Wrath of Man (2021) Sinhala Subtitles | පියෙක් වූ මිනිසෙකුගේ වියරුව! [සිංහල උපසිරසි] [18+]

පින්බර වෙසඟක් වේවා කියලා අදත් මේ පටන්ගන්නේ 2021 වසරේ නිකුත් වූ සුපිරිම ෆිල්ම් එකක සිංහල උපසිරසිය ඔබට පිලිගන්වන්න. මුලින්ම කියන්න ඕනේ මේක පරක්කු වුන එකට සමාවෙන්න ඕනේ. මේක මම මුල් වතාවට කලින් භාරගෙන උපසිරසි හදන්න ගත්තු ෆිල්ම් එක. ඒත් මම හිතුවට වඩා කල් ගියා. ඇත්තටම මේක ඊයේ දෙන්න තිබුනේ ඒත් මෙහෙට පට්ට වැස්සක් වැහැලා කරන්ට් එක තිබ්බේ නැහැ රෑ 6 ඉඳන් පහුවදා උදේ 11 විතර වෙනකන්. කොහොමහරි ඒකට ආයෙත් වතාවක් සමාව අයැදිනවා. ආයේ මේවගේ දෙයක් නොවෙන්න මම වගබලාගන්න ඕනේ. එහෙනම් මට මේක භාරදීපු සිසිල අයියටත්, හදන අතරතුර මතක් කර කර අහපු චාමර අයියටත්, ඒවගේම ඉසුරු අයියටත් ස්තූතියි කරනවා.

Jason Statham කියන්නේ මගේ ආසම නළුවා වගේම ආයේ ඉතින් කලාවේ පරතෙරටම ගියපු නළුවෙක්. Guy Ritchie කියන්නෙත් Revolver, Sherlock Holmes, Sherlock Holmes: A Game of Shadows වගේ නිර්මාණ වලින් අධ්‍යක්ෂණයේ පරතෙරටම ගිය කෙනෙක් කියලා ඔප්පු කරලා තියනවා. මේ වගේ දෙන්නෙක් එකතු වෙලා ෆිල්ම් එකක් ගැහුවා කියන්නේ ආයේ ඉතින් අහන්න දෙයක් නෑනේ. මෙයාලා දෙන්නා Revolver වගේ සිනමාපට 4ක් නිර්මාණයට දායක වෙලා තියනවා. ඉතින් 2021 වසරේ මාර්තු මස 4 දින නෙදර්ලන්තයේදී නිල වශයෙන් නිකුත් වන මෙම සිනමාපටය IMDb දර්ශකයේ 7.3 ක අගයකුත් තක්කාලි මීටරේ 66% කුත්, Google ප්‍රේක්ෂක ප්‍රසාද අගය 91% කුත් ලැබී තියනවා. මේක ඩොලර් මිලියන 70 පමණ ඉපයීමට සමත් වෙනවා. ඒවගේම මෙහි ප්‍රධාන චරිතය Jason Statham විසිනුත් සෙසු චරිත Holt McCallany, Jeffrey Donovan, Scott Eastwood වැනි දක්ෂ නළුවන් විසින් රඟදක්වනවා.

ඉතින් ඔයාලා මේකේ එක බැලුවා නම් කතාව ගොඩක් දුරට තේරෙනවා. ඒතරම් ඒක ට්‍රේලර් එකක් නෙමේ ශෝට් ෆිල්ම් එකක් වගේ. මේක 2004 නිකුත් වුන Cash Truck නම් ප්‍රංශ සිනමාපටය ඇසුරෙන් නිර්මාණය කරන ලද්දක්. මම ඒ සිනමාපටයේ කොපියක් හෙව්වා උපසිරසි ගන්වන්න. ඒත් මට හම්බුනේ නැහැ. මේක පටන්ගන්නේ කලින් වුන මංකොල්ලයකින්. එච් කියන්නේ අළුතෙන් ෆෝටිකෝ ආරක්ෂක සමාඟමට එන සාමාන්‍ය ආරක්ෂකයෙක්. මෙයා මේකේ ට්‍රක් එකක යනකොට දවසක් මෙයා යන ට්‍රක් එකට කට්ටියක් පහරදෙනවා. මෙතනින් මේ කතාව සම්පූර්ණයෙන්ම අනිත් පැත්ත ගහනවා. මේ එච් ඇත්තටම මොනවගේ ඇත්තටම කෙනෙක්ද කියලා අපිට බලාගන්න පුළුවන්. එච්ට අර කලින් වුන මංකොල්ලයට සම්බන්ධයක් තියනවද? ඔයාලටම බලාගන්න පුළුවන් මිනිත්තු 119ක් මේක නරඹලාම මේකේ වැඩිහිටියන්ට පමණක් සුදුසු දර්ශන කිසිවක් නැතුව ලස්සන ඇක්ෂන් පැක් එකක් වගේම කුතුහලයත් පිරිලාම තියනවා. ඒත් මේකේ දෙබස් නම් ටිකක් සැර වැඩියි. වෙනදා වගේම සබ් එක ගැන කමෙන්ට් එකකුත් දාගෙන යන්න. එහෙනම් තවත් උපසිරසියකින් හමුවෙනතුරු ඔබට ජය!

 

 

 

 

 

Due to copyright issues, we do not provide any torrent link.

මෙම ලබා දී ඇති උපසිරැසිය WEB / HD / Blu-Ray පිටපත් සඳහා අදාළ වේ.

46,710 downloadsDownload Wrath-of-Man-2021-Blu-Ray.zip182 KB

මේ ලබා දී ඇති සිංහල උපසිරැසි පිළිබද “නිර්මාල් විමුක්ති (එස්.කේ.)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
BRONZE MEMBER
JOINING DATE – 2020-01-19
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.