Ratcatcher (1999) Sinhala Subtitles | කසල මැද ජීවිතය…. [සිංහල උපසිරැසි සමඟ] (18+)

තවත් අතිශය වෙනස් කතාවක් තමයි ඔබ වෙත අරගෙන එන්න මේ සුදානම. මුලින්ම කියන්න ඕන මේක හැමෝටම නෙමෙයි, නමුත් වෙනස් චිත්‍රපට බලන්න කැමති කෙනෙක්ට නම් මේක අගනා නිර්මාණයක් වේවි. ඒ වගේමයි මේක වැඩිහිටියන්ට පමණක් සුදුසු චිත්‍රපටයක්. පෝස්ටරය කොහොම වුනත්, කතාව දිව යන්නේ ළමයෙක් ප්‍රධාන කරගෙන වුනත් මෙහි ඇතැම් දර්ශන පොඩිහිටියන්ට නෙමෙයි. කොටින්ම කියනවා නම් අර කාලෙකට පෙර ලංකාවේ කිසියම් ආන්දෝලනයක් ඇතිකළ “අක්ෂරය” සිනමා නිර්මාණය වගේ කොටස් කිහිපයක් තියන එක තමයි ඊට හේතු වන්නේ.

මේ චිත්‍රපටය මගේ ඇස ගැටුනේ ලගක දී ඔබ වෙත අරගෙන ආව You Were Never Really Here (2017) ගැන හොයා බලන වෙලාවේ. ඒ චිත්‍රපටයේ කතාව ඔබට වැටහෙන්න ඇති කියල හිතනව, සමහරුන් නම් බැනලත් තියනව මම දැක්ක, සතුටුයි ඒක නොතේරුන පිරිසකුත් තවමත් අපි අතරේ ඉන්න එක ගැන. Lynne Ramsay මුල්ම චිත්‍රපටය. 1999 වසරේ දී Cannes සිනමා උළෙලේ එළිදැක්වුණ මේ නිර්මාණය IMDB මීටරයේ 7.5 ක අගයකුත්, රෝටන් ටෝමටෝ මීටරයේ 84% අගයකුත් දිනාගෙන බොහොම විචාරක පැසසුමට ලක්වුණ එකක්. ඒ වගේම මේ නිර්මාණය වෙනුවෙන් අධ්‍යක්ෂිකාවට ඒ වසරේ BAFTA සම්මාන උළෙලේ දී බ්‍රිතාන්‍ය සිනමාවට අලුතෙන් ප්‍රවේශ වූ හොඳම අධ්‍යක්ෂණයට හිමි කාර්ල් ෆොර්මන් සම්මානයත් දිනා දෙන්න තරම් සාර්ථක වුනා. Tommy Flanagan, Mandy Matthews, William Eadie වගේ පිරිසකගේ රංගනයෙන් හැඩවෙන මේ කතාව කොහොමද කියල බලමු එහෙනම්…

මෙහි කතාව ගලාගෙන යන්නේ 1970 වසරේ ස්කොට්ලන්තයේ කුණුකසල එකතු කරන්නන්ගේ වැඩ වර්ජනය පැවති කල සිමාවේ. ග්ලාස්ගෝ නගරයේ අන්ත දරිද්‍රතාවයෙන් පෙලෙන පවුලක ජේම්ස් නම් කොලුගැටයෙක් කේන්ද්‍ර කරගෙන තමයි මේ කතාව ගලා යන්නෙ. ඒ සමාජය ඇතුලේ ළමා ලෝකය කොයිතරම් කටුක ද? සමාන්‍යන් අපි වැරදි ලෙස දකින කොතරම් දේ ඔවුන්ට එදිනෙද දකින්නට ලැබෙනවද කියන දේ එහෙම හොඳින් දකින්නට ලැබෙයි. විශේෂයෙන්ම ඔහුට මාග්‍රට් හදුනා ගන්න ලැබීමත් එකක් තමයි ඒ කතා තේමාව ගලා යන්නෙ, ජේම්ස්ට වඩා වයසින් ටිකක් වැඩි ඇය නිතිපත ප්‍රදේශයේ වැඩිමහලු පිරිමි ළමුන්ගේ ගොදුරක් බවට පත් වෙන මුත් එය ඔවුනට සාමාන්‍ය දෙයක්… ඉතින් කවර කතා ද? නමුත් මේ සියල්ල අතරේ දුරින් ආලෝකයක් පෙනෙන නිසා තමයි මෙහෙම හෝ ඔවුන්ගේ ජීවිතය ගෙන යන්නේ, ඒ හොඳ නිවසක් ලැබෙන බලාපොරොත්තු…

ඉතින් එහෙනම් මේ වෙනස්ම විදිහ කතාව ඔබට බාරයි… ආයෙත් උපසිරසක් එකක් හමුවෙමු එතෙක්, ඔබට ජය වේවා !!!

 

 

 

Due to copyright issues, we do not provide any torrent links.

ලබා දී ඇති උපසිරසිය Ratcatcher.1999.iNTERNAL.Criterion.DVDRip.XviD-RiTALiX පිටපත සඳහා අදාළ වේ.

 

https://d36zzuvfojr38z.cloudfront.net/wp_content/uploads/2018/03/28616527_1854152187963064_3150036820179633625_o-e1520102326421.jpg මේ ලබා දී ඇති සිංහල උපසිරැසි පිළිබද “සමීර කරුණාරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-02-12
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.