Shorts (2009) | කප් රුක නෙවෙයි, කප්-ගල..

කාලෙකින් අපේ පුංචි නංගිලා මල්ලිලාට ගැලපෙන බයිස්කෝප් එකක් මට දෙන්න බැරි වුනානේ. ඔන ඒ නිසා අද මම අරගෙන ආවේ අපේ නංගිලා මල්ලිලාට බලන්න පුළුවන් ලස්සන ළමා චිත්‍රපටියක්.

චිත්‍රපටියේ කතාව ගැන යමක් කිවුවොත් මෙහෙමයි. Toby “Toe” Thompson කියන්නේ පොඩි ළමයෙක්. හැබැයි මෙයා ටිකක් කොට නිසා, උස අයගෙන් සෑහෙන්න කරදර විඳින්න සිද්ධ වෙනවා. කොහොම හරි කට්ට කාගෙන හිටපු එකේ ප්‍රථිඵල ලැබෙන්නේ අමුතු විදියකින්. පුංචි Toe ට ලැබෙනවා මැජික් ගලක්. සාමාන්‍යයෙන් අපි සිතු පැතූ හැම දෙයක්ම ලබා දෙන ගසට කියන්නේ, කප් රුක කියලනේ. මේක එහෙම හැම දෙයක්ම ලබා දෙන කප්-ගලක්. මේකෙන් Toeගේ ගොඩක් ප්‍රශ්න විසඳෙනවා. ඒත් වැඩි කලයක් එහෙම ඉන්න වෙන්නේ නැහැ. මේ මැජික් පාශානය ගැන දැනගත්ත Mr. Carbon Black කියල බල තණ්හාවෙන් මත් වූ කෝටිපති ව්‍යාපාරිකයා, මේ මැජික් ගල තම සතු කරගන්නවා. ඔන්න ඔතන ඉදන් තමයි ගේම පටන් ගන්නේ.

මේක කියෙවුවම හිතෙනව නේද සුපුරුදු විරයා-දුෂ්ඨයා විදියට නිර්මාණය වූ කතවක් කියල. ඒ බව නම් ඇත්ත. නමුත් මේ කතාව ගලාගෙන යන්නේ කුඩා කොටස් හයකට වෙන් කරලයි. ඒව තියෙන්නෙත් පිළිවෙලකට නෙවෙයි. තවදෙයක්, මේ චිත්‍රපටියේ නිර්මාපකයා අපි කවුරුත් අහල තියෙන Spy Kids සහ The Adventures of Sharkboy and Lavagirl යන ළමා චිත්‍රපටි අධ්‍යක්ෂණය කල Robert Rodriguez.

නිවාඩු දින කිහිපක් ඉදිරියට එන එකේ, හරි හමන් දෙයක් රූප පෙට්ටියේ යන්නෙත් නැති එකේ, මේක අදම බාන්න දාල, පොඩි කට්ටියත් එක්ක එකතු වෙලා බලන්න, රසවිඳින්න.