Sand Storm (2016) AKA Sufat Chol Sinhala Subtitles | සිහින අහිමි ලන්දූ….. [සිංහල උපසිරසි සමඟ]

මුලින්ම ස්තූතිවන්ත වෙන්න ඕනෙ මම කලින් කරපු ” Omar (2013) අහස කඩා වැටේ…..” උපසිරැසියට එක වචනෙකින් හරි මට ස්තූති කරපු හැම දෙනාටම. මොකද ඒ දිරි ගැන්වීම් නිසා තමයි මොන තරම් කාර්යබහුල උනත් මේ වෙනුවෙනුත් කාලය වෙන් කර ගන්න පුලුවන් උනේ.

සෑම වසරකදීම ලෝකය පුරාවට විවිධාකාර රටවල් වල විවිධාකාර භාෂා වලින් නිර්මාණය වන්නාවූ දස දහස් ගනනක් වූ සිනමා පට අතුරින් බොහෝවිට අපේ නෙත ගැටෙනුයේ ඉංග්‍රීසි, කොරියානු, හිංදි, දමිළ ආදී සීමිත භාෂා ගණනකින් නිර්මාණය වූ එකම වර්ගයකට අයත් සිනමා නිර්මාණයන් කොටසක් පමණයි. මේ හේතුව නිසාවෙන්ම වෙනත් භාෂා වලින් නිර්මාණය කෙරෙන්නා වූ විශිෂ්ට සිනමාපට රැසක් අපට නොදැනීම මගහැරී යනවා. මේ උත්සාහය එසේ මගහැරී යන්නාවූ වෙනස්ම ආකාරයේ සිනමා සිත්තමක උපසිරැසියක් ලබා දෙන්නයි.

ලෝකෙ වටේ විවිධාකාර භාෂා වලින් නිර්මාණය උන සිනමා නිර්මාණ රසවිඳිනකොට හම්බ උන වෙනස්ම විදියේ ඊශ්‍රායල සිනමා නිර්මාණයක් තමයි මේ පාර උපසිරැසියක් කරන්න තෝර ගත්තෙ. මේ සිනමා සිත්තම ගැන මාව දැනුවත් කරලා උපසිරැසියක් කරමු කියලා ඉල්ලීමකුත් කරපු ජගන්නාථ එහෙමත් නැතිනම් ප්‍රේමකුමාර ගම්ලත් මහත්මයාට බොහොමත්ම ස්තූතියි මේ සිනමා සිත්තම ගැන මාව දැනුවත් කලාට. මොකද එහෙම නොවන්නට මටත් මේ සිනමා සිත්තම මග හැරී යන්නට තිබුනා….

IMDb දර්ශකයේ 6.9ක් සහ rotten Tomatoes වර්ගීකරනයේ 92%ක් ලබා ගත්තු මේ සිනමා සිත්තම ලෝකෙ වටේම සිනමා සම්මාන උලෙළවල් නියෝජනය කරලා සම්මාන 15ක් සහ තවත් නිර්දේශවීම් 19ක් ලබාගත්තු වෙනස්ම විදියේ ඊශ්‍රායල සිනමා සිත්තමක්. මේ සිනමා සිත්තම මේ වසරේ පැවත්උන ඔස්කාර් සම්මාන උලළේදී හොඳම විදේශීය භාෂා චිත්‍රපටයට හිමි සම්මානය වෙනුවෙන් ඊශ්‍රායලයේ ඉදිරිපත් කිරීම බවටත් පත් උනා. මේ සිනමා සිත්තමේ කතාව කියන එක නං හරිම අමාරු වැඩක්. මොකද මේක නරඹලා මිසක් කියවලා රසවිඳින්න පුලුවන් ජාතියේ සිනමා සිත්තමක් නොවෙන නිසා. ඒ නිසා තෝරා බේරාගෙන රසවිඳීම ඔබට බාරයි….

ඇයත් කෙල්ලකි…. පියා සැමියා පුතා කේන්ද්‍රකරගත් සමාජයක, ගැහැණිය යනු තවත් එක් අජීවී වස්තුවක් පමණකැයි සිතූ සමාජයක, ගැහැණිය යනු පිරිමියාගේ ලිංගික සතුට උදෙසා පමණක්ම දෙවියන් විසින් මවනු ලද්දාවූ කෙළි බඩුවක්යැයි සිතූ සමාජයක ඇයත් කෙල්ලකි. ඛේදනිය ඉරණමක හිමිකාරියකි. සිය තාරුණ්‍යයේ හැඟීම් සිර කරගෙන ජීවිතය විඳවනා කෙල්ලකි. මුසල්මානු ඉගැන්වීම් සිය වාසියට හරවාගත් පුරුෂ පක්ෂයක අතොරක් නැති තාඩනයන් හමුවේ ආගමේ නාමයෙන්, පරපුරේ නාමයෙන් තහනම් ආදරයක් වෙනුවෙන් හඩා වැටෙනා කෙල්ලකි. මේ ඇයගේ ආදර කතාවයි….

සිහින නොදකිමි,
    නිසල රැය බොහෝ කෙටි නිසා….
කල් මරන්නෙමි,
    කාලයම බොහෝ දේ දුන් නිසා….
කඳුළු සඟවමි,
    පිරිමි හිත් ගල් වූ නිසා….
රහසේ හඬමි,
    ගලුත් ඉරි තලනා නිසා….
( උපුටා ගැනීමකි. )

කාලයේ වැලි තලාවෙන් වැසී ගිය IMDb දර්ශකයට අනුව හොඳම සිනමාපට 250ට ඇතුලත් තවත් වෙනස්ම විදියේ සිනමා නිර්මාණයක උපසිරැසියත් සමඟින් නැවත හමුවෙමු. ඔබට ජය….!

ප.ලි
සබ් කරන්න මග ඇරුන පරන උනත් හොද ෆිල්ම් තියෙනවා නං පහලින් කමෙන්ට් එකක් දාලා යන්න. පුලුවන් විදියකට කරන්නම්….

 

 

 

Due to copyright issues, we do not provide any torrent link.

මෙම ලබා දී ඇති උපසිරසි DVD පිටපත් සඳහා අදාළ වේ.

4,490 downloadsDownload Sufat.Chol_.AKA_.Sand_.Storm_.2016.zip26 KB

මේ ලබා දී ඇති සිංහල උපසිරැසි පිළිබද “හසිත මධුෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-01-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.