Sacred Games S01E04 Sinhala Subtitles | රෑ මැදියමේ මාරාන්තික මෙහෙයුම! [සිංහල උපසිරැසි සමඟ] (18+)

වෙලාවකට මට හිතෙනවා,
අපේ කට්ටියට මේ කතා මාළාව එපා වෙලා වත්ද කියලා…
මුලදී තිබ්බ උනන්දුව, උද්යෝගය,
පහුගිය ටිකේදි දකින්න ලැබුනේ නැද්ද කියලත්,
නොහිතෙනවා නෙමෙයි.
වාහනයක් දුවන්න නම් ඉන්ධන ඕනේ!
ඒ වගේම…
යන්ත්‍රයක් ක්‍රියාත්මක කරන්න නම් ශක්තියක් අවශ්‍ය වෙනවා.
ඒ වගේම…
උපසිරැසිකරුවෙක් ක්‍රියාත්මක කරන්න නම්,
ප්‍රේක්ෂකයන්ගේ උනන්දුව, උද්යෝගය, දිරිගැන්වීම අවශ්‍ය වෙනවා!

මේ හතරවෙනි කොටසත් එක්ක කතා මාලාවෙන් හරියටම බාගයක් ඉවර වෙනවා. තව කොටස් හතරයි ඉතුරු වෙන්නේ. නිකමට මං මෙහෙම අහන්නම්. පුළුවන් නම් උත්තර දෙන්න. මොකද, උපසිරැසිගන්වන මට වත් මේ ප්‍රශ්න වලට කිසිම විදියක උත්තර හම්බෙලා නැහැ.

• දශක දෙකකට ආසන්න කාලයක් තිස්සේ අතුරුදහන් වෙලා ඉඳපු, සටකපට, අතිශය දරුණු ගයිතොන්ඩේ එක සැරේටම ආපහු මතු වුනේ ඇයි?
• මෙහෙම මතුවෙච්ච ගයිතොන්ඩේ, සර්ටාජ් කියන පොලිස් නිලධාරියට කතා කරලා අනාගත තර්ජනයක් ගැන කියන්නේ ඇයි?
• ගයිතොන්ඩේ සහ සර්ටාජ් එකිනෙකා සම්බන්ධ වෙන්නේ කොහොමද?
• ගයිතොන්ඩේ සහ සර්ටාජ්ගේ පියා එකිනෙකා සම්බන්ධ වෙන්නේ කොහොමද?
• ගයිතොන්ඩේ කියන විදියට දවස් 25කින් මුම්බායි නගරයට සිද්ධවෙන මේ මහා ව්‍යසනය මොකක්ද?
• මේ ව්‍යසනයෙන් ත්‍රිවේදි කියන පුද්ගලයා ඇරෙන්න අනිත් හැම කෙනෙක්ටම මැරෙන්න සිද්ධවෙන්නේ ඇයි?

මේ තමයි දැනට තියෙන ප්‍රධානම ප්‍රශ්න කීපය. මේ ඇරෙන්නේ මීට සම්බන්ධ අතුරු ප්‍රශ්න මහ ගොඩක් තියෙනවා. කතාව බලන අය දන්නවා ඇති, කතා මාලාව ඉදිරියට ඇදෙන්න ඇදෙන්න ප්‍රශ්න එකිනෙක වැඩිවෙනවා මිසක්, මේ තාක් එක ප්‍රශ්නයකට වත් පිළිතුරු හම්බුනේ නම් නැහැ. අතිශය ප්‍රථම ආරම්භක කතාවේදීම, කතා මාලාවේ ප්‍රධාන දුෂ්ඨ චරිතය ඝාතනය කරමින්, ප්‍රේක්ෂකයා හට අතිශය තියුණු තිගැස්මක් ඇති කරමින්, සියලු දෙනාගේම අවදානය දිනාගන්න මේ කතාමාලාවට හැකියාව ලැබුණා.

කොනක් පටක් සොයාගත නොහැකි, පැටලුනු නූල් බෝලයක් බඳු වූ අභිරහසක් විසඳමින් ඉදිරියට ඇදෙන්නා වූ සර්ටාජ් සහ රෝ නිලධාරිවරිය, අවසානයේ ගයිතොන්ඩේගේ අපරාධ ජාලයේ දැවැන්තයෙකු වන බන්ටි අල්ලාගැනීමට උපක්‍රමයක් යොදනවා. ඔබ හිතන්නේ මොකද? බන්ටි වගේ කෛරාටිකයෙක් මේ වගේ උපක්‍රමයකින් අල්ලගන්න පුළුවන් වේවිද? ඒ වගේම, අනිත් පැත්තෙන් ගයිතොන්ඩේ තමන්ගේ කතාව බොහොම ලස්සනට කියාගෙන එනවා. පේන විදියට නම්, මේ හැම එකක්ම එකිනෙකට සම්බන්ධ වෙලා, අපේ හිත් කුතුහලයෙන් අවුස්සන්න සමත්වෙලා තියෙන ප්‍රශ්න වලට පිළිතුරු ලැබෙන්නේ අවසාන කොටසෙදි වගෙයි. සමහර විට වෙන්න පුළුවන් මෙන්න මේක තමයි කියලා ඔබ අනුමාන කරගෙන ඉන්න පුළුවන්. ඒත්, මතක තියාගන්න, “සිතු දේ නොම වෙයි… නොසිතූ දෙයක්ම සිදුවෙයි…” කියලා.

දහ අටදහස ඉක්මවූ මනාප ප්‍රමාණයකින් Imdb දර්ශකය 9.3ක් වැනි අති දැවන්ත අගයක් කරා කරකවමින්, Top Rated TV ලැයිස්තුවේ 25 වන ස්ථානය තම නමට වෙන්කරගෙන සිටින, වසරේ පෙරලිකාරම කතා මාලාව! ඔබ තවමත් අපත් සමගින් එකතු වී නැද්ද? හිත හිතා සිටින්න කාලයක් නෙමෙයි මේ… නුදුරු අනාගතයේදීම මුම්බායි නගරය සහමුලින්ම විනාශ වී යෑමට නියමිතයි. එකතු වන්න අපත් සමගින්, ඉමක් කොනක් නොපෙනෙන අභිරහස් සමුදායක් විසඳමින්, මේ බිහිසුණු ගැටලුවේ පතුලටම ගමන් කිරීමට!

ඉවසලා ඉන්න…
අවසානය ළඟ ළඟ එනවා!
හැබැයි, තව දුර යා යුතුයි!
දින එකිනෙක ගතවී යනවා!
විනාශය ළඟ ළඟ එනවා!
නමුත්, අපි කොතනද?
ඒත් මතක තියාගන්න,
ඊළඟ කෑල්ල අතිශයින් රසවත් 😀
ඇඟිලි ගණින්න…
ඔබ පුන පුනා බලාසිටි විනාශය ළඟ ළඟ එනවා!

ප. ලි. – කලින්ම අනතුරු අඟවපු නිසා, කලින් කොටස බලන්න ගිහිං කාටවත් ගෙදරින් යන්න වුනේ නැහැ නේද? 😀

(මේ කතා මාලාවට නිකුත් වෙච්ච ඉංග්‍රීසි උපසිරැසියේ වැරදි නොසෑහෙන්න තියෙනවා. සමහර තැන් වල දෙබස් වල අඩුතරමේ ආසන්න තේරුමක් වත් නැහැ ඉංග්‍රීසි උපසිරසියේ. ඒ වගේම, ඉංග්‍රීසියෙන් කතා කරන දෙබස් වලට උපසිරසියේ කිසිම දෙබසක් අන්තර්ගත කරලා නැහැ. ඉතිං, හින්දි වල වැරදි හදාගෙන කරන ගමන්, ඉංග්‍රීසි දෙබස් පවා කාල රාමු නිර්මාණය කරගෙන, අසා ලියන්න තමයි වෙලා තියෙන්නෙ. කතාව බලන අය ගොඩක් කුතුහලයෙන්, ඉවසිල්ලක් නැතුව ඉන්නේ කියලා දන්නවා. ඒ නිසාම තමයි, රෑට නිදිමරාගෙන හරි ඒ අය වෙනුවෙන් දවසක් ඇර දවසක් විදියට හරි මේ කතාව අරගෙන එන්නේ. ගොඩක් අය දවසට එකක් ඉල්ලලා තිබුණා. ඉතිං, කට්ටිය පොඩ්ඩක් ඉවසීමෙන් කතාව බලන්න කියලත් විශේෂ ඉල්ලීමක් කරනවා.)

 

 

 

 

Due to copyright issues, we do not provide any torrent links.

ලබා දී ඇති උපසිරසිය WEB-DL පිටපත් සඳහා අදාළ වේ.

12,273 downloadsDownload Sacred-Games-S01E04.zip23 KB

 

මේ ලබා දී ඇති සිංහල උපසිරැසි පිළිබද “ සිසිල ප්‍රසාද් ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2015-01-24
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.