The Benchwarmers (2006) with sinhala subtitles | ළමා බේස්බෝල් කණ්ඩයම් වලට එරෙහිව වැඩිහිටි දුබල කණ්ඩායමක් [සිංහල උපසිරසි සමඟ]

The Benchwarmers (2006)

මේක ඇවිල්ලා Sport/Adventure ගණයට අයත් වන විකට ඇමරිකානු  සිනමාපටයක්, 2006 වර්ෂයේ. Revolution Studios සහ අපි කවුරුත් හොඳට දන්න Happy Madison Productions ල ගේ නිෂ්පාදනයක් ගොඩක් විකට චිත්‍රපටි ගහන්න මෙයාලා තමයි දායක වෙන්නේ. විශේෂයෙන්ම ඇඩම් සැලැන්ඩර් ගේ ෆිල්ම් එහෙම ගහන්න. බෙදා හැරීමේ කටයුතු කරලා තියෙන්නේ Columbia Pictures එකෙන්. මේ චිත්‍රපටය අධ්‍යක්ෂනය කරලා තියෙන්නේ සුපිරි විකට සිනමා අධ්‍යක්ෂකවරයෙක් වන Dennis Dugan විසින්. මෙයා ගොඩක් ඇඩම් ස්ලැන්ඩර් එක්ක හිතවත් සිනමා ජීවිතයෙදි. මෙයා අධ්‍යක්ෂනය කරපු ඇඩම් සැලැන්ඩර්ගේ සුපිරි ෆිල්ම් ටිකක් තමයි මේ – Happy Gilmore (1996), Big Daddy (1999), I Now Pronounce You Chuck and Larry (2007), You Don’t Mess with the Zohan (2008), Grown Ups (2010), Just Go with It (2011), Jack and Jill (2011), Grown Ups 2 (2013). නියම ෆිල්ම් ටිකක් නේද… ඔයාලා ගොඩක් අය මේවා බළලා ඇති. බයිස්කෝප් එකේ මේ සේරටම වගේ උපසිරැසි දීලා තියෙන්නේ. හැබැයි මේ මම ඔයාලට දෙන චිත්‍රපටියේ ඇඩම් සැලැන්ඩර් නෑ. මේකේ ඉන්නේ එයාගේ හොඳ හිතවතෙක් වෙන Rob Schneider. අර පොඩි කොට හාදයා. ගොඩක් මෙයා ඇඩම් සැලැන්ඩර් එක්ක කොමඩි ෆිල්ම් වල ඉන්නවා. මෙයත් මම කැමති ඇමරිකානු සුපිරි විකට නළුවෙක්. මෙයාගේ මම බළපු එක නියම ෆිල්ම් එකක් තමයි – The Hot Chick (2002). මෙයා රඟපාපු තවත් චිත්‍රපටි හුඟක් තියනවා.

හරි, මම එහෙනම් දැන් ඔයාලට මේ කතාව ගැන ටිකක් කියන්නම්, ගස් මැතිව්ස්, රිචී ගුඩ්මන් සහ ක්ලක් රීඩි යන තිදෙනා මැදි වසයේ සිටින පුද්ගලයින් තිදෙනෙකි. ක්ලක් හා රිචී යනු තම බාල වියේදි අවට සිටින තම වයසේම මිතුරන්ගෙන් සමච්චල් වී සමාජයේ කොන් වීමට ලක් වූ දෙදෙනෙකි. රිචී චිත්‍රපටි තැටි ඇළෙවි කරන ස්ථානයක තම රැකියාව කරයි. ක්ලක් පත්තර බෙදන්නෙකු සේ රැකියාව කරයි.ගස් මැතිව්ස් යනු සාමාන්‍ය රැකියාවක් කරන බිරිඳක් සිටින බාල වියේ අති දක්ෂ බේස්බෝල් ක්‍රීඩකයෙකි. යම් හේතුවක් නිසා මොහු බේස්බෝල් ක්‍රීඩා කිරීම හා තම කුඩා කළ සිටි ප්‍රදේශය අත හැර වෙනත් ප්‍රදේශයක පදිංචි වී සිටියි. දිනෙක නගරයේ තිබෙන බේස්බෝල් පිටියක කුඩා ළමුන් පිරිසක් සෙල්ලම් කර සිටින අතරතුර තවත් ළමුන් පිරිසක් පැමිණ නෙල්සන් නම් වූ කුඩා ළමයෙකුට කරදර හිරිහැර සමච්චල් කරනු ලබයි.

මේ අවස්ථාවේ දී එය දුටු ගස් ක්ෂණිකව පැමිණ එම ළමුන් පිරිස පන්නා දමයි. එම අවස්ථාවේ මෙම පිටියට පැමිණිමත් සමග ගස් හට තම කුඩ කාලයේ හැඟීම් දැනෙන්නට පටන් ගනියි. පිටියට පැමිණ ඇති වූ එම හැඟීම නිසා ගස් හට යළි බේස්බෝල් ක්‍රීඩා කිරීමට ආශාවක් ඇතිවේ. මේ සදහා ගස්, ක්ලක්, රිචී යන තිදෙනා පසු දින යළි මෙම පිටියට පැමිණ ක්‍රීඩා කිරීමට සැරසෙයි. නමුත් ක්ලක්, රිචී යනු ඉතාමත් අදක්ෂ ක්‍රීඩාවට දුබල දෙදෙනෙකි. ගස් විසින් චිත්‍රපටය පුරාවටම ඔවුන් දෙදෙනාට ගුරුහරුකම් කියා දෙමින් මෙම ක්‍රීඩාවට මොවුන්ව සම්බන්ධ කර ගැනීමට අධික වෙහෙසක් දරයි. මොවුන් එම දිනයේ පිටියේ ක්‍රීඩා කරන අතරතුර පෙරදා දිනයේ සිටි ළමුන් පිරිස පැමිණ මොවුන්ට ක්‍රීඩා පිටියෙන් ඉවත්ව යන ලෙස තර්ජනය කරයි. එවිට ගස් එම ළමුන් පිරිසට තම කණ්ඩයම සමග ක්‍රීඩා කර පිටිය ලබා ගන්නා ලෙස ළමුන් පිරිසට අභියෝග කරයි. මෙහිදි ක්ලක් සහ රිචී යන දෙදෙනාගෙන් ලැබෙන්නේ ඉතාමත්ම දුර්වල සහයෝගයක් ගස් හට. ගස් පන්දු යැවීමට, පන්දුවට පහර දීමට, පන්දු රැකීම යන මේ සියලු දේට දස්කම් උපරිමයෙන් දක්වයි. ක්ලක් සහ රිචී අසාර්ථක පුද්ගලයින් ලෙස සැම දෙනාගෙම සමච්චලයට විහිළුවට ලක්වේ. ඔවුන්ට සිදුවන මෙම අපහසුතා නැති කර දැමීමට ගස් උත්සහා කරන්නේ මෙම ක්‍රීඩාවට ඔවුන්ව සම්බන්ධ කර ගැනීමෙනි. දිනක් ඉතා ධනවත් පුද්ගලයෙකු මොවුන් ක්‍රීඩා කරනවා දැක ඔහුට යම් අපූරු අදහසක් පහළ වේ. කතාව ආරම්භ වන්නේ මෙතැන් සිටයි.

මට පොඩි විකාර දෙයක් ගැන ඔයාලට කියන්න බැරි වුනා. රිචීගේ නිවසේ හාවී නිමින් මිතුරෙකු සිටි. මොහු හිරුට සහ හිරු එළියට බිය දක්වන විකෘති මානසිකත්වකින් පෙළෙන පුද්ගලයෙකි. මොහු නිවසින් පිටතට පැමිණෙන්නේ ඉතාමත් කලාතුරකිනි. මොහු රිචීගේ නිවසේ කුඩා කාමරයක නිතරම බියෙන් සැකෙන් කාලය ගත කරයි, හිරුට තිබෙන බිය හේතුවෙන්. ගස්, ක්ලක්, සහ රිචීගේ කණ්ඩායම යම් අවස්ථාවක පත්වන අපහසුතාවයක් හේතුවෙන් ඔවුන්ට විකල්පයක් නොමැති වීමවෙන් හිරු එළියට බිය දක්වන හාවීට දිවා කාලයේ පිටතට පැමිණ ක්‍රීඩා කිරීමට සිදුවේ.ගස් තම උපන් ප්‍රදේශය අතහැර  ඒමට හේතුව කුමක් ද? ගස් සහ ක්ලක් බේස්බෝල් හොඳට ඉගෙනගනියි ද? ධනවත් පුද්ගලයාට පහළ වන ඒ අපූරු අදහස මොකක්ද? ඉරට බය පොරට අන්තිමට මොනවා වෙයිද?

මේවට උත්තර දැනගන්න ෆිල්ම් එක අරන් බලන්න.