Torpedo (2019) Sinhala Subtitle | ජපානයට මරණය රැගෙන… [සිංහල උපසිරසි සමඟ]

කොහොමද හැම කෙනෙක්ටම. මේ අරගෙන ආවේ හොරකම් කරගත්ත සබ්මැරින් එකක්  සම්බන්ධ කතාවක්. සැබෑ අයුරින් සිදුවූ සිද්දියක් පාදක කරගනිමින් තමයි මේක නිර්මාණය වෙන්නෙ. හැබැයි සැබෑ සිදුවීමම මේකේ අඩංගු නැහැ කියලත් කියන්න ඕන. ඒ සිදුවීමෙන් යම් යම් කරුණු අරගෙන ඒ ඇසුරින් තමයි කතාවක් ගොඩ නගල තියෙන්නෙ. ලෝක යුද්ධය ආශ්‍රිත කතා නරඹන්න ප්‍රිය ඔබට මේක විශේෂයි.

ඉතිං මේකේ එන්නේ එසේ මෙසේ සිද්දියක් නෙමෙයි. හොරකම් කරපු ජර්මානු U-235  සබ්මැරින් එකක නැගල ජපානයට මරණය රැගෙන, එකල බෙල්ජියම් කොංගෝවේ (එකල බෙල්ජියම විසින් කොංගෝ රාජ්‍යය තමන්ගේ යටත් විජිතයක් විදියට තියාගෙන හිටිය. ඒ නිසා එකල කොංගෝ රාජ්‍යය හැදින්වුනේ බෙල්ජියම් කොංගෝව කියල. 1960 ජුනි 30 වැනිදා බෙල්ජියමෙන් නිදහස් වුණාට පසුව තමයි කොංගෝ කියන නිදහස් රාජ්‍යය ඇතිවුනේ) ඉඳල ඇමරිකාවට යන ගමනක් ගැන කතාවක්. ඒ විතරක් නෙමෙයි සබ්මැරින් එකේ කපිතාන් නාසි හමුදාවේ හිටපු සබ්මැරින් කපිතාන් කෙනෙක්. ඔහුගේ ගමන් සඟයින් වෙන්නෙ නාසි ජර්මානුවන්ව දෑහට පේන්න බැරි නාසින්ට එරෙහිව සටන් වැදුණු Inglourious Basterds 2009 ෆිල්ම් එකේ ඉන්නවා වගේ කණ්ඩායමක්.

යූ බෝට් එකක් කියන්නේ මුහුදේ ඉන්න රුදුරු මෝරෙක් වගේ තමා. 67.10 m දිගැති, දල වශයෙන් ටොන් 769 ක් බරැති මෙය, දෙවැනි ලෝක යුද්ධය අතරතුර ජර්මානු U-235 නමැති සබ්මැරින් එක එහි ඇතිවූ දෝෂයක් නිසාවෙන් ගිලී යනවා කියල තමයි වාර්ථා වෙන්නෙ. U බෝට් කියල පොදුවේ හැදින්වුවත් මේකේ විවිධ ආකාරයේ ඒවා තියෙනව. U235 කියන්නේ ඒවයින් එක ආකාරයක්.  U 235 කියන්නේ යුරේනියම් 235 වැනි සමස්ථානිකය. දිය මතුපිටදී ඩිසල් බලයෙනුත් දිය යටදී විදුලි බලයෙනුත් වශයෙන් තමයි සබ්මැරින් එක ක්‍රියාත්මක වෙන්නෙ. 1945 අගෝස්තු 6 වැනිදා ඇමරිකාව විසින් ජපානයේ හිරෝෂිමා නගරයට හෙලන ලද “ලිට්ල් බෝයි” පරමාණු බෝම්බයේ අඩංගු වුනෙත් මේ යුරේනියම් 235 සමස්ථානිකය. ඒ බෝම්බයේ තිබ්බ යුරේනියම් අඩංගු වුණේ බෙල්ජියම් රජය විසින් එවක ඇමරිකානු ජනපති රූස්වෙල්ට් හට රහසිගත වෙළඳ ගනුදෙනුවක් මගින් විකිනු යුරේනියම් කියල තමයි කියන්නේ නම්. සිනමාපටයේ එන කතාව ඇවිල්ල පෙර කී ඒ කතාව සම්බන්ධව දිවෙන කතාවක්. සිනමාපටය සඳහා යොදාගත්ත සබ්මැරින් එකේ ඇතුලත ආකෘතිය සැබෑ ප්‍රමාණයට නිර්මාණය කරපු U බෝට් ආකෘතියක් බවත් සඳහන්.

U995 සබ්මැරින් එකක්.

මේ වෙනකොට imdb 6.4ක අගයක් ලබාගෙන තියෙනව මේ කතාවේ අධ්‍යක්ෂකවරයා වෙන්නෙ, Sven Huybrechts. මේ සිනමාපටය, බෙල්ජියම් නිමවුමක් වුණාට ඉංග්‍රීසි බස භාවිතා වෙන සිනමාපටයක්. 2019 ඔක්තෝම්බර් මාසයේ බෙල්ජියමේදී තමයි මේක තිරගත වෙලා තියෙන්නෙ. සිනමාපටයට රංගනයෙන් දායක වෙන අයත්  Koen De Bouw, Thure Riefenstein, Ella-June Henrard  වැනි බෙල්ජියම් නළු නිළියන්. එහෙම නම් ඔබට බාරයි. ගිහින් එන්නම්.

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය HD/Web පිටපත් සඳහා ලබා දි ඇත.

15,225 downloadsDownload Torpedo-2019-1.zip36 KB

මේ ලබා දී ඇති සිංහල උපසිරැසි පිළිබද “ශාන් විමුක්ති [විමා]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-02-27
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.