Requiem for a Dream (2000) with sinhala subtitles | හඹා යන්න ඒ සිහිනය පසුපස…..[සිංහල උපසිරසි සමඟ]

මුලින්ම සමාව ඉල්ලන්න ඕනේ මේක ගේන්න ටිකක් ප්‍රමාද උන එකට. ඒ වගේම මම කලින් කරපු “The Road Home අනන්තයට යන පාර දිගේ… (1999) ” උපසිරැසියට එක වචනෙකින් හරි මට ස්තූති කරපු හැම දෙනාටම ස්තූතිවන්ත වෙන්න මේක අවස්තාවක් කර ගන්නවා. මොකද ඒ දිරි ගැන්වීම් නිසා තමයි මොන තරම් කාර්යබහුල උනත් මේ වෙනුවෙනුත් කාලය වෙන් කර ගන්න පුලුවන් උනේ. ඒ වගේම තවමත් සිංහල උපසිරැසි කරලා නැති IMDb වර්ගීකරනයට අනුව ලොව හොඳම සිනමා සිත්තම් වලට උපසිරැසි දෙන එකේ තවත් එක උත්සාහයක ප්‍රතිඵලයක් තමයි මේ විදියට එලි දකින්නේ. ඒ වගේම ස්තුතිවන්ත වෙන්න ඕනෙ බයිස්කෝප් අඩවිය වෙනුවෙන් සම්බන්ධ වුන සමන් ප්‍රසාද් සහෝ ටත්.

IMDb වර්ගීකරනයට අනුව 8.4/10 ලබා ලොව හොදම චිත්‍රපට 250 අතුරින් 78 වන ස්ථානයේ වැජඹෙන rotten Tomatoes වර්ගීකරනයේ 78% ක් ලබාගත්  ලොව පුරා සම්මාන උලෙළවල් වලදී සම්මාන 33ක් දිනා ගත් නිර්දේශවීම් 62 කට හිමිකම් කියන මේ සුපිරි සිනමා සිත්තම නොබැලූ දෑස් කුමට?

Darren Aronofsky අධ්‍යක්ෂණය කරපු  මේ සිනමා සිත්තමට  පාදකවෙන්නේ Hubert Selby Jr විසින් රචනා කරපු  Requiem For a Dream කියන ජනප්‍රිය නවකතාවයි. ඇකඩමි සම්මාන ඇතුලු ලොව පුරා සම්මාන උළෙලවල් රැසකින් ඇගයීමට ලක්වුන මේ සිනමා සිත්තමට  IMDB දර්ශකයේ 8.4 වැනි ඉහල අගයක් ලැබී තිබෙනවා. හැරී කියන චරිතය වටා මේ කතාව කේන්ද්‍ර වුනත් සරා ගෝල්ඩ්ෆාබ් කියන චරිතය නිරූපණය කරන Ellen Burstyn පුදුම රංගන කුසලතාවක් පෙන්වනවා. මේ නිසාම ඇයට මේ චරිතය වෙනුවෙන් සම්මාන රැසක් හිමිවෙලා තියනවා. ඒ වගේම ඔස්කාර් සම්මාන උළෙලේදී ඇය හොදම සහාය නිලියට හිමි සම්මානයටත් නිර්දේශ වෙනවා. මුලදි මේ චරිතය භාරගන්න අකමැති වුනත් Darren Aronofsky ගේ Pi කියන චිත්රපටය ගැන දැනගත්තම තමයි ඇය මේ වෙනුවෙන් දායකත්වය ලබාදෙන්න තීරණය කරලා තියෙන්නේ.

මේ සිනමා සිත්තම සුවිශේෂි වන අනෙක් කාරණය තමයි සංස්කරණය සහ සංගීතය. සිනමාව කියන මාධ්‍ය අපූරු භාවිතාවක් බව පෙන්වන්න මේ සංස්කරණ හැකියාව හොද සාක්කියක්. මොකද සාමාන්‍ය චිත්‍රපටියක ජවනිකා (Scenes) 600ක් 700ක් භාවිතා වුනත් විනාඩි 102 ධාවනය වන මේ චිත්‍රපටියට ජවනිකා 2000 ක් විතර අඩංගුයි. ඒ වගේමයි පසුබිම් සංගීතය. කතාවට වගේම බලන අපිටත් අපූරු ජවයක් එන මේ පසුබිම් සංගීතය නම් ඔබ අහලත් ඇති. මොකද ඒක ඒ තරමටම ජනප්‍රියයි.

ඔබත් මමත් අපි හැමෝමත් ජීවිතේ ගැන විවිධාකාරයේ හීන දකිනවා. ඒ වගේම ඒ දකින හීන හැබෑ කර ගන්න, ඒ හීන පිටිපස්සෙ අපි හඹා යනවා. ඒත් ඒ හීන හැබෑ කර ගන්නකොට අපිට ජීවිතේ මොනතරම් නම් දේවල් මග ඇරෙන්න ඇද්ද? ඒ වගේම හීන පස්සෙ දුවනකොට අපි අමතක කරන දෙයක් තමයි, හීන පිටිපස්සෙ දුවලා දුවලා හති වැටුනාම නතර වෙන්න ඕනෙ කියන එක. අනිත් එක තමයි හීන හැබෑ කර ගන්න කෙටි ක්‍රමවත් හොර ක්‍රමවත් නෑ කියන එක.  මේකේ කතාව ගැන මම වැඩිපුර මොනාවත් කියන්න යන්නෙ නෑ. මොකද මේක වචන වලින් කියන්න බැරි තරමටම සුපිරි සිනමා නිර්මානයක් නිසා. ලැබිලා තියන සම්මාන ගානෙම්ම හිතා ගන්න පුලුවන්නෙ මේක මොනතරම් සුපිරි කතාවක්ද කියන එක ගැන. මේ කතාවේ ප්‍රධාන චරිත 4ක් ඉන්නවා. ඒ හතර දෙනා දකින්නේ එකිනෙකාට වෙනස් හීන හතරක්. හීන පිටිපස්සේ දුවන මේ හතර දෙනාගෙ ජීවිත කතාව ඇතුලේ ඔබෙත් මගේත් ජීවිත කතාව හරි අපූරුවට ලියැවිලා තියෙනවා. ඔබත් මමත් දකින ඒ හීන වල අවසානය දැක ගන්න, ජීවිතේ ගැන විවිධාකාරයේ හීන මවන, දකින ඔබ හැම දෙනාටම ආරාධනා කරනවා.

ඔබ චිත්‍රපටි ලෝලියෙක් නම් තවමත් මේ සුපිරි සිනමා සිත්තම රසවිදලා නැත්නම් මේ තමයි ඔබට මග ඇරුන ඒ හීනෙ දැක ගන්න හොදම වෙලාව. ඒ වගේම ඔබ මේ සිනමා සිත්තම කලින් රසවිදපු කෙනෙක් නම් තවත් කෙනෙක් එක්ක ඒ රසය බෙදා ගන්න පහලින් අදහසක් දක්වලා යන්න.

” හඹා යන්න ඒ සිහිනය පසුපස
එපා නතර වෙන්න දිනා ගන්න එය
නමුත් දෙපා රිදෙන විට හති වැටෙන විට
මග නතර වෙන්න මතක තියා ගන්න “

තවත් මෙවැනිම සුපිරි සිනමා සිත්තමක සිංහල උපසිරැසිය සමගින් නැවත හමුවෙමු. ඔබට ජය….

2012 මැයි 14 Sanju Liyanage සොහොයුරා විසින් පල කළ ලිපිය.

හීන සැබෑ කරගන්නේ හීන දකින මිනිස්සුම තමයි.මේ කතාව ගලාගෙන යන්නෙත් ඒ වගේ හීන දකින චරිත 4ක් කේන්ද්‍ර කරගෙන.සරා ගෝල්ඩ්ෆබ් කියන්නේ තරුණ පුතෙක් ඉන්න වයස්ගත අම්ම කෙනෙක්.තාත්තා නැති මේ පවුලේ අම්මට ඉන්න එකම වස්තුව හැරී කියන මේ තරුණ පුතා.හැරීගෙ පෙම්වතිය මැරියන්.හැරීගේ හොදම යාලුවා ටිරෝන්.හැරී පෙම්වතියට සහ තමන්ගෙ අම්මට වගේම තවත් දෙයකට ආදරය කරනවා.ඒක ආදරයකට වඩා ඇබ්බැහියක්.හැරී මැරියන් සහ ටිරෝන් ඒ ඔස්සේ තමන්ගේ හීන හැබෑ කරගන්න අතරේ ගෙදර පාලුවෙන් ඉන්න මේ වයස්ගත අම්මාගේ තනිය මකන්නේ රූපවාහිනිය.රුපවාහිනියේ විකාශය වෙන එක්තරා රියැලිටි වැඩසටහනකට හැරීගේ අම්මා සෑහෙන ආසයි.ඔය අතරේ හැරී ගෙදරින් යන්නේ අම්මා තවත් හුදකලා කරලා.මේ අතරේ හැරීගේ අම්මට ඒ කියන්නේ සරාට හදිසියෙම තීරණාත්මක ඇමතුමක් එනවා.මෙතනින් පස්සේ ඇය සම්බන්ධ කතාව අපූරු විදිහකට ගලාගෙන යද්දි හැරී මැරියන් සහ ටිරෝන්ගේ කතාවත් උණුසුම්ව ගලාගෙන යනවා.

Darren Aronofsky අධ්‍යක්ෂණය කරපු Requiem For a Dream කියන මේ චිත්‍රපටයට පාදකවෙන්නේ Hubert Selby Jr ලියපු පොතක්.ඇකඩමි සම්මාන ඇතුලු ලොව පුරා සම්මාන උළෙලවල් රැසකින් ඇගයීමට ලක්වුන මේ චිත්‍රපටයට IMDB දර්ශකයේ 8.4 වැනි ඉහල ශ්‍රේණිගත කිරීමක් ලැබී තිබෙනවා.හැරී කියන චරිතය වටා මේ කතාව කේන්ද්‍ර වුනත් සරා ගෝල්ඩ්ෆබ් කියන චරිතය නිරූපණය කරන Ellen Burstyn පුදුම රංගන කුසලතාවක් පෙන්වනවා.මේ නිසාම ඇයට මෙම චරිතය වෙනුවෙන් සම්මාන රැසක් හිමිවෙලා තියනවා.ඇය මුලදි මේ චරිතය භාරගන්න අකමැති වුනත් Darren Aronofsky ගේ Pi කියන චිත්‍රපටය ගැන දැනගත්තම තමයි මේ වෙනුවෙන් දායකත්වය ලබාදෙන්න තීරණය කරලා තියෙන්නේ.

මේ චිත්‍රපටය විශේෂි වන අනෙක් කාරණා තමයි සංස්කරණය සහ සංගීතය.සිනමාව කියන මාධ්‍ය අපූරු භාවිතාවක් බව පෙන්වන්න මේ සංස්කරණ හැකියාව හොද සාක්කියක්.මොකද සාමාන්‍ය චිත්‍රපටයක ජවනිකා (Scenes) 600ක් 700ක් භාවිතා වුනත් විනාඩි 102 ධාවනය වන මේ චිත්‍රපටයට ජවනිකා 2000 ක් විතර අඩංගුයි.ඒ වගේමයි පසුබිම් සංගීතය.කතාවට වගේම බලන අපිටත් අපූරු ජවයක් එන මේ පසුබිම් සංගීතය නම් ඔබ අහලත් ඇති.මොකද ඒක ඒ තරම් ජනප්‍රියයි.
මේ චිත්‍රපටය ඔබට යමක් කියලා දේවි.ඒ පාඩම සමාජයේ ඉන්න තවත් කෙනෙකුට කියලා දුන්නොත් ලෝකය මීටත් වඩා ලස්සන වේවි.එදාට අපිට වගේම ඒ උදවියටත් දකින හීන හැබෑ කරගන්න පුලුවන් වේවි….

 

 

 

Due to copyright issues, we do not provide any torrent links.

               මෙම ලබා දී ඇති උපසිරසි BR පිටපත සඳහා අදාළ වේ.

9,525 downloadsDownload Requiem-for-a-Dream-2000.zip47 KB

https://d36zzuvfojr38z.cloudfront.net/wp_content/uploads/2017/04/Hasitha-M.jpg මේ ලබා දී ඇති සිංහල උපසිරැසි පිළිබද “හසිත මධුෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-01-07