Avatar: The Last Airbender [S02 : E01] Sinhala Subtitles | අරමුණ… [සිංහල උපසිරැසි සමඟ]

මම හිතනවා ඉතිං ගියපාර කතාව හැමෝම බලන්ඩ ඇති කියලා. හැමෝම නැතත් ආශාවෙන් ඒක නරඹපු ටික දෙනෙක් හරි ඉන්නවා කියන එක සයිට් එකේ සටහන් වෙලා තියෙනවා. ඒ හින්දා මගේ මේ සූදානම ඒ කතාවෙ දෙවෙනි කොටස පොරොන්දු වූ පරිදිම සිංහල අරගෙන එන්ඩයි. මේ කතා පෙළ විකාශය වෙලානම් දැන් සෑහෙන කලක් ගත වුණා. ඒත් ඒ එක්කම සිංහල උපසි‍රැසි ලබා දෙන්ඩ පුළුවන්කමක් නොතිබුණ නිසාද මන්දා දැන් එතරම් මේක ගැන උනන්දුවක් කට්ටියගෙන් පේන්ඩ නෑ. ඒ වුණාට මේකට තවමත් කැමති කට්ටියකුත් ඉන්නවනේ, ඒ වගේම මේ වගේ කතාවක් බාල කාලේ ගතකරමින් ඉන්නා අයට කොච්චර අගේද කියන එකත් අමුතුවෙන් කියන්ඩ ඕනි නෑනේ. ඒ හින්දා මම හිතනවා මේකටත් කලින් එකට වගේම ඒ කිවූ අයගෙන් යහපත් ප්‍රතිචාර ලැබෙයි කියලා. එහෙම හිතාගෙන මගේ මේ සූදානම එහෙනම් දෙවෙනි කතා සමය ආරම්භ කරන්ඩයි.

ගියපාර ඔබට මතකනම් සොකා සහ කටාරා කියන අයිය නගෝ දෙන්නට අහම්බෙන් මිදුණු හිම කුට්ටියක් අස්සෙ ඉඳලා හම්බ වුණ කොලු ගැටයා, අවුරුදු 100ක් ලෝකයෙන් වහන් වෙලා ගිය අවතාර් කියන එක දැන ගත්තායින් පස්සෙ, මහ ජරමර ගොඩක් සිද්ධ වුණා. අග්නි ජාතිය අධිරාජ්‍යයක් පිහිටවන අදහසින් යුතුව ලෝකය ආක්‍රමණය කරන්ඩ ගනිද්දි එවකට තමන්ගේ හොඳම මිතුරාව සිටි අග්නි ජාතික අවතාර් රෝකුව පවා වනසා දමන්නට අග්නි රජු කටයුතු කළා විතරක් නොවෙයි, ඔහු යළි උපදින්නට නියමිත වායු ජාතීන්වත් විනාශ කර දැමුවා. නමුත් ඒ විනාශයෙන් අහඹුවකින් වගේ ගැළවීගන්නට අවතාර් සමත් වුණ නිසා ඔහු යළි අයිස් කුට්ටියක් අස්සෙන් ලෝකෙට මතුවුණා. ඉන් පසුව ඔහු තමන්ගේ දෛවයෙන් නියමව තිබෙන කටයුත්ත ඉ‍ටු කිරීමට අවශ්‍ය ශක්තියත් දැනුමත් සොයා යන ගමන ඇරඹුවා. ඒ ජල බන්ධන ඉගෙන ගනිමින්. ඒ ගමනේ අවසානය සනි‍ටුහන් වුණේ උතුරු ජල ගෝත්‍රයට පහර දී සඳේ සහ මුහුදේ බල තුලනය වනසා දැමීමේ අරමුණින් දැවැන්ත අග්නි නැවි ඇණියක් සමගින් සෙන්පති ෂාවෝ දියත් කළ මෙහෙයුම ව්‍යර්ථ කර දමමින්. එහිදී සිය ජල බන්ධන හැකියාවේ මස්තකප්‍රාප්තිය ඈන්ග් ලොවට ප්‍රදර්ශනය කළා. දැන් දැන් ලෝකයට යළි නව පණක් ලැබීගෙන එනවා අවතාර්ගේ මේ පුනරාගමනය හින්දා. නමුත් තවමත් පෙර යොවුන් වියේ පසුවන අවතාර් සිය පුහුණුව සම්පූර්ණ කර නැහැ. ඒ සඳහා ඔහු විසින් ප්‍රගුණ කළ යුතු තවත් බන්ධන හැකියාවන් දෙකක්ම ඉතුරුයි. භූමි බන්ධන සහ ගිනි බන්ධන.

මේ වර ඔහු සැරසෙන්නේ බන්ධන චක්‍රයේ මීළඟට හමුවන භූමි බන්ධන ඉගෙන ගන්නට. නමුත් මේකට හරි විදිහෙ ගුරුවරයෙක් හොයාගන්න එක ලෙහෙසි පහසු නෑ. මොකද අග්නි ජාතිකයන් හසුවන සෑම භූමි බන්ධකයෙක්ම මරා දමා හෝ සිර ගත කොට ඇති නිසා. ඒ විතරක් නොවෙයි භූමි බන්ධන හැකියාව පාවිච්චි කරන එකත් තහනම් කටයුත්තක්. ඒ නිසා කිසිකෙනෙක් තමන්ගෙ හැකියාවන් හෙළි කරන්නේ නෑ. වහං කරගෙන ඉන්නවා. ගුරුතුමකු හොයාගත්තත් එහි කෙළ පැමිණි නිපුණයෙකු වන්නට ඔහුට තව වැඩි කලක් ඉතුරුව ඇත්තේත් නෑ. මෙවර කතා සමයෙන් දිග හැරෙන්නේ මේ සඳහා ඔහු ඇතුළු කණ්ඩායම දරන ප්‍රයත්නය ගැනයි. මේකෙදි මේ ගොල්ලන්ගෙ මේ කණ්ඩායමට තවත් අලුත් සාමාජිකයෙකුත් එකතු වෙනවා. ඒ වගේම තවත් විවිධ අත්දැකීම් ‍රැසකට මුහුණ පාන්නට සිද්ධ වෙනවා. ඒ එකින් එක ගැන ඒ ඒ පිළිවෙළට දැනගමු. දැන් එහෙමනම් අද කොටස දිහාවට හැරෙමු. ඉස්ඉස්සෙල්ලාම ඈන්ග් සහ යාළුවෝ යන්නේ භූමි රාජධානියට, ඒ ගුරුවරයෙක් හොයාගන්නට. නමුත් මේ භූමි නගරය භාරව ඉන්නා සෙන්පතිතුමා කියා සිටින්නේ ඈන්ග් කළ යුතු එකම දේ අවතාර් තත්ත්වය පාලනයට නතු කරගන්නා ක්‍රමයක් සොයා ගැනීම බවයි. ඔහුගේ අදහස එවිට ඔහුට ඕනි දෙයක් කළ හැකි වනු ඇති බවයි. මේ පිස්සු අදහස ක්‍රියාවට නංවලා තමන්ගේ අදහස ඉ‍ටු කර ගන්න මේ සෙන්පතියා නොකරන දෙයක් නෑ. මේ සෙන්පතියගේ මෝඩ වැඩ හන්දා මහ නස්පැත්ති වගේකුත් සිද්ධ වෙනවා. ඒ මේ අස්සෙ සූකෝ කුමාරයගෙ නැගණිය අසූලා කුමරිය ඔවුන්ව සොයාගෙන එනවා, එයාලව ආපහු ගෙදර එක්කරගෙන යන්ඩ. ඈ තමන්ගෙ අයියණ්ඩියට කියන්නේ පියරජතුමා ඔහුට සමාව පිරිනැමූ බව. නමුත් ඇගේ අරමුණ වෙන එකක්. එහෙමනම් ඇගේ අරමුණ මොකක් වෙන්ඩ ඇද්ද?

 

 

Due to copyright issues, we do not provide any torrent link.

2,072 downloadsDownload Avatar.The_.Last_.Airbender.S02.E01.zip18 KB

https://d36zzuvfojr38z.cloudfront.net/wp_content/uploads/2012/09/Pubudu-Supun.jpg මේ ලබා දී ඇති සිංහල උපසිරැසි පිළිබද “පුබුදු සුපුන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2012/09/30