The Front Line (2021) AKA Go-ji-jeon Sinhala Subtitles | කොරියානු යුද්ධයේ ඉදිරිපෙල සටනක් [සිංහල උපසිරසි]

ආයුබෝ වේවා!! ඔන්න එහෙනම් කාලෙකට පස්සෙ කොරියානු චිත්‍රපටයකට උපසිරැසියක් අරන් ආවා.අපෝ කොරියන්ද කියලා මගහැරගන්න එපා.මේක මම බලලා තියෙන හොඳම කොරියානු චිත්‍රපට වලින් එකක්.‍යුද්ධයකදී සියල්ලෝම පරාජිතයින් බවත්,සියල්ලන්ටම වඩා සාමය අගය කරන්නේ සොල්දාදුවන් බවත් මේ චිත්‍රපටයෙන් බොහොම හොඳට පෙන්නලා දෙනවා. A Taxi Driver [2017] චිත්‍රපටය අධ්‍යක්ෂණය කරපු Jang Hoon තමයි මේකෙ අධ්‍යක්ෂකවරයා. Action | Drama | History ගණයට අයත් මෙය මේ වෙද්දි IMDb දර්ශකයේ 7.4ක අගයක් ලබාගෙන තියෙනවා. Shin Ha-kyun, Seung-ryong Ryu, Cho Jin-woong, Seung-su Ryu, Go Soo, Lee Je hoon වගේ දක්ෂ නළුවන් රාශියක් මෙයට රංගනයෙන් දායක වෙලා තියෙනවා.

කතාව පැත්තට හැරෙමු එහෙනම්..ලුතිනන් කන්ග් කියන්නෙ හමුදාවෙන් ඉවත් වෙන්න බලාගෙන ඉන්න හමුදා නිළධාරියෙක්.ඒත් සටන් විරාමයක් අත්සන් කරනකම් ඔහුට ඉවත් වෙන්න බෑ.ඔය වෙලාවෙදි වැරදි තැනක කට ඉස්සර කරගන්න නිසා ඔහුව විමර්ශනයක් කරන්න කේ හිල් කියලා යුධ පෙරමුණකට මාරු කරනවා.මේ යුධ පෙරමුණේ අණ දෙන නිළධාරියා සටනේදි මිය ගියා කියලා වාර්තා කලත් ඔහු මැරෙන්නෙ දකුණු කොරියානු හමුදා නිළධාරීන් පාවිච්චි කරන පිස්තෝලයකින් කරන වෙඩි තැබීමකින්.ඒ වගේම මේ යුධ පෙරමුණෙන් දකුණේ ඉන්න උතුරු කොරියානු හමුදා සෙබළුන්ගෙ පවුල් වල අයට ලියුම් ලැබෙනවා.

කේ හිල් වලට ගියාට පස්සෙ කන්ග්ට තමන්ගෙ පරණ මිත්‍රයාවත් හමුවෙනවා.දවසක් සටනකින් පස්සෙ වෙරි වෙලා ඉන්න සොල්දාදුවෙක්ව දකින කන්ග්ට ඒ ගැන හොයද්දි උතුරු සහ දකුණු සොල්දාදුවන් අතර සිද්ද වෙන ලිපි සහ භාණ්ඩ හුවමාරුවක් ගැන හොයාගන්න ලැබෙනවා.සිද්ද වුන දේ ගැන මානුෂීයව හිතන කන්ග් මේ ගැන වාර්තා කරන්නේ නෑ.චීන හමුදාවේ මූලිකත්වයෙන් කරන පහර දීමකදි දුර්වල නායකත්වය නිසා දකුණු කොරියානු සොල්දාදුවන් පරාද වෙනවා.මේ වෙලාවෙදි හිටපු අණ දෙන නිළධාරියාගේ මරණය වුනේ කොහොමද කියලා කන්ග් දැනගන්නවා.විශාල අහිමිවීම් රාශියකට පස්සෙ උතුර සහ දකුණ අතර සටන් විරාම ගිවිසුම අත්සන් කරනවා.ඒත් මේ ගිවිසුම ක්‍රියාත්මක වෙන්නෙ අත්සන් කරලා පැය 12කට පස්සෙ.ඉතින් දෙගොල්ලොම කේ හිල් අල්ලා ගැනීමේ අවසන් සටනට සූදානම් වෙනවා.අවසානයේ කවුරු කේ හිල් අල්ලගනීවිද?

 

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

3,385 downloadsDownload The.Front_.Line_.2011.zip41 KB

මේ ලබා දී ඇති සිංහල උපසිරැසි පිළිබද “LaHIRU” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
GOLD MEMBER
JOINING DATE – 2019-12-26
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.