍රම්ගේ පළමු රාජකාරි ස්ථානය වෙන්නෙත් ඒ ගම. ඉතින් වික්‍රම් ඒ ගමේ රාජකාරි කරයිද? ඒ ගම මොකද්ද? ඉතිහාස පොතේ ගම ගැන තියෙන්නේ බොරුද? අර තරුණියට මොකද උනේ? වික්‍රම් ඒ තරුණියව සොයා ගනිවිද? මේ සියල්ල දැන ගන්නට නම් සිනමාපටය නරඹන ලෙසට මා ඔබ සැමගෙන් ඉල්ලා සිටිනවා. ඔබ සැමට ජයෙන් ජයම වේවා.

(මේ චිත්‍රපටයේ සයිස් එක ලොකු වැඩියි කියලා අත අරින්න එපා අඩු සයිස් එකක් නිකුත්වුන ගමන් අප්ඩේට් කරන්නම් ඔබත් උසස් සිනමාපට රසවිඳින අයෙක් නම් මෙය මග හැරගන්නට එපා යැයි මා යෝජනා කර සිටිනවා. තවද ඔබගේ වටිනා අදහස් උදහස්ද දක්වා යන්න)

 

 

 

Due to copyright issues, we do not provide any torrent links.

 

Ranavikrama (2015) – DVDRip – 720p – .mkv

මෙම ලබා දී ඇති උපසිරසි ඉහත පිටපත සඳහා ආදාළ වේ.

5,218 downloadsDownload Rana-Vikrama-2015.zip60 KB

 

https://d36zzuvfojr38z.cloudfront.net/wp_content/uploads/2015/10/M.T.R.-තරිදු_රුක්ෂාන්_පෙරේරා.jpg මේ ලබා දී ඇති සිංහල උපසිරැසි පිළිබද “M.T.R. තරිදු රුක්ෂාන් පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.