Robin Hood (TV Series 2006–2009) [S01 : E10] Sinhala Subtitles | සැරසන් මායාකාරයෝ! [සිංහල උපසිරැසි සමග]

කොහොමද යාළුවනේ. ඔන්න රොබින්හුඩ් කතා මාලාවේ දහවෙනි කොටසයි මම අද අරන් එන්නේ. අද කොටසේ අවසානය නම්, ඔයාලා කැමති විදියේ අවසානයක් වෙයි. කතාව ටිකක් ත්‍රාසජනක වෙයි කියලත් කියන්න පුළුවන්. ඉතින් ඉක්මනටම අපි කතාව ගැන බලමු.

පසුගිය කොටසින්…

ලැම්බර්ට් කියන කෙනා ඛව වෙඩිබෙහෙත් හදලා ෂෙරිෆ්ට දෙන්නේ, ඒවා පතල් වැඩවලට මිස මිනිස්සුන්ට හානි කරන්න ගන්න එපා කියන කොන්දේසියත් එක්කයි. ඒත් ෂෙරිෆ් ඒකට අකමැති වෙලා, එයාව හිරේ දානවා. ලැම්බර්ට් හිරේ වැටෙන්න කලින්, වෙඩිබෙහෙත් හදන්න ගන්න දේවල් ලියපු පොත හංගන නිසා, ෂෙරිෆ්, රොබින් දෙන්නම උත්සාහ කරන්නේ ඒ පොත තියෙන තැන ගැන දැනගන්නයි. ලැම්බර්ට්ව අරන් එන්න මාච්ව මාලිගාවට යැව්වත්, මාච්ව හිරකුටියට දානවා වෙනුවට ෂෙරිෆ් කරන්නේ, අනිත් ගැමියන්ට උදාහරණයක් විදියට මාච්ට වංශාධිපතිකමක් දෙන එකයි. මාච් බොන්චර්ච් මැදුරේ  වංශාධිපතිකම කරන අතරේ, රොබින් ලැම්බර්ට්ගෙන් පොත තියෙන තැන දැනගන්නවා වුනත්, ලැම්බර්ට්ව බේරගන්න ලැබෙන්නේ නෑ. අවසානයේදි මාච් තමන්ගේ හිත ගිය කෙල්ලට, මන්දිරයේ තියෙන වස්තුව දීලා ආපහු කැලේට එන අතර, රොබින්ලා ෂෙරිෆ් ළඟ තියෙන වෙඩිබෙහෙත් ටිකත් විනාස කරලා දානවා.

මෙවර කොටසින්…

නාඳුනන මිනිහෙක් ගමට ඇවිත්, ගමේ පල්ලිය ගිනි තියලා, මිනිස්සුන්ගේ කෑම ගිනි තියලා ලොකු අවුලක් ඇති කරනවා. මේ වෙලාවේ එතනට එන රොබින්හුඩ්, එයාව කැලේට අරන් යනවා. එයා කුරුස යුද්ධයේ සේවය කරපු සෙබලෙක් කියලා හිතලා, රොබින්ලා එයාව බලාගන්නවා. මේ අතරේම කැලේ තිබිලා, ගංවතුරට අහුවුනු කරත්තයකුත් එයාලට හම්බවෙනවා. කරත්තය ඇතුලේ තියෙනවා, අමුතුම වර්ගයේ, වටේටම කටු ගැහුව හිස්වැස්මක්. කතාවේ නම් ඒකට වෙස්මූණක් කියලයි කියන්නේ. ඒක පෙනුමින් වද දෙන්න හැදුව උපකරණයක් වගේ. ලිට්ල් ජෝන් පවා ඒකට බයවෙනවා. ඉතින් මේ කරත්තයේ අයිතිකාරයා, පෙරදිගින් ආව කෙනෙක් බවත්, එයා දැන් ෂෙරිෆ්ගේ මාලිගාවේ නැවතිලා ඉන්න බවත් රොබින්ට ආරංචි වෙනවා. මේ අමුත්තා කවුද, අර අමුතු වෙස්මූණ එයා ගෙනාවේ ඇයි, රොබින්ලාට හම්බවුනු ඔළුව අවුල්කාරයා මේකට සම්බන්ධ වෙන්නේ කොහොමද කියලා ඔයාලා බලන්න. ඊළඟ කොටසින් නැවත හමුවෙමු. එතෙක් ඔබට සුභ දවසක්!

 

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි HDTV පිටපත් සඳහා අදාළ වේ.

 

3,138 downloadsDownload BBC.Robin_.Hood_.S01.E10.Baiscopelk.com_.zip23 KB

 

මේ ලබා දී ඇති සිංහල උපසිරැසි පිළිබද “ බොබී ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2016-12-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.