The Mentalist [S01 : E13] | සිතුවමේ පලහිලව්ව… [සිංහල උපසිරසි සමඟ]

The Mentalist කතා මාලාවේ 13වන උපසිරැසිය තමයි මම අද දෙන්න හදන්නේ. හැබැයි කවුරුත් බලන්න කලියෙන් දැනුවත් වෙලා ඉන්න. පලමු මිනිත්තුවයි තත්පර තිහ තුල (1: 30) +18 කෑල්ලක් යන විත්තිය. පොඩි උදවිය එක්ක බලනවා නම් පොඩ්ඩක් එයාලට මොකක්හරි වැඩක් කියලා එලියට යැව්වොත් හොඳයි ☺. අද කතාව තියෙන්නේත් මිනීමැරුමක් ගැනම තමයි. නමුත් ඒ පිටුපස පොඩි චිත්‍ර හොරකමකුත් තියෙනවා. ව්‍යසකයාගේ නම තමයි හැරී ලෑශ්ලි. ඔහුව ඝාතනය කරලා තියෙන්නේ ඔහු වැඩ කරන සමාගමේ ප්‍රධානියාගේ කාර්යාල කාමරය ඇතුලේ. කතාව බැළුවොත් මෘත ශරීරය හොයාගන්න හැටි බලාගන්න පුළුවන්. ඒක මට මෙතැන ලියන්න අමාරුයි. (ඒ වචනේ ටයිප් වෙන්නේ නැද්ද කියලා අහන්න එපා). කොහොමහරි මෘතශරීරය හොයාගත්තු කෙනාගෙන් ඒක හමුවුනු විදිය ගැන අහද්දී, එයා කියන්නේ අමුතුම කතාවක්. ඒත් ජේන් විසින් වැඩේ ගැන ඉව වැටිලා, එතැන ඉන්න ආරක්ශකයාගේ රෙදි ගැලවෙන්නම වෙච්ච සිදුවීම ගැන සවිස්තරාත්මකව හෙලිදරව් කරනවා. අන්න එතැන ඉඳන් තමයි කතාව පටන්ගන්නේ.

CBI එකෙන් දැනගන්නවා මෝරෝ නමින් තිබෙන සිතුවමක් මිනීමැරුමත් සමගම හොරකම් කරලා තිබෙන බව. ඒක නිසා මෙය හොරකමක් වගේම මිනීමැරුමක් බවට පත්වෙනවා. ඒ කියන්නේ චිත්‍රය සොරගත්තු කෙනා හොයාගත්තා කියන්නේ, මිනීමරුවා අල්ලාගත්තා වගේ තමයි. ඒක නිසා චිත්‍රය හරියටම ප්‍රයිමරි කී එකක් (මූලික යතුරක්) වගේ දෙයක් බවට පත්වෙනවා. ඒක නිසා මෙයාලා දැන් විස්තර හොයන්නේ චිත්‍රය ගැන. මේ චිත්‍රය ගැන තොරතුරු හොයාගෙන යද්දී හොයාගන්න පුළුවන් වෙනවා, ඒ චිත්‍රය වගේම තවත් ආකෘතියන් කිහිපයක්ම නිර්මාණය කරලා තිබෙන බව. ඒ වගේම චිත්‍රයේ ආකෘතියන් හොයාගන්න විදිය ගැන චිත්‍රයේ ආකෘති හදපු කෙනා විසින්ම කියලා දෙනවා. චිත්‍රයේ නීත්‍යානුකූල අයිතිකාරයාගේ දුවගේ ස්වාමියා තමයි මරණයට පත්වෙලා තියෙන්නේ. ඒත් ඒ මනුස්සයාට දුක තමුන්ගේ දූවගේ මනුස්සයා නැතිවුනු එකට වඩා තමුන්ගේ චිත්‍රය නැතිවීම. මේ චිත්‍රය මිලියන $50ක් විතර වටිනවා. චිත්‍රයේ අයිතිකාරයාගේ නම තමයි ඒ.පී කේඩ් කියන්නේ. බිත්තියේ තිබුණු චිත්‍රය ව්‍යාජ එකක් කියලා තමයි මොහු පවසන්නේ. ඔහුගේ නියම පිටපත සේප්පුවක දාලා ආරක්ශා කරලා තිබෙන බව ඔහු විසින් කියනවා. ඒ විතරක් නෙමෙයි, ඔහු ඒක හැමෝටම පෙන්නනවා. ඒත් ජේන් විසින් චිත්‍රය පරීක්ශා කරලා බැළුවට පස්සේ දැනගන්නවා, ඒකත් ව්‍යාජ චිත්‍රයක්මයි කියලා. එවිට තමයි ඔහු දැනගන්නේ තමුන් ගාව මෙච්චර කාලයක් බිත්තියේ එල්ලලා තියෙන්නේ නියම චිත්‍රය බවත්, සේප්පුවේ තැන්පත් කරලා තියෙන්නේ ව්‍යාජ එකක් බවත්. පසුව ඇත්තම චිත්‍රය ශර්ලි ඔර්ලොව් කියලා බොහොම බලපුළුවන්කාර රුසියානුවෙකුට විකුණපු බවක් දැනගන්නනට ලැබෙනවා. ඒක නිසා ජේන් ලිස්බන්ටත් හොරා චෝ සහ රිස්ග්බි එක්ක එතැනට ගිහිල්ලා සිතුවම හොරකම් කරගෙන එනවා. ජේන් විසින් බොහොම සීරුවට තමයි ඒක කරන්නේ. අන්තිමට ඒ සිතුවමත් ව්‍යාජ එකක් බවට ඔප්පු වෙනවා. එතකොට ඇත්තම සිතුවම තියෙන්නේ කොහේද? මිනීමරුවා කවුද? මේක තමයි ගැටළුව.

ගැටළුවට විසඳුම් චිත්‍රපටයේ ඇතිනිසා මම ඒක කියන්න යන්නේ නෑ. ඒත් අන්තිමේදී හොඳ උපදේශයක් මේ කතාවෙන් අපිට දෙනවා. ඒක තමයි “මිලියන ගාණක් වටින මැණිකකට වඩා, තමුන්ගේ දරුවන්ට තමුන් වටිනාකමක් දියයුතු බව”. එහෙනං ලබන උපසිරැසියත් අරගෙන බොහොම බොහොම ඉක්මනින් මම දුවලා එන්නම් .

හැමෝටම ආයු -බෝ- වේවා !!! __/|\__

[button link=”http://tinyw.in/6bx8″ type=”icon” “center” newwindow=”yes”] 125 MB (2.8GB) කොපිය මෙතනින් බාගන්න[/button]

[button link=”http://tinyw.in/u94z” type=”icon” “center” newwindow=”yes”] 250 MB (5.4GB) කොපිය මෙතනින් බාගන්න[/button]

[author] [author_image timthumb=’on’]http://www.baiscope.lk/wp-content/uploads/2012/10/Normal-.jpg[/author_image] [author_info]මේ ලබා දී ඇති සිංහල උපසිරැසි පිළිබද “ප්‍රණිත් රණසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]

<< Previous Episode                        All Episodes                      Next Episode >>