Sacred Games S01E05 Sinhala Subtitles | එක පිට එක මරණ! [සිංහල උපසිරැසි සමඟ] (18+)

මං තමයි ගනේෂ් ගයිතොන්ඩේ.
කිසිම එකෙක් විශ්වාස කරන්නේ නැහැ මං.
උඩ ඉන්න කෙනාට වත් බැහැ මට අත තියන්න,
මොකද මං ඉන්නේ එයාටත් වඩා උඩින් නිසා.
අද ඉඳන් එකම එක දෙවිකෙනෙක්ට විතරයි
උඹලා පුද පූජා පවත්වන්න ඕනේ.
ඒ තමයි මම.
මං තමයි උඹලා හැම එකාටම ඉන්න
එකම එක ඇත්තම ඇත්ත දෙවියා!

මෙහෙම කියන ගනේෂ් ගයිතොන්ඩේ නම් සාහසික අපරාධකාරයා තමයි පළවෙනි වතාවට අද දරුණු පරාජයකට මුහුණ දීලා, අන්ත අසරණ වෙන්නෙ!

බලය කියන්නේ…
තියෙනකොට ඇතිවෙන්නම තියෙනවා,
නැතිවෙනකොට නැත්තටම නැතිවෙලා යනවා.
කාලය බොහොම ඉක්මණට වෙනස් වෙනවා, මහත්තයෝ.
මට ජීවිතය දීපු දිවියාම,
දැන් මගේ මාරයා වෙලා තියෙනවා.

ගයිතොන්ඩෙගේ කල්ලියේ ඉඳපු විශ්වාසවන්තම මිනිහා වෙච්ච බන්ටිව අල්ලගන්න පොලිස් නිලධාරී සර්ටාජ් එක්ක රෝ නිලධාරීවරිය ගහපු ගැටයෙන් බන්ටි ලේසියෙන්ම පැනගන්නවා. නිකන් නෙමෙයි, පොලිස් නිලධාරී සර්ටාජ් සිංටත් නොසෑහෙන්න ගුටි බැට සංග්‍රහයක් දීලා. ඒත් එක්කම, බන්ටිව අල්ලගන්න ඇම විදියට දාපු කෙල්ලවත් කුදලගෙන තමයි බන්ටි පැනලා යන්නේ. කොහෙද මේ බන්ටි හනි හනිකට පැනලා යන්නේ? මොකකින්ද පැනලා යන්නේ? හැබැයි, එහෙම ලේසියට බන්ටිට පැනලා යන්න විදියකුත් නැහැ. ඔය අස්සේ තමයි රෝ නිලධාරීවරිය මාතුර් එක්ක බන්ටි රහස් ගණුදෙනුවකට එන්නේ. විස්තර ලබාදෙන පොරොන්දුව පිට බන්ටිව ආරක්ෂිතව ඉන්දියාවෙන් පිටකරන්න රෝ නිලධාරීවරිය පොරොන්දු වෙනවා.

මේ ගිවිසුම් ගැන කිසිදෙයක් නොදන්න සර්ටාජ් සිංට අන්තිමේදී කොහොමහරි වැඩේ පත්තු වෙනවා. එක පැත්තකින් බන්ටිව රටින් පිටකරලා, විස්තර ටික අරගන්න බලාගෙන ඉන්න රෝ නිලධාරීවරිය… අනිත් පැත්තෙන්, බන්ටිට රටින් පනින්න නොදී, අල්ලගෙන විස්තර ටික අරගන්න බලාගෙන ඉන්න පොලිස් නිලධාරී සර්ටාජ් සිං… පේන විදියට නම්, මුම්බායි නගරය බේරගන්න එකට අත්වැල් බැඳගත්ත මේ දෙන්නා, මේ හේතුව නිසා විරුද්ධවාදියෝ වේවිද මන්දා? රෝ නිලධාරී මාතුර්ට එදිරිව පොලිස් නිලධාරී සර්ටාජ්! මේ ගැටුම කොතනින්, කොහොම නවතීවිද?

අද කොටසත් එක්ක කොටස් පහක් ඉවරයි, තව කොටස් තුනයි ඉතුරු වෙලා තියෙන්නේ. ඔන්න දැන් නම් කතාව මුලින් තිබුණටත් වඩා බොහොම උණුසුම් වීගෙන එනවා. කොච්චර උණුසුම් වෙනවද කියනවා නම්, අද කතාවත් සමගින් කීපදෙනෙක්ගෙම ජීවිත පවා නැතිවෙන තත්වයට පත්වෙනවා. අද කතාවේ අවසානයට කතාවේ ප්‍රධානම චරිත දෙකක් කිසිවක් කරකියාගත නොහැකි අන්දමට අන්ත අසරණ වෙනවා. හැබැයි, සුපුරුදු පරිදි, මේ වෙන්නේ මොකක්ද කියලා නම් තවම කිසිඳු ආකාරයක ඉඟියක් නැහැ. ඒ වගේම, මුම්බායි නගරයේ මේ විනාශයට සම්බන්ධ වෙන්නේ කවුද කියලවත් කිසිම ආකාරයක ඉඟියක් නැහැ.

සායිෆ් අලී ඛාන්, නවුසුද්ඩීන් සිද්දික්, රාධිකා ආප්තේ ප්‍රධාන රංගන දායකත්වය ලබාදෙන, විසිදහස ඉක්මවූ මනාප ප්‍රමාණයකින් Imdb දර්ශකයේ 9.3ක් වැනි ඉහළම අගයක් කරා ගමන් කරමින්, Top Rated TV ලැයිස්තුවේ 25 වන ස්ථානය තවමත් සිය නමට වෙන්කරගෙන සිටින්නාවූ, ඉන්දියානු ඉතිහාසයේ නිෂ්පාදනය කරන ලද අංක එකේ කතා මළාව! සිනමා ක්ෂේත්‍රයේ දැවැන්තයා, Netflix හි අතිශය ප්‍රථම, පෙරළිකාර ඉන්දියානු කතා මාළාව! පළමු නිමේෂයේ පටන්, අවසාන නිමේෂය දක්වා මොහොතින් මොහොත ඔබව කුතුහලයෙන් පුරවාලමින්, ඔබගේ ඉවසීම බිංදුව දක්වා රැගෙන යන, වසරේ පෙරලිකරම කතා මාළාව! රැඳී සිටින්න අපත් සමගම, මුම්බායි නගරය සහමුලින්ම විනාශ වී යෑමට, තව කොටස් තුනයි!

 

 

 

 

Due to copyright issues, we do not provide any torrent links.

ලබා දී ඇති උපසිරසිය WEB-DL පිටපත් සඳහා අදාළ වේ.

12,921 downloadsDownload Sacred-Games-S01E05.zip21 KB

 

මේ ලබා දී ඇති සිංහල උපසිරැසි පිළිබද “ සිසිල ප්‍රසාද් ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2015-01-24
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.