Inhumans [S01 : E03] with Sinhala Subtitles | මැක්සිමස්ගෙ යටිකූට්ටු සැලසුම [සිංහල උපසිරැසි සමඟ]

අපි හැමදාම කරන්නෙ කතා මාලාවක නම් පහුගිය කොටස ගැන පුංචි හැදින්වීමක් කරලා ලිපිය අවසන් කරන එකනෙ. ඉතිං පුංචි වෙනසකටත් එක්ක වෙනස් දෙයක් කරන්න ඕන කියලා හිතුනා. ඔයාලා හැමෝම දන්නවනෙ Inhumans කතා මාලාව ABC නාලිකාවෙ විකාශනය ආරම්භ කරන්නත් කලින්ම අසාර්ථක කතා මාලාවක් වුනා කියලා. ඉතිං එහෙම වෙන්නෙ මොනා හරි හේතු නිසානෙ. මේක අසාර්ථක වෙන්න එක හේතුවක් තමයි චරිත වල ඇදුම් ආයිත්තම්. මොකද කිව්වොත් කොමික් එකත් එක්ක සසදලා බලද්දි සම්පූර්ණයෙන්ම වෙනස් ඇදුම් තමා තියෙන්නෙ. කොටින්ම කිව්වොත් ලෝ බජට් කොස්ටියුම්ස්.

හැමෝම දන්නවනෙ මේ කතාවත් අර අයන් ෆිස්ට් එක විනාස කරපු ස්කොට් බක්ගෙ කෙරුවාවක් කියලා. අයන් ෆිස්ට්ට කලා වගේ තමයි මේකටත් කරලා තියෙන්නෙ. ඇයි මාවල්ලා මේකත් මූටම දුන්නෙ කියලා මං දන්නෙ නම් නෑ.

දැන් මම බ්ලැක් බෝල්ට් ගැන ටිකක් කියන්නම්, ඔයාලා සසදලා බලන්න ටිවි සීරියස් එකෙයි කොමියි වලයි වෙනස කොහොමද කියලා.

සැබෑ නම: Blackagar Boltagon

බ්ලැක් බෝල්ට්ගෙ බලය තමයි එයාගෙ හඩ. එයාගෙ කඩ හඩ පාවිච්චි කරලා ලොකු විනාශකාරි බලයක් මුදා හැරීමෙ ශක්තියක් මෙයාට තියෙනවා. කතාවෙත් ඒකනම් අපි දැක්කා. [මතකනෙ මෙයාගෙ දෙමව්පියො වාෂ්පවෙලාම යනවා.] මෙයා යන්තමට කෙදිරි ගෑවත් ඒ බලය මුදා හැරෙනවා. [පොලිස් කාර් එක මතකනෙ.] මේ හේතුවම නිසා බෝල්ට් බොහෝ වෙලාවට නිශ්ශබ්ද කෙනෙක් විදිහට තමා ඉන්නෙ. මේ කෑගැසීමෙන් ඇති වෙන ශබ්දය “uasi-sonic” scream බ්ලැක් බෝල්ට් අවට පරිසරයෙන් ඇද ගන්න ඉලෙක්ට්රෝන ශක්තියෙන් තමයි බලවත් වෙනවා කියලා කියන්නෙ. උපරිම ශබ්දයෙන් කෑගැහුවොත් ඒක න්යෂ්ටික අවියක් පිපිරීමෙන් ඇති වෙන බලයට සමාන බලයක් තමා එන්නෙ. අනික් දේ තමා මේ සන්නද්ධ වෙන ඉලෙක්ට්රෝන වලින් electron energy blasts එකක් වුනත් කරන්න හැකියාව තියෙනවා. ඒ වගේම තමා පියාසර කිරීමෙ හැකියාව, වැඩි දියුණු කල හැකි ශක්තිය,[සුපර් හියුමන් පන්ච්], අභ්යවකාශයේ නොනැසි සිටීමෙ හැකියාව, ඒ වගේම පදාර්ථ විශ්ලේෂණයට හා මෙහෙයවීමට ඇති හැකියාව. අද කතාවෙන් තවත් දේවල් දැනගන්න ලැබෙයි.

දැන් හිතයි යකෝ මූට පියාබන්නත් පුළුවන්ද කියලා. ඒක තමා ටිවි සීරියස් එකේ ඇදුමෙ අඩු පාඩු තියෙනවා කිව්වෙ. කොමික් වල බැලුවොත් පියාසර කරන්න මෙයාගෙ ඇදුම නිර්මාණය කරලා තියෙනවා. ඕං බලාගන්නකො එහෙනං.

තව දෙයක් තමා බ්ලැක් බෝල්ට්ට පොඩි කාලෙ ඉදල එයාගෙ බලය පාලනය කරගන්න බැරුව හිටිය කෙනෙක්. මෙයාව හුදකලාව කුටියක දාලා පුහුණු කලා කියලා තමා කියවෙන්නෙ. ඒ වගේම තමා මෙයාගෙ බලය පාලනය කරගන්න පොඩි කාලෙ ඉදන්ම නළලට ඉහලින් දෙබලක හැඩයෙ ඇන්ටනාවක් පළදිනවා. ඒකත් අපි ටිවි සීරියස් එකේ දැක්කෙ නැ. අනික තමා වෙස් මූණ,බ්ලැක් බෝල්ට් වෙස් මූණක් පැලදන් ඉන්නවා. තාම නම් කතා මාලාවෙ දැක්කෙ නෑ. ඉස්සරහටවත් තියෙයිද බලමු.

නින්ද අතරවාරයෙ කතා කරයි කියන බයට නිදා නොගෙන භාවනා කරන්න තමා බෝල්ට් පුරුදුවෙලා ඉන්නෙ. ඒකෙන් එයාගෙ හැකියාවන් තවත් වැඩි දියුණු වෙන එකත් සිද්ද වෙනවා.දැන් තේරෙනවනෙ කතා මාලාවෙ බ්ලැක් බෝල්ට්ගෙ චරිතයෙ තියෙන අඩුපාඩු මොනවද කියලා. කොමික් එක්ක බැලුවාම තමා හොදට පේන්නෙ. තව දේවල් තියෙනවා.

ඉදිරියටත් මේ වගේම කතාවෙ ඉන්න චරිතයක් පිළිබඳව පොඩි විස්තර ටිකක් කියන්න බලාපොරොත්තුවෙන් ඉන්නවා. ඒක රදා පවතින්නෙ ඔයාලා මත තමයි. මේවා කියවලා යමක් අලුතින් දැනගත්තනම්, ඒ වගේම කොතන හරි මං වැරදිනම් ඒවත් කියන්න. තව ඔය අය දන්න දේවලුත් අනික් අය එක්ක බෙදා ගන්න. කොහොමත් කලින් බලපු කොටස නිකන් බොරුවට මතක් කරනවට වඩා මේ විදිහ හොදයි කියලා මට හිතුනා. ඒකයි මෙහෙම දෙයක් කරන්න පෙළඹුණේ.

දැන් ඉතින් පුරුදු විදිහට පසුගිය කොටස ටිකක් මතක් කරන්නම්,

ඉන්හියුමන්ලගෙ නිවහන වෙච්ච ඇලැන් හදේ තමා පිහිටලා තියෙන්නෙ. තවත් පැහැදිලි කරනවනම් හදේ නිපැහැති කොටසෙ තමා තියෙනවා කියන්නෙ. ඉතින් පෘථිවියෙන් හදේ පර්යේෂණ කරන්න ගන්නවත් එක්ක තමා ඇට්ලැන් වල ප්රශ්න මතුවෙන්නෙ. මොකද ඉන්හියුමන්ලා මිනිස්සුන්ගෙන් ඈත්ව තමා ජීවත් වෙන්නෙ. ඉති මිනිස්සු දැනගත්තොත් මේ අය හදේ ඉන්නවා කියලා මොනා වෙයිද? මොකද ශීල්ඩ් එකේදිත් ඉන්හියුමන්ලව දඩයම් කරන පිරිසක් හිටියා. කොහොම වෙතත් බ්ලැක් බෝල්ට් කිසිවක් නොකර ඉන්න තීරණය කලත් ඔහුගෙ මලයා වෙච්ච මැක්සිමස් මේ තීරණයට කැමතිවෙන්නෙ නැ. ඒ හේතුව නිසාම මැක්සිමස් ඇට්ලන් අල්ල ගන්න කැරැල්ලක් ගහනවා.

ඔය කැරැල්ලෙ කොටසක් තමා පහුගිය කොටසෙ ට්රයිටන් මරන එකත්. ඉතින් මේ කැරැල්ල නිසාම රාජකීය පවුලෙ අයව ලොක්ජෝ මාර්ගයෙන් පෘථිවියට එවනවා. හැබැයි ඉතින් එකම තැනකට නම් නෙවෙයි. විවිධ ස්ථාන වලට. ඒ වුනත් ක්රිස්ටල් සහා ලොක්ජෝට පැනගන්න බැරිවෙනවා. ඒ වගේම තමා ඇට්ලැන් වලින් පැනගන්න කලින් මැක්සිමස් මෙඩූසගෙ කොන්ඩෙ කපලා දානවා. ඔය අතරෙ වාරයෙ බ්ලැක් බෝල්ට්ව පොලිසියෙන් අල්ල ගන්නවා. තවත් කියනවනම් ගෝර්ගාන්ට අලුත් යාලුවො ටිකක් හම්බෙනවා වගේම කර්නාක්ට එයාගෙ හැකියාව නිවැරදිව භාවිතා කරන්න බැරුව යන්න ගන්නවා. ඉතින් අද කොටස ඔයාලට බාරයි.

කණගාටුවෙන් වුනත් දෙයක් කියන්න ඕන, මෙච්චර මහන්සිවෙලා මගේ අධ්යාපනයට වැය කරන්න තියෙන්නෙ කාලයෙන් පැය 6,7 මේකට වැය කරලා තමයි මේ උපසිරැසි කරන්නෙ. ඒ වගේම කලින් කොටසටත් හොද විස්තරාත්මක ලිපියක් අපෙ තිසර අයියට කියලා ඔයාලට ලබා දෙන්න කටයුතු කලා. ඒත් අපි මේ වෙන මහන්සිය තඹ සතේකට ගනන් නොගෙන ඔයාලත් උපසිරැසිය අරන් යනවා. සල්ලි දෙන්න කියනව නෙවෙයිනෙ පොඩි අදහසක් දක්වලා යන්න කියලා විතරයි ඉල්ලන්නෙ. හැබැයි මේ උපසිරැසි වල තියෙන ගුණාත්මක බව හොයන්න කට්ටිය නම් ඉන්නවා. මෙච්චරයි ඉල්ලන්නෙ මේ වෙන මහන්සියට පුංචි හරි වටිනාකමක් එක් කරන්න පුළුවන් ඔය අයට විතරයි. ඉතිං පුංචි අදහසක් දක්වලා තවත් ශක්තිමත්ව ඉදිරියටම මේක කරන් යන්න හයියක් වෙන්න කියලයි ඉල්ලන්නෙ. එහනම් මම ගියා.

ජය වේවා!

 

 

 

Due to copyright issues, we do not provide any torrent links.

මෙම ලබා දී ඇති උපසිරැසිය HDTV පිටපත් සඳහා අදාළ වේ.

5,557 downloadsDownload Marvels-Inhumans-S01E03.zip23 KB

https://d36zzuvfojr38z.cloudfront.net/wp_content/uploads/2017/10/lahiru-prasad-new.jpg මේ ලබා දී ඇති සිංහල උපසිරැසි පිළිබද “ලහිරු ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2016-06-13
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.