Tezaab (1988) Sinhala Subtitles | ඇසිඩ්… [සිංහල උපසිරසි]

මිනිස්සු 60යි, ගෑනු 16යි, ළමයි 40යි තුවාල වෙලා.
තුන් දෙනෙක් මැරිලා. කඩ 42ක් මංකොල්ල කාලා.
අද වෙනකන් පොලීසියට බැරි වුනා හොයාගන්න
උන් කවුද කියල.
අපිට දැනගන්න පුලුවන් වුනේ ඒ
බයානක අපරාධකාරයෙක්ගෙ කල්ලියක් කියල විතරයි.
ඒ මිනිහා ඉස්සර ඉඳන්ම පොලීසියට ඕනෑ කරපු මිනිහෙක්.
එයාගෙ නම මුන්නා.
අදින් අවුරුද්දකට කලින් එයාව පිටමන් කරල තියෙනවා.
මේ තියෙන්නෙ එයාගෙ ෆයිල් එක.
මේ ඉන්නෙ මහේශ් දේශ්මුක් නෙ.
එයා කොහොමද මුන්නා වුනේ?
සර් එයා මේ පැත්තෙ ප්‍රසිද්ද වෙලා ඉන්නෙ මුන්නා කියන නමින්.
මීට කලින් මිනී මැරුමකට අවුරුද්දකට හිරේ ගියා.
ඒත් මගෙ මතකය කියන්නෙ මෙයා අහිංසක නීතිගරුක ඒත්…
සෙල්ලක්කාර තරුනයෙක් කියල.
එයා රට වෙනුවෙන් මැරෙන්න වුනත් සූදානම් වෙලා හිටියෙ.

ඒත් එක දවසක්,

බැංකුවක් මංකොල්ල කන්න ආපු මංකොල්ල කාරයො කට්ටියක් අතින්
මහේශ්ගෙ අම්මයි තාත්තයි මිය යනවා…
මහේශ්ගෙ ජීවිතෙ සතුටුම දවස එක මොහොතකින්…
ජීවිතේ දුකම දවස බවට පත් වුනා.
මන් කවදාවත් දැකල නෑ…
ජීවිතේ කාටවත් මීට වැඩිය ලොකු විහිලුවක් කරනවා.
ටික දවසකින් මහේශ් එයාගෙ නංගිවත් එක්කගෙන මුම්බායි ආවා.
මට ඊට පස්සෙ මහේශ්ව මුන ගැහුනෙ නෑ.
මට දැනගන්න ඕනෙ, මහේශ් මුන්නා වුනේ කොහොමද කියල.
ඔයගොල්ලොන්ටත් දැනගන්න ඕනෙ නම්
එහෙම වුනේ කොහොමද කියල?
එන්න මේ චිත්‍රපටිය බලන්න.

Tezaab කියන එකේ තේරුම ඇසිඩ්. 1988 අවුරුද්දෙ තිරගත වුන මේ චිත්‍රපටිය අධ්‍යක්ශනය කරන්නෙ N. Chandra. රංගනයෙන් දායක වෙන්නෙ අනිල් කපූර් සහ මදුරි ඩික්සිත්. අනිල් කපූර්ගේ මිස්ට ඉන්ඩියා චිත්‍රපටියෙන් පසුව රඟපෑ හොඳම චිත්‍රපටියක් වන අතරම මදුරිව එක්රැ යකින් තරුවක් කිරීමට සමත් වූ බව සඳහන් වෙනවා. සංගීත අධ්‍යක්ශනය කරන්නෙ ලක්ශ්මීකාන්ත් ප්‍යාරේලාල්. මෙහි තියෙන Ek Do Teen ගීතය ඒ කාලෙ වගේම අදටත් බොහොම ජනප්‍රියයි. මේ චිත්‍රපටිය නිපදවල තියෙන්නෙ 1984 අවුරුද්දෙ තිරගත වුන Streets of Fire චිත්‍රපටිය ඇසුරෙන්. ඒ වගේම මෙය දමිල බසින් Rojavai Killathe ද, තෙලුගු බසින් Two Town Rowdy ලෙසින්ද නැවත නිපදවෙනවා.

එම වසරේ ෆිල්ම්ෆෙයාර් උලෙලේ සම්මාන හතරකටද මේ චිත්‍රපටිය හිමිකම් කියනවා. ඒ හොදම නලුවා ලෙසින් අනිල් කපූර්, හොඳම ගායනය ට ‘ඒක් දෝ තීන්’ ගීතය සඳහා අල්කා යාග්නික්, හොඳම නර්තන අධ්‍යක්ශන සඳහා සරෝජ් කාන් සහ හොඳම දෙබස් සඳහා කම්ලේශ් පාන්ඩේ. ඒ වගේම තවත් සම්මාන රැසකට නිර්දේශද වනවා.

මේ චිත්‍රපටියට seeds තියෙන ටොරන්ට් ලින්ක් එකක් තිබුනෙ නැහැ. ඉතින් YouTube එකේ පැය 2.42.27 ක ධාවන කාලයක් සහිත Tezaab Full Movie in HD | Anil Kapoor Hindi Action Movie | Madhuri Dixit | Superhit Bollywood Movie කියන කොපියට තමයි සබ් එක කලේ. ඒ නිසා වෙන කොපි වලට සබ් එක ගැලපෙයිද කියලනම් කියන්න බැහැ. ඉතින් බලන ගමන් කමෙන්ටුවක් දාගෙන යන්නත් අමතක කරන්න එපා. තවත් උපසිරැසියකින් ඉක්මණින්ම මුන ගැසෙමු.

 

 

Due to copyright issues, we do not provide any torrent links.

 බයිස්කෝප් ඩවුන්ලෝඩ් අඩවියෙන් නිකුත් කරනා පිටපත සඳහා අදාළ වේ.

1,290 downloadsDownload Tezaab-1988.zip64 KB

මේ ලබා දී ඇති සිංහල උපසිරැසි පිළිබද “දහරා මුතු අමා” සොහොයුරිට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2014-10-06
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.