Sense8 (2017) [S02 : E02] with Sinhala Subtitles | අන්‍යෝන්‍යත්වය. [සිංහල උපසිරසි සමඟ]

ඔන්න එහෙනං අදත් මේ සූදානම් වෙන්නේ කතාවේ අනිත් කොටස දෙන්න. ගිය පාරට වඩා නම් ඩවුන්ලෝඩ් කරන ප්‍රමාණයයි කමෙන්ට් කරන ප්‍රමාණයයි ගොඩක්ම අඩුවෙලා තියෙන බවක් පේන්න තියෙන්නේ. මං හිතන්නේ පලවෙනි සීසන් එකේ ගොඩක් දුරට ඇක්ශන් අඩු නිසා ඒකෙන්ම කතාව බලන අය ගොඩක් අඩු වෙන්න ඇති. ඒත් මම කියනවට බලලා මෙදා පාර සීසන් එක ගැන තීරණය කරන්නකෝ. මේ සීසන් එක නම් මල් හතයි. 😉

පසුගිය කතාවේදී ඩොක්ටර් විල්ව හොයාගෙන ඇවිල්ලා වද දෙනවා එයාලා ඉන්න තැන හෝඩුවාවක් දැනගන්න. ඒ වගේම තමයි විල් එක්ක ඩොක්ටර් අඳුරු කාමරේක ඉඳන් කතා කලා වුනත්, එයාගේ පරීක්ශක හැකියාවන් පාවිච්චි කරලා එයා ඉන්න තැන ගැන අනුමාන කරනවා. ඒත් ඒ විදියට හිතන්න පොලඹවන විදියට ඩොක්ටර් කාමරේ හදලා තියෙන වගක් තමයි ඇඟෙව්වේ. කොහොම වුනත් ඩොක්ටර් දන්නවා විල් රයිලි එක්කලා බෝට්ටුවක නැගලා දූපතකට ගියපු වගක්. ඩොක්ටර් නම් තාමත් හිතාගෙන ඉන්නේ එයාලා ඉන්නේ අයිස්ලන්තේ කියලා. ඒකට හේතුව මුහුදු ලිහිණියොන්ගේ සද්දෙයි, මුහුදේ සද්දෙයි වටපිටාවෙන් ඇහුණු නිසා. ඒ වගේම තමයි කෑම බීම සහ බෙහෙත් වල අයිස්ලන්තයට ආවේණික සලකුණු දකින්න ලැබුණු එක. විල් ඒ වෙලාවේ බයවෙලා වගේ රඟපෑවත්, අන්තිමේදී අපිට දැකගන්න ලැබුනේ නම් ඒ දෙන්නත් ඩොක්ටර්ව හොඳටම ගොනාට ඇන්දුවා කියලා. ඒකට හේතුව වුනේ වටපිටාවේ ශබ්ධ වල ඉඳන් එයාලා කන බොන දේවල් පවා ඇමැස්ටර්ඩෑම් වල කාමරේක ඉඳන් රයිලිගේ තාත්තාගේ මාර්ගයෙන් ගෙන්න ගත්තු එකෙන්.

ඒ අතරේ අනිත් අයට එයාලගේම ප්‍රශ්ණ වලට මුහුණ දෙන්න සිදු වුනත් සමස්ථ ගැටලුව වුනු ඩොක්ටර් සහ BPO ගැන වැඩිතුර තොරතුරු දැනගන්න නෝමි බග් වගේම එයාගේ පෙම්වතිය එක්ක එකතු වෙලා ඒ ගැන වැඩිදුර තොරතුරු හොයලා බලනවා. ඒ තොරතුරු හොයාගෙන යන අතරේ නෝමි විල්ට පුංචි කාලේ පේන්න ගත්තු එයාගේ යාලුවෙක් වෙන සේරා ගැන කතා කරන්න පෙම්වතිය එක්ක චිකාගෝ වලට යනවා. එතනදී සේරාගේ අම්මා එක්ක එයාලට කතා කරන්න ලැබෙනවා වගේම තමයි සේරා ගැන කතා කරන්න ආපු ඩොක්ටර්, මලීකි, අන්ජෙලිකා වගේ තවත් අය ගැනත් තොරතුරු දැනගන්න ලැබෙනවා.

මේ විදියට BPO ගැන තොරතුරු දැනගන්න එයාලා වලි කන අතරේ ඩොක්ටර් බ්ලොකර් කරලක් ගහපු නැති වෙලාවක් බලලා එයා ඉන්න තැනක් ගැන හෝඩුවාවන් දැනගන්න විල් මුලු රැයක් තිස්සේම ඇහැරලා ඉඳලා එයා ඉන්න තැන හොයාගන්නවා. විල් අනුමාන කරපු විදියටම ලන්ඩන් වල තමා ඩොක්ටර් ඉඳලා තියෙන්නේ. ඩොක්ටර් (මිල්ටන්) BPO ලොක්කෙක්ව හමුවෙලා කතා බහ කරන අතරවාරයක තමයි මේ විදියට ඩොක්ටර් ඉන්න තැන හොයාගන්න පුළුවන් කම ලැබුනේ. කොහොම හරි නෝමි බග් එක්ක පුළුවන් හැම තැනක්ම හැක් කරලා ඒ ලොක්කගේ හැම දෙයක් ගැනම හාරා අවුස්සලා බලලා එයාගේ නම දැනගන්නවා. නම තමයි කෘම්…

අවසානයේදී ඩොක්ටර්ට හොඳම විදියේ තර්ජනයක් එක්ක තමයි කතාව අවසන් කරන්න යෙදුනේ. “තමුසේ නෙමෙයි අපිව දඩයම් කරන්නේ, අපියි තමුසේ පස්සෙන් එන්නේ” කියලා.

සුපුරුදු විදියට එහෙනං ඔන්න අදට මම පසුගිය කතාව ගැන පොඩ්ඩක් කතා කරලා, අදට තියෙන කොටස ඔයාලට බලන්න ඉතුරු කරනවා. ඊලඟ උපසිරැසියත් අරගෙන ඉක්මනින්ම හමුවෙන බලාපොරොත්තුවෙන්, මම අදට සමුගන්නම්.

 

☀ ආයු – බෝ – වේවා !!! ☀

 

 

Due to copyright issues we do not provide any torrent links

Sense8.S02E02.WEBRip.x264-SKGTV

Sense8.S02E02.WEBRip.x264-FS

මෙම ලබා දී ඇති උපසිරැසි WEB-DL පිටපත් සඳහා පමණක් අදාල වේ

 

289 downloadsDownload Sense8.2016.S02E02.baiscopelk-1.zip94 KB

 

https://d36zzuvfojr38z.cloudfront.net/wp_content/uploads/2016/02/PCR.png මේ ලබා දී ඇති සිංහල උපසිරැසි පිළිබද “ප්‍රණිත් රණසිංහ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.