3% [S02 : E10] Sinhala Subtitles | ලේ. [සිංහල උපසිරසි සමඟ]

ආයුබෝවන් යාළුවනේ..! ඔන්න ඉතිං අරගෙන ආව 3% කතා මාලාවෙ දෙවැනි කතා සමයේ අවසාන කතාංගය. ඉතිං අවසාන කතාංගය ගේන මේ වෙලාවෙ මතක් කරන්න ඕනෙ මේ ඉස්තරම් කතා මාලාවේ පළමුවැනි කතා මාලාව අරගෙන ආපු රඛිත රණතුංග සහෝදරයව. ඔහු කරපු කැප කිරීම මත තමයි බයිස්කෝප් අපි මේ දෙවැනි කතා මාලාව අරගෙන ආවෙ. ඉතිං අක්වෙරළ සහ පිටිසර කතාවේ ආරම්භකයා විදියට මේ වෙලාවේ ඔහුට විශේෂ ස්තූතියක් හිමි වෙන්න ඕනෙ. ඔව්.. ඔව්.. අපි කිව්වම පස්දෙනෙක් ඉන්නව. කවිශල් මලය, මලිත් සහෝ, කවීනු මලය, බේනුක මලය සහ මම තමයි ඒ පස්කට්ටුව. මට මේකට සබක් කරල දීපං කියල කිව්වෙ නම් විමා. කොහොමහරි ඔන්න අපි මේකෙ කෙළවරට ඇවිල්ල ඉන්නෙ. ඉතිං එහෙනම් කලින් කතාංගය මතක් කරගෙන ඉස්සරහට යමු….

පසුගිය කොටසින්..
කැරළිකරුවන් අක්වෙරළට විරුද්ධව නැගී හිටින්න තමයි කලින් කොටසේ සූදානම වුණේ. මෙතනදි ආරම්භක යුගළයක් නෙවෙයි තුන්කට්ටුවක් ගැන කියවුණා මතකයිනෙ. ඉතිං මේ පිරිසට ලොකු බලපෑමක් එනව අක්වෙරළ ව්‍යාපෘතියට ආයෝජනය කරන අයගෙන්. ඔවුන්ට ඉතාම ඉක්මනින් සංක්‍රමණය ආරම්භ කරන්න ඕනෙ වෙලා තිබුණෙ. හැබැයි ආරම්භක තුන්කට්ටුව මේකට කැමති වෙන්නෙ නෑ. මොකද ව්‍යාපෘතිය සම්පූර්ණ නැති නිසා. ඒ වගේම ආයෝජකයන් කියනව අක්වෙරළ ව්‍යාපෘතියේ විද්‍යාඥයන් අක්වෙරළින් ඉවත් කරන්න කියල. මේකට තුන්කට්ටුව කැමති වෙන්නෙ නෑ. මෙතන ඉන්න ප්‍රධාන විද්‍යාඥවරිය “සමීරා” අක්වෙරළින් ඉවත් වෙන්න නම් කොන්දේසි කීපයක් ඉදිරිපත් කරනව. නමුත් අනිත් ආරම්භකයින් සමීරාගෙ යෝජනා වලට කැමති වෙන්නෙ නැහැ. ඊට පස්සෙ එතන සිදුවෙන ගැටුමෙදි වෙඩි පහරක් වැදිල සමීරාට ජිවිතය අහිමි වෙනව. aආරම්භකයුවළ මේක රහසක් විදියට තියාගන්නව. පස්සෙ කාලෙක මිශෙලිගෙ සහෝදරයා ඇන්ඩ්‍රේ මේක හොයා ගත්තත් ඔහුත් ඒක සදාතනික රහසක් බවට පත් කරන්නෙ එවකට හිටපු ක්‍රියාවලි ප්‍රධානියාව ඝාතනය කරල. මේ අතරෙ කැරලිකරුවන් තමන්ගෙ සැළසුම ක්‍රියාත්මක කරනව. කැරළිකරුවන්ගේ මේ කතාබහ අහම්බෙන් වගේ “මිශෙලීට” අහන්න ලැබෙනව. මිශෙලී ඊට පස්සෙ මේ කැරැල්ලට මැදිහත් වෙන්න පිටත් වෙනව..

අද කොටසින්..
ඉතිං කැරලිකරුවන් තමන්ගෙ සටන සාර්ථකව කරගෙන යන්න උපරිම කැපකිරීමෙන් වැඩක් කරන විදිය ගැන අද බලාගන්න පුළුවන්. ෆර්නැන්ඩෝ, රෆායෙල්, ජොආනා මේකෙදි තම තමන්ගේ භූමිකාවට අදාල රාජකාරිය කළොත් ඔවුන්ට ක්‍රියාවලිය විනාශ කරන්න පුළුවන්. නමුත් මිශෙලි මේ සැලසුම මගදි වෙනස් කරල අලුත් සැලසුමක් අනුව ක්‍රියාත්මක කරනව. ඒක තමයි අද කතාවේ සාරය. ඉතිං ඔක්කොම කිව්වොත් වැඩක් නෑනෙ. ඒක ඔයාල බලන්න. මුල් කතාවෙදි රඛිත සහෝ “අක්වෙරළ” සහ “පිටිසර” වචන යොදාගත්ත වගේ මටත් ඉදිරි කතා මාලාවේ ප්‍රධානම වචනය බවට පත් වෙන වචනයකට නිර්වචනයක් ලබා දෙන්න වුණා. ඒ වචනය තමයි “Shell”. ඉතින් මම මේකට දුන්නු අර්ථකථනය තමයි “කවචය.” මේකට මම “කවචය” කියන වචනය යොදා ගත්ත ඇයි කියල අද කතාව බැලුවම තේරුම් ගන්න හැකි වේවි. ඔව්, “කවචය” එක්ක 3% කතා මාලාව තුන්වැනි කතා මාලාවකට දීර්ඝ වෙනව. ඒක විකාශය වෙන දවසක් ගැන නම් මට ඔත්තුවක් ලැබුණෙ නෑ. කොහොමහරි 2019 වර්ෂයේ ඒක නිකුත් වේවි. ඒකත් මේ වගේ බයිස්කෝප් තුළින්, අපි නැතත් කවුරුහරි අරගෙන එනවා ඇති. ඉතිං මෙතෙක් කාලයක් අදහස් දක්වමින් උපසිරැසිකරුවන් දිරිගැන්වූ හැමෝටම ශීර්ෂ ප්‍රණාමය දක්වමින්, මමත් සමු ගන්නවා. හැමෝටම ජය වේවා..!

 

 

 

Due to copyright issues, we do not provide any torrent links.

WEB.X264-STRIFE

මෙම ලබා දී ඇති උපසිරසි ඉහත පිටපත සඳහා අදාළ වේ.

2,879 downloadsDownload 3.Percent.S02E10.zip20 KB

මේ ලබා දී ඇති සිංහල උපසිරැසි පිළිබද “උදයංග සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-07-03
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.