The Eagle Has Landed (1976) Sinhala Subtitles | වැරදුණ කුරුමාණම [සිංහල උපසිරසි]

ආයුබෝවන්… සුබ දවසක් වේවා බයිස්කෝප් යාළුවෝ හැමෝටම.

මේ දවස් වල වැඩත් ටිකක් අඩු එකේ මේ සිංහල උපසිරසි මට ටිකක් ඉක්මණට අරන් එන්න පුළුවන් වුනා. හැබැයි මං මේ චිත්‍රපටය තෝරගත්තේ මං The Odessa File (1974) චිත්‍රපටයට උපසිරසිය අරන් ආවට පස්සේ. ඒත් දවසින් දවස කල් ගිහිල්ලා ඔන්න මං අද ඔයාල වෙනුවෙන් තවත් පැරණි යුධ ක්‍රියාදාම චිත්‍රපටයකට සිංහල උපසිරසි අරගෙන ආවා.

The Eagle Has Landed (1976)

දෙවන ලෝක යුද්ධය අවසන් වෙන්න ඔන්න මෙන්න තියෙද්දි වින්ස්ටන් චර්චිල් පැහැරගන්න හදන කුමන්ත්‍රණයක් ගැන ගෙතුන කතාවක් තමයි මේ චිත්‍රපටයෙන් කියවෙන්නේ. 1975 දී Jack Higgins විසින් රචනා කර ප්‍රකාශයට පත්කල නවකතාවක් වන The Eagle Has Landed නවකතාව ඇසුරින් තමයි මේ චිත්‍රපටය නිෂ්පාදනය කරලා තියෙන්නේ.

(The Eagle Has Landed නවකතාවේ පළවෙනි සංස්කරණය)

ඒ වගේම මේ චිත්‍රපටය John Sturges විසින් අධ්‍යක්ෂණය කල The Magnificent Seven, The Great Escape, Last Train from Gun Hill වැනි චිත්‍රපට අතරින් ඔහුගේ අවසාන චිත්‍රපටය ලෙස සැලකෙනවා. බොක්ස් ඔෆීස් ආදායම ගැන සඳහන්ව නැතත් චිත්‍රපටය, තිරගතවීම පටන් ගත්තට පස්සේ අති සාර්ථකව තිරගත වූ බව කියවෙනවා. මෙම චිත්‍රපටය නවකතාව ඇසුරින් තිරරචනය කර ඇත්තේ Tom Mankiewicz විසිනි. නිෂ්පාදනය David Niven Jr. සහ Jack Wiener විසිනි.

(සිනමා ශාලා සඳහා එකල නිර්මාණය කල පෝස්ටරය)

මෙහි කර්නල් කර්ට් ස්ටයිනර් ලෙස Michael Caine එක්වන අතර ලියම් ඩෙව්ලින් ලෙස Donald Sutherland එකතු වේ. එයට අමතරව Robert Duvall, Jenny Agutter, Donald Pleasence, Anthony Quayle, Jean Marsh, Sven-Bertil Taube, Judy Geeson, Siegfried Rauch, John Standing, Treat Williams, Larry Hagman ද රංඟනයෙන් එකතු වේ. චිත්‍රපටය 1976 දෙසැම්බර් මස 25 වනදා ෆින්ලන්තයේ සහ ස්වීඩනයේත්, 1977 මාර්තු 31 වනදා එක්සත් රාජධානියේත්, 1977 අප්‍රේල් 2 වන දා එක්සත් ජනපදයේත් තිරගතවීම ආරම්භ කර ඇත.

මෙම චිත්‍රපටය සඳහා IMDb දර්ශකයේ 6.9ක්, Rotten Tomatoes 67% ක් සහ Google පරිශීලිකයින්ගෙන් 84%ක කැමැත්ත මෙම චිත්‍රපටයට ලැබී ඇත.

එහෙනම් අදට මං ගිහින් එන්නම්. ආපහු දවසක මේ වගේම තවත් චිත්‍රපටයකට සිංහල උපසිරසියක් අරන් එනකන් ඔයාල හැමෝටම නිදුක් නිරෝගී සුව දවසක් වේවා…

~ ජය වේවා ~

 

 

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

1,749 downloadsDownload The-Eagle-Has-Landed-1976.zip44 KB

මේ ලබා දී ඇති සිංහල උපසිරැසි පිළිබද “ රොෂාන් ශමීර ජයසිංහ ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2019-03-30
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.