Scooby-Doo and Guess Who? [S01 : E07] Sinhala Subtitles | ඇස්බැන්දුම…. [සිංහල උපසිරැසි සමග]

පිලිගන්නවා හැම දෙනාවම Scooby-Doo and Guess Who කතාමාලාවේ හත්වැනි දිගහැරුමට. මම හිතන්නෙ මේ කතාවෙ මාතෘකාවත් එක්ක බලනකොට ඔයාලට හිතාගන්න පුලුවන් ඇති අද කතාව කොහොමද යන්නෙ කියලා. ඔව් ඔයාලා හිතන විදිහටම තමා.අද කතාව තනිකරම දුවන්නෙ මැජික් වලින්. මොකද අද කතාවෙ ආගන්තුක චරිතය වෙන්නෙ සුප්‍රසිද්ධ මැජික් ශිල්පියෝ දෙනනෙක්. මම චරිතය කියලා කලින් සඳහන් කලාට ඇත්තටම අද ආගන්තුක චරිත දෙකක් ඉන්නවා. ඒ තමයි පෙන් සහ ටෙලර් කියන මැජික් ශිල්පියො දෙන්නා. මේ දෙන්න ගැන පොඩ්ඩක් සඳහන් කලොත් මෙයාලා ඇමරිකානු ජාතික මැජික් ශිල්පියෝ දෙන්නෙක්. මෙයාලා ඉන්නෙ ඇමරිකාවෙ ලාස් වේගාස් වල. මෙයාල දෙන්නා අඹ යාලුවො දෙන්නෙක් තමා. බාහිර පෙනුම ගත්තොත් හැබැයි හතරරියන්නුයි දෙරියන්නුයි වගේ. එක්කෙනෙක් හරිම උසයි. අනිත් එක්කෙනා ටිකක් මිටී. උස එක්කෙනාගෙ නම පෙන් ජිලට්.අනිත් කෙනා ටෙලර්. මේ දෙන්නම දක්ෂ මැජික් ශිල්පියො. මේ දෙන්නා එකට සංදර්ශන පවත්වන්නෙ 1970 විතර ඉඳලා.

හරි දැන් ඔයාලා පෙන් සහ ටෙලර් ගැන දැනුවත් උනානෙ. දැන් අපි කතාවට බහිමු.අද කතාව සම්පූර්ණයෙන්නම් වගේ වෙනස් මුහුනුවරක් තමා ගන්නෙ. අද කතාව යන්නෙ හොල්මන් පිරුණු හෝටලයක. ඒ හෝටලය තියෙන්නෙ ලාස් වේගාස් වල. ස්කූබි-ඩූ සහ යාලුවො කට්ටිය එහෙට යන්නෙ කෙනෙක්ගෙ අභියෝගයක් බාරගෙන. එයා මෙයාලට කියලා තියෙනවා මේ හෝටලයේ එක රැයක් ගතකලොත් ඩොලර් මිලියනයක් දෙනවා කියලා. ඉතිං ඒ නිසා තමා මෙයාලා මේ හෝටලයට යන්නෙ. මට කලින් කියන්න අමතක උනා .මේ හෝටලය අතෑරලා දාපු එකක්. කොහොමහරි මේකෙ හොල්මන් කරනවාය කියන්නෙත් වසර ගනනාවකට පෙර හිටපු මැජික් ශිල්පියෙක්. ඉතින් මේ හෝටලය අබියසදි තමයි පෙන් සහ ටෙලර්ව ස්කූබි සහ යාලුවන්ට හමුවෙන්නෙ. කොහොමහරි මෙයාලා ඇවිත් තියෙන්නෙත් අර අභියෝගය භාරගෙනම තමා. මෙයාල කිව්වෙ පෙන් සහ ටෙලර් දෙන්නා. මැජික් ශිල්පියෙක් කොටු කරන එක ලේසි පහසු වැඩක් නෙමෙයිනෙ. ඉතින් ඔයාලා මොකද හිතන්නෙ. ෆ්‍රෙඩ්ගෙ උගුලකට මැජික් ශිල්පියාගෙ හොල්මන අල්ලගන්න පුලුවන් වෙයිද? මෙයාලට අර ඩොලර් මිලියනය ලැබෙයිද?…… ..

ඔයාලට ඒ කුතුහලය ඉතුරු කරලා මම නවතින්නම්. ඊලඟ කොටසින් නැවත හමුවෙමු. තෙරුවන් සරණයි!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

1,971 downloadsDownload Scooby.Doo_.and_.Guess_.Who_.S01E07.zip57 KB

මේ ලබා දී ඇති සිංහල උපසිරැසි පිළිබද “ විහඟ පියුමාල්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
BRONZE MEMBER
JOINING DATE – 2018-03-24
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.