Sex Education [S03 : E01] Sinhala Subtitles | ලිංගිකත්වය ඔයාලගේ ජිවිත විනාශ කරාවි [සිංහල උපසිරැසි] [18+]

ඔන්න එහෙනම් මේ අරගෙන හැමෝම වගේ මගබලාගෙන හිටිය කතාමාලාවක්. ඇත්තටම මුලින්ම මේක දෙද්දී මන් හිතුවේ නෑ පසුකාලීනව මෙච්චර ඉල්ලුමක් එයි කියල. ඉතින් කොහොමහරි හිතුවේ නැති විදිහට ජනප්‍රිය උන නිසාම මමත් ඇඟිලි ගැන ගැන හිටියේ රිලීස් වෙන දවස වෙනකන්. ලංකාවේ ප්‍රේක්ෂකයෝ සෑහෙන දෙනෙක් ට්‍රේලර් එක බලන්න ඇති කියල හිතනවා. හැමෝම දන්නවනේ මේක බ්‍රිතාන්‍ය කතාමාලාවක් කියල. IMDb හි 8.3 ක අගයක් ලබාගෙන තියෙනවා මම මේ ලිපිය ලියන අවස්තාව වෙද්දී. තුන්වෙනි සීසන් එක ඉවර වෙද්දීනම් කොහොම වෙනස් වෙයිද කියල කියන්න බෑ. ඒවගේම රුපවාහිනි සම්මාන 35කට නිර්දේශ වෙලා 11ක් ජයග්‍රහණය කරලා තියෙනවා.

තිබුණු ඉල්ලුම නිසාම අපි හය දෙනෙක් එකතුවෙලා තමයි මේ වතාවේ කතාමාලාව සම්පූර්ණ කරන්න සැලසුම් කරගෙන ඉන්නේ. මාත් එක්ක වැඩේට එකතුවෙන්නේ ගිය වතාවෙත් උදව්වට ආපු මගේ මිත්‍ර රවිඳු රුක්ෂාන්, හිරාන් එරන්ද, පසිඳු මදුමාල්, මලිත් වීරමුනි මෙන්ම මේ වතාවේ අපිට එකතුවෙන සචින්ත බෙනට් සහ ලහිරු මදුශානුයි. එයාලටත් මගේ විශේෂ ස්තුතිය පුදකරන ගමන් එහෙනම් මන් කතාමාලාව දෙසට යන්නම්.

හදිසි කෙනෙක් ඉන්නවනම් හරි කතාවේ මෙතෙක් සිදුවුණ දේවල් මතකයේ තියෙනවනම් කෙලින්ම උපසිරැසිය ලබාගන්න යන්න පුළුවන්. නැවත අතීත ආවර්ජනයක් අවශ්‍ය කෙනෙක් ඉන්නවනම් ලිපිය පොඩ්ඩක් කියවලා මතකය අලුත්කරගෙනම යන්න කියලා ඉල්ලනවා. එතකොට කෝකටත් හොඳයිනේ.

ඕටිස් ගේ අම්මා ජීන් ඉස්කෝලෙට ඇවිත් කරපු දේශනය නිසා හැමෝම ටිකක් කලබල උනානේ, ඒවගේම අලුත් අදහස් ගැන කුතුහලයක් ඇතිවුනා. ඊටපස්සේ පාසලේ තියෙන ලිංගික උපදේශන වැඩමුළුවට සහභාගී උන ඇඩම්ගේ අම්මා තමන්ගේ මනුස්සය ගැන කලකිරිලා, කසාද ජිවිතේ නීරස වෙලා දික්කසාද වෙන්න ඕනේ කියනවා. මේ හැමදේමත් එක්ක ජීන් ගැන තිබුණු අප්‍රසාදය ඉවසගන්න බැරුව විදුහල්පති ග්‍රොෆ් මහතා ප්‍රධාන උත්සවයක් වෙලාවේ ජීන් ට බැනවදිනවා. ඒක අවසන් වෙන්නේ ග්‍රොෆ්ට තාවකාලික නිවාඩුවක් ලබාදීමෙන්. ඒවගේම ඕලාහේ තාත්තත් එක්ක තිබුණු සම්බන්ධය නිසා ජීන් දැනගන්නවා එයා ගැබ්ගෙන කියලා.

හමුදා පුහුණුවකට යැව්ව ඇඩම් ආපහු ආවට පස්සේ එයා දකිනවා එරික් රහීම් එක්ක සම්බන්ධයක් ඇතිකරගෙන ඉන්න බව. නමුත් අවසානෙදි උත්සවය දවසේ ඇඩම් මුළු පාසලම ඉදිරියේ එරික්ට තමන්ගේ හිතේ තියෙන ආදරේ ප්‍රකාශ කරනවා. ඔය අතරේ අපි හැමෝම බලාගෙන හිටියේ ඕටිස් සහ මේව් අතර ආදර සම්බන්ධය ආරම්භ වෙයි කියල. නමුත් මේව් කියනවා එයාට කිසිම තරහක් නෑ, තියෙන්නේ කලකිරීමක් විතරයි කියල. කොහොම උනත් තමන්ගේ පෙර වැරදි වලට සමාව ඉල්ලලා සහ ආදරය ප්‍රකාශ කරලා ඕටිස් වොයිස්මේල් එකක් යවනවා මේව්ගේ ෆෝන් එකට. නමුත් අපි හැමෝගෙම බලාපොරොත්තු බිඳදමමින් රෝද පුටුවේ ඉන්න අයිසැක් ඒ මැසේජ් එක මකලා දානවා. බොහොම කෙටියෙන් කියනවනම් ඔය ටික තමයි කතාවේ මෙතෙක් දුරට සිදුවුනේ. එහෙනම් ඉක්මනට අලුත් සීසන් එකේ ආරම්භය ගැන පොඩි හැඳින්වීමක් දීලම ලිපිය ඉවරයක් කරන්නම්.

විදුහල්පති ග්‍රොෆ් ගියාට පස්සේ අලුතෙන් පත්වෙලා ඇවිත් තියෙන්නේ විදුහල්පතිනියක්. එයා මේ වතාවේ ඇවිත් තියෙන්නේ හැමෝවම බ්‍රේන් වොෂ් කරලා ගන්න අදහසින් වගේ. හතරවටේට ලිංගිකව එකතුවෙන පාසල් දරුවන් නිසා මේ ඉස්කෝලේ දැන් අමුතුම තැනක් වීගෙනයි එන්නේ. ඒනිසා හැමෝටම නිල ඇඳුමක් ලබාදීලා, මේ මොර්ඩේල් පාසල ආයෙත් සුපුරුදු රිද්මයට ගන්නයි ඇයට අවශ්‍ය වෙලා තියෙන්නේ. ඒවගේම අර අයිසැක් මේව්ගෙන් වෙන්කරන එක අමාරු වේගෙනයි එන්නේ. මොකද තවමත් ඕටිස් ගැන මේව්ගේ හිතේ තියෙන්නේ අප්‍රසාදයක්. ඉතින් අපි බලමු අවුරුද්දක් ඉවසගෙන ඉඳලා අපි බලාපොරොත්තු උන අවසානයක් කරා කතාමාලාව ගලාගෙන යයිද කියල.

ඒවගේම ඉක්මනින් කරපු නිසා පොඩි පොඩි වැරදීම්, අකුරු එහෙමෙහෙ වීම් තියෙන්න පුළුවන්. මම පුළුවන් තරම් බලල තමයි මේ එව්වේ. එහෙම තියෙනවනම් කරුණාකරලා පහලින් කමෙන්ට් කරන්න කියල ඉල්ලනවා. එහෙම උනොත් ආයේ වැරදි නිවැරදි කරලා අප්ලෝඩ් කරන්න පුළුවන්.

එහෙනම් ලිපියත් ටිකක් දිගු උන නිසා මං මෙතනින් නවතිනවා, අපේ සහෝදරවරු ඉදිරි කොටස් ටික ඉක්මනට අරගෙන එයි. ඔයාලගේ අදහසුත් ලබාදීලා අපිව තවත් දිරිමත් කරන්න කියල ඉල්ලන ගමන් මන් සමුගන්නවා.

බයිස්කෝප් අඩවියට ජය!

“අප, පෙරට වඩා පරිණත වෙමු,
පෙරට වඩා ශක්තිමත් වෙමු,
පෙර සිටියාටත් වඩා හදවතින් එක්වෙමු! “

 

 

 

 

 

Due to copyright issues, we do not provide any torrent link.

මෙම ලබා දී ඇති උපසිරසිය WEB පිටපත් සඳහා අදාළ වේ.

39,104 downloadsDownload Sex-Education-S03-E01.zip30 KB

මේ ලබා දී ඇති සිංහල උපසිරැසි පිළිබද “රඛිත රණතුංග” සොහොයුරාට සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2013-05-21
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.