Titans 2018 [S01: E07] Sinhala Subtitles | අවසන් රොබින් මතකයන්… [සිංහල උපසිරැසි සමඟ]

 

ඔන්න එහෙනම් ටයිටන් තවත් කොටසක් සමඟින් මුණ ගැහෙන්න ආවා. කලින් සතියේ කොටස නම් අපට ලැබුනේ දවසක් විතර පමා වෙලා. නමුත් අද කොටස නම් අපිට වෙනදා වගේම සිකුරාදා ලැබුනා. ඉතින් ලැබුන සැනින් තමයි මේ උපසිරස ඔබට අරගෙන එන්නේ. එහෙනම් අද මුලින්ම කලින් කොටස ගැන ටිකක් කියලම ඉන්නම්.

කලින් කොටසේ ආරම්භය සිද්ධ උනේ ඩික් ග්‍රේසන්ගේ පැරණි මතක සමඟින්. එයාගේ දෙමාපියන්ගේ මරණය සහ එයාගේ අතීතය සම්බන්ධ කාරනා ගොඩක් ඒ කොටස තුල දැනගත්තා. ඊට අමතරව පරණ රොබින්ට අලුත් රොබින් ජේසන් ටොඩ් මුණ ගැහෙනවා. දෙන්න එකතු වෙලා කලින් කොටස අවසානයේ සටනින් පස්සේ බේරගත්ත නියුක්ලියර් ෆැමිලි එකේ නිර්මාතෘවරයාව බෘස් වෙයින්ගේ සේෆ් හවුස් එකක් හෙවත් ආරක්‍ෂිත ස්ථානයක් වෙතට රැගෙන එනවා. ඒ වගේම ටයිටන් කණ්ඩායමේ අනික් සාමාජිකයන් පවා එතනට ගෙන්වා ගන්නවා. ඒ වගේම ඩික් දැනගන්නවා ඔහුව ජේසන් හොයාගත්තේ ඔහුගේ අතේ තියන ට්‍රැකර් එකක් අනුව කියලා. පසුව එය පවා ඩික් ඉවත් කරනවා. මේ කොටස සම්පුර්ණයෙන්ම ඩික්ගෙ අතීතයට සම්බන්ධ කොටසක්. ඔහුගේ දෙමාපියන් මරපු පුද්ගලයාගෙන් පලිය ගත් පසුත් තවත් පුරුකක් ඉතිරි වී එය ඔහු පසු පසින් ලුහු බඳින්න අරගෙන. ඩික් සහ ඔහුගේ දෙමාපියන් වැඩ කරපු සර්කස් එකේ පිරිස යම් අයෙකු විසින් මරාදමන ආරංචිය රැගෙන තමයි ජේසන් ටොඩ් ඩික් මුණ ගැහෙන්න එන්නේ. ඒ වගේම ඒ අනතුර ඩික් සහ ජේසන් දෙදෙනා ඉවරයක් කරනවා. අවසානය වන විට අපි දැක්කේ හික්මීමක් සහිත පැරණි රොබින් සහ කිසිම සංයමයක් නැතිඅලුත් රොබින් කෙනෙක්. එත් එක්කම ජේසන් ඩික් අතර උන ගනු දෙනුව අවසන් වෙනවා අපි දුටුවා. 

අද කොටස ආරම්භ වෙන්නේ ඩික් අල්ලගත්ත පුද්ගලයා සමගින්. අදනම් ටයිටන්ලට ලේසි වෙන්නේ නැහැ. අද ටයිටන් කණ්ඩායමට මුහුණ දෙන්න වෙන්නේ ඉතාමත් දරුණු වදහිංසා ටිකකට. එහෙනම් එහෙම වෙන්න හේතුව මොකද්ද කියල මම ඔයාලටම බලාගන්න දෙන්නම්. ඒ වගේම කියන්න ඕන අනාගතයේ වෙයි කියල හිතන චරිතයක පෙර සලකුණු අවසානයේ දකින්න පුළුවන් වේවි.

යන්න කලින් දෙයක් කියන්න ඕන. මේක කොහෙත්ම ටයිටන් කතාවට අදාළ නැහැ. තමන්ගේ පාඩුවේ උපසිරසි ගන්න 99%ටත් අදාළ නැහැ.  නමුත් මෑතක ඉඳන් දැකපු දෙයක් තමයි වෙබ් අඩවියේ අපි මේ සිංහලෙන් යොදන නම සහ අදාලට කොටසට කතාවේ නිර්මාණකරුවන් යොදන නම අල්ලාගෙන මැරෙන්න හදන ඉංග්‍රීසි උපසිරසි එක්ක බලන සිඟිති පාතාල සාමාජිකයෝ  දෙතුන් දෙනෙක් කලින් කොටසේ නම අල්ලාගෙන උඩ පැනලා තිබුනා. අපි මේ සෑම උපසිරසකටම  පරිවර්තනයක්ම නැතුව අපේ නිර්මාණයක් විදිහට නමක් දාන්නේ මේ සයිට් එක පටන් ගත්ත දවසේ ඒ කියන්නේ 2009 ඉඳල. ඒක එදා ඉඳන් මේ සයිට් එක පරිශීලනය කරන හැමෝම දන්න සාමාන්‍යය කාරණාවක්. ඒක අපේ අනන්‍යතාවය.  ඕක අපිත් එක්ක ඉන්න හැමෝම දන්න දෙයක්.  හැබැයි දන්නා තරමට එයාල කොමික් ඔස්තාර්ලා වගේ ලෝකෙට රඟපාන්නේ. ඒ වගේම ඉංග්‍රීසි භාෂා පරමේශ්වරලා වගේ කතාව. කියන්නේ නම් අපිට සිංහල සබ් එපා ඉපදුනේ ලන්ඩන් හන්දියේ කියල. ඒ උනාට මෙතනමයි වාසේ දේසේ.  හැබැයි සිංහල සබ් එපා නම් මේකේ ඕපාදුප හොයන ඔය දෙකවසර චීත්ත වලට කියන්නේ දන්න ඉංග්‍රීසියෙන් වදයක් නොවී බලාගනිල්ලා කියල.   එහෙන් මෙහෙන් ගෘප් කට්ටක් අටවාගෙන කොහෙන් හරි ඕපයක් හොයාගෙන අනේ සෝයි, කොමික් වගේමයි, මාරයි, ස්නයිඩර් බුදුවේවා කියන ජාතියේ මන්ද මානසික ඔස්තාර්ලට තමයි ඒ දැනුම් දීම කරුවේ. මේක දැකලා කුලප්පු වෙනවා කියන්නේ ඔය ඔස්ර්ලතාර්ලට ලැජ්ජ නහර නැහැ කියන එක තමා.  දැන් කියයි Asylum කියන්නේ “අවසන් රොබින් මතකයන්” නෙමෙයි කියලා. ඔව් එහෙම නෙමේ තමා ඉතින් . 

වෙනදා වගේ නැතුව මාතෘකාවෙන් පිට පැන්නට සමාව අවසර. අතින් කාල හරක් බලනව වගේම හරක් කුලප්පු උනාමත් මෙල්ල කරගන්න ඕන නිසයි මේ දේවල් මෙහම කිව්වේ.  එහෙනම් ගිහින් එන්නම් හැමෝටම ජය වේවා !!!!

 

 

 

 

 

Due to copyright issues, we no longer provide any torrent links.

ලබා දී ඇති උපසිරසි WEB පිටපත් සඳහා අදාළ වේ.

11,237 downloadsDownload Titans-2018-S01E07.zip18 KB

මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2012-12-29
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.