DCs Legends of Tomorrow [S04 : E07] Sinhala Subtitles | ජෝන්, ඔය වෙනසෙන් ලොකු ව්‍යවසනයක් වේවි..! [සිංහල උපසිරැසි සමඟ]

ඔව් ඔව් ඉතිං පරක්කුයි තමයි. මොනව කරන්න ද හැමෝම කාර්‍යබහුල වෙලා නිසා බාරගත්ත එකක් කාටවත් ආයෙ පවරන්නත් බෑ. මෙහෙම පරක්කු වුණාම කට්ටිය කියනවනෙ කරන්න බැරිනම් වෙන එකෙකුට දීපං කියල. කියන්න කනගාටුයි මේ සීරීස් ටික එහෙමවත් දෙන්න කෙනෙක් නැති නිසා තමයි අපි බරගාණක් සෙට් එක එකතු වෙලා මේක ඇදගෙන යන්නෙ. ඒ නිසා එහෙම කිව්ව කියල දෙන්න කෙනෙක් නෑ. හිටියනම් එකෙන්ම දීල දාන්න තිබ්බ. කොහොමහරි සෑහෙන පරක්කු වෙලා මේ ගේන්නෙ Legend of Tomorrow හත්වන කතාංගය. මම ලොකු විස්තරයක් කියන්නෙ නෑ. කලින් කොටස ගැන චුට්ටක් මතක් කරගෙන අද කොටස බලමු.

පසුගිය කොටසින්..

පහුගිය කොටසෙ පෙන්නුවෙ අතීත ප්‍රංශයේ කතාවක්. මී හරක් ඔළුවක් තියෙන, මනුස්ස ඇඟක් තියෙන අමුතු සතෙක් තමයි කලින් කොටසෙදි ලෙජෙන්ඩ්ල දඩයම් කළේ. හෙමිංවේල, පිකාසෝල වගේ පරණ සෙට් එකකුත් එතනදි අපි දැක්ක. ඒක ටිකක් හාස්‍යජනක කොටසක් වෙලා තිබුණෙ. මොකද හරක මෙල්ල කරන්න තිබ්බෙත් හරි අමුතු ක්‍රමයක්. ඒ වීනාවක්. කොහොමහරි කට්ටිය ඒ සීන් එක ගොඩ දාගන්න අතරෙ ඒව හිර වුණා නෝර එක්ක හිර කුටියක. මෝනා එතන පිස්සු කෙළල කොහොමහරි ඒ දෙන්න හොඳ යාළුවො වෙලා තමයි අවසානෙ කතාව ඉවර වෙන්නෙ.

අද කොටසින්..

අද කොටසෙ ඇත්තටම කතා දෙකක් යනව සහ පොඩි වෙනස්වීමක් නිසා ලොකු ව්‍යවසනයක් ආරම්භ වෙනව. මුලින්ම කතාව ගෙතෙන්නෙ “උලක් තියාගෙන ඉන්න මයික්” කියල මායාකාරී ආත්මයක් ගැන. ලෙජෙන්ඩ්ල කාලය හරහා මේ වූඩු මායාකාරීව හොයාගෙන යනව. ඒ ගිහින් “ඩිබික්” කියල මායා ආත්මයක් විසින් අරක්ගත්ත බෝනික්කෙක් එක්ක තමයි හැප්පෙන්නෙ. කට්ටියට මතකනං අර ඇනබෙල් බෝනික්කො ඉන්න Chucky කියල හොරර් ෆිල්ම් බර ගාණක් අපි බලල තියෙනවනෙ. අන්න ඒ වගේ සීන් එකක් තමයි යන්නෙ. බෝනික්කෙක් ඇතුළෙ මායාකාරී ආත්මයක් ඉන්නව, ඒ ආත්මය ලේ පිපාසිත දාම ඝාතකයෙක්. ඉතිං මේ බෝනිකි ගණුදෙනුව යන අතරෙ කොන්ස්ටන්ටයින්ගෙ තව කතාවක් යනව ඩෙස්මන්ඩ් කියල හාදයෙක් එක්ක ප්‍රේමයෙන් බැඳිල ඉන්නව, මේ අතරෙ කොන්ස්ටන්ටයින් පස්සෙන් ආපු යක්ෂයෙක් ඩෙස්මන්ඩ්ව ඇදගෙන යනව අපායට. දැන් කොන්ස්ටන්ටයින්ට ඕනෙ ඩෙස්මන්ඩ්ව බේරගන්න. කොහොමහරි සාරා රවට්ටල කොන්ස්ටන්ටයින් කාලය හරහා ගිහින් කාලයේ වෙනසක් කරනව. මේක නොහිතපු මහා ව්‍යවසනයක් බවට පත් වෙනව. ඒ වගේම සාරාට තමයි මේකෙ නරකම ප්‍රතිඵලය භුක්ති විඳින්න වෙන්නෙ. ඒ මොකද්ද? ඔන්න පරක්කු වෙලා මගේ රාජකාරිය අවසාන කළා. අටවෙනි කොටස මම වගේ පරක්කු වෙන එකක් නෑ. ඒක ගේන කෙනා ඉක්මනට ඒක අරගෙන එයි. එහෙනම් මම ගිහින් එන්නම්. ජය වේවා..!

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය HDTV / WEB පිටපත් සඳහා අදාළ වේ.

6,077 downloadsDownload DCs-Legends-of-Tomorrow-S04-E07-HDTV-WEB.zip57 KB

මේ ලබා දී ඇති සිංහල උපසිරැසි පිළිබද “උදයංග සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-07-03
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.