Zombieland: Double Tap (2019) Sinhala Subtitles | දස වසරකට පසු සොම්බිලන්තය… [සිංහල උපසිරැසි සමඟ]

2009 වර්ෂයෙදී කාගේත් සිත් දිනාගන්න හැකියාවක් ලැබුණු සොම්බි චිත්‍රපටය මොකක්ද කියලා ඇහුවොත් ඔබ දෙන උත්තරේ කුමක්ද? මං නම් දෙපාරක් නොහිතා දෙන්නෙ ”Zombieland” කියන නම. ඔන්න හරියටම වසර 10 කට පස්සෙ එහි දෙවැන්න පැමිණියා. ගොඩක් නොඉවසිල්ලෙන් ඉන්න ඇත්තෙ ඔක්කොම. කොහොමහරි කලින් එකට වඩා ලයින් ප්‍රමාණය වැඩි වුණා. කොහොමහරි අවුරුද්ද අන්තිම වෙද්දී ඒක ඉවරයක් කරගන්න පුළුවන් වුණා.

මේ වෙනකොට චිත්‍රපටය හට IMDb අගය 7.0 ක වැනි ඉහළ අගයක් සහ කුණු තක්කාලි අගය 68% අරගන්න සමත් වෙලා තියෙනවා. Action l Comedy l Horror කාණ්ඩයට අයත් වෙන මෙය පැයයි විනාඩි තිස් නමයක් පුරාවට රසවිඳින්න හැකියාවක් ලැබෙනවා. කලින් වගේම රංගනයෙන් Emma Stone l Abigail Breslin l Woody Harrelson l Zey Deutch l Rosario Dawson l Luke Wilson l Jesse Eisenberg  එකතු වෙනවා. එහෙනම් අපි කතාව පැත්තට හැරෙමුකො.

කොලොම්බස්ට හැමදාමත් ඕන කරේ හැමෝටම සතුටින් ඉන්න හිටින්න තැනක් හොයන එක. කොහොමහරි අන්තිමේදී එය ඉෂ්ට වෙනවා. ඔවුන් ඔක්කොම ආරක්‍ෂිත ස්ථානයකට යනවා. ඒ තමයි ධවල මන්දිරය. ඉන්න තැනක් හොයාගත්තට හැමෝම සතුටින් නෙමේ හිටියෙ. ලිටල් රොක්ට මෙයාලාගෙන් වෙන් වෙලා එයාගෙම වයසෙ කට්ටිය ඉන්න තැනකට යන්න ලොකු ආශාවක් ඇතිවෙනවා. ඒවගේම තමයි කොලොම්බස් විචිටාට යෝජනාවක් ඉදිරිපත් කරන්න ගිහින් වැඩේ අනාගන්නවා. විචිටා මේ කාරණය ගැන ගොඩක් වදවෙනවා. ඒ නිසාම එයාලා එහෙන් පිටවෙනවා කාටවත්ම නොකියා. ඔන්න ඔය යන අතරේ මෙයාලට තව කෙනෙක් හම්බවෙනවා. ඔහුගෙ නම බර්ක්ලි. ලිටල් රොක්ගෙ වයසේම කෙනෙක්. හැබැයි මොහු වෙනස්. ඔහු සාමකාමී කෙනෙක්. ඒ කියන්නෙ සොම්බිලාව මරණ්නේ කරන්නෙ නැහැ. කාටවත් කරදරයක් නොවෙන්න ජිවත් වෙනවා රහසෙ. ඉතින් ලිටල් රොක් කරන්නෙ මෙයා එක්ක පැනල යන එක. ඒ වැඩේ නිසා විචිටාට ආයෙ ධවල මන්දිරයට එන්න සිද්ධ වෙනවා. එතකොට ටැලහෑසිගෙ වගේම කොලොම්බස්ගෙ හිත කැඩිලා ගිහින් තියෙන්නෙ. ඉතින් ටලහෑසි ලිටල් රොක්ට ගොඩක් ආදරේ නිසාම එයාව හොයාගන්න වැඩේට උදව් කරනවා. හැබැයි ඒක ලේසි වෙන්නෙ නැහැ. මොකද කිව්වොත් සොම්බිලා පරිණාමය වෙලා ගිහින් තියෙනවා. ඒකට හේතුව කවුරුත්ම දන්නෙ නැහැ. ඉතින් මෙවැනි තැනකදී මෙයාලට ලිටල් රොක්ව ආරක්ෂා කරගන්න හැකියාවක් ලැබෙයිද? එහෙනම් අවසානය වෙනකම් නරඹන්නකො.

එහෙනම් හැමෝටම සුබ නව වසරක් වේවා කියා පාර්ථනා කරනවා!!

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය BR පිටපත් සඳහා ලබා දි ඇත.

13,364 downloadsDownload Zombieland.Double.Tap_.2019.Baiscopelk.com_.zip53 KB

මේ ලබා දී ඇති සිංහල උපසිරැසි පිළිබද “රවිදු රුක්ෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2016-08-20
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.