Krypton [S01 : E02] Sinhala Subtitles | පවුලද? නම්බුවද? [සිංහල උපසිරැසි සමඟ]

හැමෝටම සුභ දවසක් වේවා. මේ ගෙන එන්නේ ක්‍රිප්ටෝන් කතා මාලාවේ දෙවන කොටසයි. ගිය සතියේ චාමර සහෝ ලියපු සවිස්තරාත්මක ලිපිය කියෙව්වනම් දන්නවා ඇතිනේ මේ කතා මාලවේ මුලික තේමාව මොකක්ද කියලා. නොකියවපු අය ඒක කියවලාම මේක බලන්න පටන් ගත්තොත් හොඳයි. වැඩිය කතා ඕනේ නෑ. අපි ගිය සතියේ කොටස දෙසට හැරෙමු.

පසුගිය සතියෙන්…

කතාව පටන් ගන්නෙම වැල් එල්ගේ,එහෙම නැත්තම් කතා නායකයා වන සෙග් එල්ගේ සීයාව රාජද්‍රෝහී වරදට මරණ දණ්ඩනයට නියම කරන අවස්ථාවෙන්. මේත් සමගම එල් වංශයේ සියලු තානාන්තර,නම්බුව ,ගෞරවය නැති වෙලා යනවා. කාලයක් ගත වුනාම තරුණයෙක් වෙන සෙග් එල් සල්ලිවලට ගහගන්න කෙනෙක් වෙලයි ඉන්නේ. ඒ ඔහුට ඇඩම් ස්ට්‍රේන්ජ් නම් පෘථිවි වාසියා මුණ ගැසෙනකම් පමණයි. ඒ හමුවෙන් ගොඩක් දේවල් වෙනස් වෙනවා. ඇඩම් සෙග් එල්ට පවසන්නේ අනාගතයෙන් පැමිණෙන බ්‍රේනියැක් නම් සතුරා ක්‍රිප්ටෝන් ග්‍රහ ලෝකය විනාශ කලොත් එහි බලපෑම පෘතුවියටත් ඉතා දරුණුව බලපාන බවයි. එම නිසා ඔහුව නැවත්වීමට කටයුතු කරන මෙන් ඉල්ලා සිටිනවා. එමෙන්ම සන්ස්ටෝන් එකක් ලබා දෙන්නේ බලකොටුවට ඇති යතුර එය ලෙස පවසමින්. නමුත් මේ සන්ස්ටෝන් එක දකින සෙග්ගේ දෙමාපියන් එය ඔහුගෙන් ලබා ගන්නවා. මන්ද සෙග් නොදන්නා කතාවක් ඔවුන් දන්නා නිසා. හැබැයි සෙග් හොරා වගේ ඒක ආයෙත් හොරකම් කරනවා. මේ අතරවාරයේ රාඕ හෙවත් ක්‍රිප්ටෝන්හි අධිපතියා ඝාතනය කිරීමේ තැත සෙග් විසින් වලක්වන නිසා මහේස්ත්‍රාත්වරයා ඔහුට නැවත තානාන්තර ලබා දීමට එකඟ වෙනවා. ඒ ඔහුගේ වෙක්ස් නම් නමයි. එමෙන්ම ඔහුගේ දියනින් හා එක් වීමට ඔහු අවසර ලබා දෙනවා. හැබැයි මේ වෙද්දීත් සෙග් සෝඩ් වංශයේ ලයිටා සෝඩ් එක්ක ආදරයෙන් බැඳිලා හමාරයි. කෙසේ හෝ දිනක් රාත්‍රියේ මාවතක ගමන් කරමින් සිටින සෙග්ව අල්වා ගැනීමට හමුදා සෙබළුන් පැමිණෙන මොහාතේ ඔහුගේ සහයට එන්නේ ඔහුගේ මවයි. පැහැරගත් යානයකින් පැමිණෙන ඇය සෙග්ව පිටස්තර භූමියක පිහිටි බලකොටුව කරා රැගෙන ගොස් ඔහුට සත්‍ය පවසනවා. අවාසනාවකට යානය හඹා එන හමුදා සෙබළුන් සෙග්ගේ මව අල්වා ගනු ලබනවා. ඇය පිලිබදව විනිශ්චය කිරීමේ දී ඇය සමග සිටි අනිත් පුද්ගලයා ගැන විමසා සිටින විට සෙග්ගේ පියා තම පුතාගේ ජීවිතය බේරාගැනීම සඳහා ඇය සමග සිටියේ තමන් බව ප්‍රකාශකර සිටිනවා. මෙහි දී සිද්ධ වුන ආරාවුලක දී ජෙයිනා සෝඩ් විසින් සෙග්ගේ දෙමාපියන් දෙපලම මරා දමනවා. මේ සියල්ල අවසානයේ සෙග් නැවත වරක් තම සීයාගේ බලකොටුව බලා යනවා. එහි දී නැවත වරක් ඇඩම් මුණ ගැසෙන සෙග්ට තම මුණුබුරාගේ කබාය දක්නට ලැබෙනවා. කබාය ක්ෂය වූ විට කාලයද අවසන් වන බව පවසන ඇඩම් එය වීමට පෙර ක්‍රිප්ටෝන් බේරාගන්නා ලෙස ඉල්ලා සිටිනවා.

මේ සතියෙන්…

බ්‍රේනියැක් ගැන වැඩීමක් දේ ඇඩම් සෙග් හට පවසා සිටිනවා. නමුත් සෙග්ගේ හිතේ කැකෑරෙන්නේ තමන්ගේ දෙමාපියන්ට කළ දේ පලිය ගැනීමේ කෝපයයි. මේ අවස්ථාවේ ඇඩම් සේග්ට නැවත නැවතත් පැහැදිලි කරන්නේ මුලික දේ මේ සතුරා පරාජය කිරීම මිසක පුද්ගලික කරණා ගැන සැලකිල්ලක් දැක්වීම ගැන නොවන බවයි. එසේනම් සෙග් කුමක් කරාවිද? තමන්ගේ දෙමාපියන් ඝාතනයේ පලිය ගනීවිද? ඇඩම් කී දේ පිළිගෙන ඔහු හා එක්ව සතුරා පරාජය කිරීමට සුදානම් වේවිද?

ගිය සතියේ කොට්සාටනම් හොඳ ප්‍රතිචාරයක් ලැබුනා. ගොඩක් දෙනෙක් භාගත කරගෙන තිබුනා. ඉතින් පුළුවන් හැමෝම මේ කොටස භාගත කරන ගමන් අඩුපාඩු එහෙම තියෙනවනම් ඒවා හරිගස්ස්වන මෙන් ඉල්ලා සිටිනවා. එහෙනම් ඇරෝ කතා මාලාවෙන් මුණ ගැසෙනකම් හැමෝටම ජය ශ්‍රී!

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය HDTV පිටපත්  සඳහා අදාළ වේ.

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “අනුරුද්ධ(ලියෝ)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

SILVER MEMBER
JOINING DATE – 2015-04-22
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.