Marvels Agent Carter [S01:E06] | කාටර්ගේ සැබෑව.. [සිංහල උපසිරැසි සමඟ]

මේ අරගෙන එන්නේ මාර්වල් ඒජන්ට් කාටර් කතා මාලාවේ, හයවන කොටසයි. අද නම් ඔන්න ටිකක් කලින් උපසිරැසිය අරගෙන එන්න පුළුවන් වුනා. පස්වන කොටසේ වුනු දේවල් සුපුරුදු විදියටම මතක් කරගෙන ඉමු. කාටර් නේවාසිකව සිටින ග්‍රිෆිත් නිවාසයේ පදිංචියට එන ඩොටී, තිමිංගල සංවිධානයේ ඝාතකයෙක් බව අපට පැහැදිලි වුනා. ගියවර කොටසෙන් ඇගේ පුහුණු මොන වගේ එකක්ද යන්න ගැනත් අපට අදහසක් ලබාගන්න හැකි වුණා. ඩොටී කාටර්ගේ යතුරු සොරකම් කරමින් ඇගේ කාමරයට පැමිණ කාටර් සතු විෂ ගැන්වූ තොල් ආලේපනය රැගෙන ගියා මතක ඇති. ඒක අද කතාවෙදි ප්‍රයෝජනවත් වෙන හැටි බලන්න හැකි වෙයි.

ගියවර කොටසේ ප්‍රධානත්වය හිමි වුනේ මායා යතුරු ලියනය හරහා පැමිණි පණිවිඩය සම්බන්ධවයි. කාටර් එම පණිවිඩය විකේතනය කර, පණිවිඩය පැමිණියේ කාගෙන්ද යන්න සොයා බලන්නටත්, මේ අවි ආයුධ ගණුදෙනුවට හෝවාර්ඩ් ස්ටාර්ක් නිසැකවම හවුල්ද යන්න තහවුරු කරගන්නත් හිතාගෙන තමයි, බලෙන් වගේ රුසියාව බලා යන කණ්ඩායමට එක් වන්නේ. ඒ මෙහෙයුමට එකතු වුනා, මාර්වල් ලෝකයේ සුප්‍රසිද්ධ Howling Commandos (මොරදෙන කමාන්ඩෝ) අතරින් කීප දෙනෙක්. කැප්ටන් ඇමරිකා පළමු චිත්‍රපටය බැලුව අය නම් මෙයාලව හඳුනනවා ඇති. ඩම්-ඩම්-ඩූගන් ඇතුලු ඒ පිරිසට නායකත්වය දෙන කාටර්, රුසියානු ගොඩනැඟිල්ල වැටලුවත් තමන් යන්නේ උගුලක් කරාම බවට ඔවුන් දැන සිටින්නේ නැහැ. එහිදී ඩූගන් කුඩා ගැහුණු ළමයෙකුගේ පිහි ඇනුමකට ලක් වෙනවා. ඒ ස්ථානය ඝාතකයින් පුහුණු කරන ස්ථානයක් බවට ඔවුන් හඳුනගන්නවා. එම ගොඩනැඟිල්ලෙන් තිමිංගලයින් සොයා ගන්නට නොහැකි වුවත්, එහි සිර ගතව සිටි මනෝචිකිත්සකයෙක් රැගෙන පලා යන්නට මේ පිරිස සමත් වෙනවා. ඒ වගේම ඔවුන් තහවුරු කරගන්නවා, හෝවාර්ඩ් ස්ටාර්ක්ගේ සංකල්පය සහ ආයුධ සොරා ගනිමින් ඒවා වැඩිදියුණු කරන්නට තිමිංගලයින් උත්සාහ දරන බව.

මේ අතර ප්‍රධානී ඩූලි තම සගයෙක්ගේ මාර්ගයෙන් ෆිනෝව් වල සිදුවූ සටන සහ එයට ස්ටාර්ක් සම්බන්ධද නැත්ද යන්න ගැන යම් කරුණු කීපයක් දැනගන්නවා. ඒ කරුණු නිසාවෙන් හෝවාර්ඩ් කෙරෙහි තිබුණු දැඩි සැකය පහව ගියත් හෝවාර්ඩ්ව හමුවන්නට අවශ්‍ය බව ඔහු ජාවීස්ට පවසනවා. කාටර් ඇතුලු පිරිස රුසියාව බලා පිටත්ව යන්නට කලින් ඇගේ උරහිසට වැදී ඇති වෙඩි සලකුණු දැකගන්නට ඩැනියෙල් සමත් වෙනවා. ඒ අනුව ස්පයිඩර් රේමන්ඩ් මිය ගිය දින රාත්‍රියේ ඔහු සිටි සමාජ ශාලාවේ සිටි තඹ පැහැ කෙස් ඇති තැනැත්තිය, කාටර් බවට ඔහු තුළ සැක පහළ වෙනවා. ඒ එක්කම එස්.එස්.ආර් කණ්ඩායම අතර සම තැන ලබා ගැනීමටත් කාටර් සමත් වුනු බව ඔයාලට මතක ඇති.

අද කොටස මේ කතාවේ දැනට විකාශය වුනු හොඳම කොටස කියන්න පුළුවන්. කාටර් කතා මාලාව හිතුවට වඩා සාර්ථකව කරුණු ගලපමින් චරිත හොඳින් සම්බන්ධ කරන බව අද කතාවෙන් අවබෝධ කරගන්නට හැකි වේවි. ක්‍රියාදාම එක්ක රහස් දිග හරිමින් රහස් රකිමින් අද මේ පරීක්ෂකවරුන් මේ ගැටළුවට විසඳුම් සොයා ගනීවිද කියලා බලන්න එහෙනම්.. එලස්ස්ස්.. මං ගියා. ජයම වේවා..!

ප.ලි : දී ඇති 720p කොපිය නැරඹීම සඳහා K-Lite Codecs සහිත Media Player Classic භාවිතා කිරීම වඩාත් සුදුසුයි.

 

 

182 MB (720p) කොපිය මෙතනින් බාගන්න

AF77C8E38CC468D7FAB0C4D0B3A2121998655FED

240 MB කොපිය මෙතනින් බාගන්න

F9D55A8D56A21EE5B022E79CF34794A24A6C6468 ගූගල් සෙවුමෙන් ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න. නොදන්නා අය වෙත උපදෙස් සිංහලෙන්ම මෙතන තියනවා.

2,335 downloadsDownload Marvels.Agent_.Carter.S01E06.baiscopelk.zip315 B

 

https://d36zzuvfojr38z.cloudfront.net/wp_content/uploads/2013/12/srimal.jpg මේ ලබා දී ඇති සිංහල උපසිරැසි පිළිබද “යශෝධ ශ්‍රීමාල් අතුරැලියගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                      All Episodes                        Next Episode >>