Squid Game [S03 : E03] Sinhala Subtitles | මාරක පාලමක් මත කඹ පැනීම [සිංහල උපසිරැසි] [18+]

පෙර කොටසින්…

දෙවන කොටස පටන් ගත්තේ තරඟකරු අංක 246 ඇහැරෙන තැනින්. නො-එල් අවයව ගලවන හාදයව මරලා තරඟකරු අංක 246ව ආරක්ෂකයෙක් විදිහට හොරෙන් පන්වන්න තීරණය කරනවා.

ගේම් එකේදී රතු කණ්ඩායම ක්‍රීඩාංගනයට ඇතුල් වෙනවා. හැමෝටම විනාඩි 30ක් දීලා තියෙනවා නිල් කණ්ඩායමේ කෙනෙක්වත් මරන්න.

ගී-හුන් ඩේ-හෝ පස්සෙන් යනවා. හැබැයි ඩේ-හෝ හැමපාරම බේරෙනවා. මන්තර හූනියම්කාර ෂාමන් එයාගේ ගෝලයෝ එක්ක යන්නේ “නොපෙනෙන ආත්මයන්” කියන පාරෙන්. ඇත්තටම ගැනි මෙතන කරේ සද්ද ඇහෙන දිහාවට කන් දීලා එහාට නොගිහින් ඉන්න එකයි. තරඟකරු අංක 100ට තේරෙනවා තමන්ගේ යතුර හැම දොරකටම ගැළපෙන්නේ නෑ කියලා. ඒ නිසා මිනිහා වෙනම යතුරක් තියෙන නිල් කණ්ඩායමේ කෙනෙක් එක්ක එකතු වෙනවා.

හියුන්-ජුත් තේරුම් ගන්නවා යතුරු තුනයි, අගුලු තුනයි තියෙන්නේ කියලා. වාසනාවකට ගෑනු තුන්දෙනා ගාවම එක එක යතුරු තියෙනවා. ගුම්-ජා සහ ජුන්-හී කාලේ ඉතුරු කරගන්න හියුන්-ජුට එයාලගේ යතුරුත් දෙනවා.

මයුන්-ගි සහ නම්-ගයු (124 තරඟකරු) එකවර දෙන්නෙක්ව මරනවා, එතකොට එකිනෙකාව පාවා දීමක් වෙන්නේ නෑනේ. නමුත් නම්-ගයුගෙන් තානෝස්ගේ පෙති පෙට්ටිය වැටෙනවා. මින්-සු ඒකෙන් පෙත්තක් ගන්නවා. මිනිහට දිගටම ඇහෙන්න ගන්නවා තමන් බයගුල්ලෙක් කියලා. ඒ නිසා මිනිහා පෙත්තක් අරන් බොනවා.

226 ගෑනු තුන්දෙනා හම්බවෙලා හියුන්-ජුගෙන් ඉල්ලනවා ජුන්-හී හෝ ගුම්-ජාව මරන්න ඉඩ දෙන්න කියලා. හියුන්-ජු ඒකට කැමති වෙයි වගේ පෙන්නලා 226ව මරනවා. 100 තරඟකරුවා තමන්ගේ යාළුවා පාවාදීලා රතු කණ්ඩායමේ කෙනෙක්ගෙන් බේරෙනවා. පස්සේ ඒ යාළුවගේ යතුරත් හොරෙන් ගන්නවා.

මයුන්-ගි ජයග්‍රහණය කළා කියලා නිවේදනය කරපු ගමන් ජුන්-හී හිතනවා මිනිහා ඇවිත් ගෑනු තුන්දෙනාව ආරක්ෂා කරයි කියලා. හැබැයි නම්-ගයු මයුන්-ගිව පොළඹවනවා නිල් කණ්ඩායමේ හැමෝවම මරන්න. එතකොට රතු කණ්ඩායමේ අසමත් වෙන අයත් මැරෙනවා. ඒ වගේම තෑගි මුදලත් වැඩි වෙනවා එයාලටයි ජුන්-හීටයි.

ගී-හුන් ඩේ-හෝ නොවන අනිත් නිල් කණ්ඩායම් සාමාජිකයන්ව මඟහරිනවා. අහම්බෙන් වගේ රතු කණ්ඩායමේ කෙනෙක් ඩේ-හෝට පහර දෙනවා. හැබැයි ඒ තරඟකරු අනතුරකින් මැරෙනවා. ඩේ-හෝ තමන්ගේ පිහිය අරන් හැංගෙනවා.

මේ අතරේ ගෑනු තුන්දෙනා කාමරයක හැංගෙනවා ජුන්-හීගේ වළලුකර කැඩිලා නිසා. තත්වය තවත් නරක වෙනවා කෙල්ලට ළමයා ලැබෙන්න පටන් ගන්න නිසා.

යොන්-සික් තුවාල වෙච්ච නිල් කණ්ඩායමේ තරඟකරුවෙක්ව හිර කරනවා. මේ තමයි වටකරකැවුම සෙල්ලමේදී යොන්-සික්ව තමන්ගේ අම්මගෙන් ඇදගෙන ගිය කෙනා. නිල් කණ්ඩායමේ තරඟකරු පහර දෙන්න හදනවා. හැබැයි වෙන රතු කණ්ඩායමේ කෙනෙක් මිනිහා මරනවා යොන්-සික් බලන් ඉද්දී.

හූනියම්කාරී, ෂාමන් තමන්ගේ ගෝලයන් වන මයුන්-ගි සහ නම්-ගයුව උගුලකට අහුකරනවා. ගැනි පැනලා යද්දී ගී-හුන් හම්බවෙනවා. මේ ෂාමන් ගැනිත් ගී-හුන්ගේ මරණ ලැයිස්තුවේ ඉන්නවා. මිනිහගෙන් පණ බේරගන්න ෂාමන් කියනවා තුවාල වෙච්ච ඩේ-හෝ ලේ හලාගෙන අහවල් පැත්තකට ගියා කියලා. ගී-හුන් ඒ ලේ පාර දිගේ යනවා. පස්සේ ෂාමන් පිටවීමේ දොර හොයාගන්නවා. හැබැයි ඒක අරින්න යතුරු තුනම ඕන.

යොන්-සික් තුවාල වෙච්ච නිල් කණ්ඩායමේ ගෑනු ළමයෙක් දැක්කත් මරන්න බැරි වෙනවා. තරඟකරු අංක 100 මැරිලා වගේ රඟපානවා. නම්-ගයු මිනිහව මරන්න එනවා. හැබැයි මයුන්-ගි කතා කරන නිසා යනවා. ෂාමන් තරඟකරු අංක 100ව හොයාගන්නවා. මිනිහා ගාව ඉතුරු යතුරු තියෙන නිසා මිනිහව පිටවීමේ දොර ගාවට එක්කන් යනවා.

ගුම්-ජා සහ හයුන්-ජු ජුන්-හීට දරුවා කුසෙන් එළියට ගන්න උදව් කරනවා. මෙතනදි රතු කණ්ඩායමේ කෙනෙක් පහර දෙනවා. හයුන්-ජු ප්‍රතිපහාර එල්ල කරනවා. පොර බදද්දී ගැනි තරඟකරුව මරනවා. එතකොට තමයි එයාට තේරෙන්නේ තමන් පිටවීමේ දොරක් ගාව ඉන්නේ කියලා. එයා ගාව යතුරු තුනම තියෙන නිසා දොර අරිනවා. එයාට ජුන්-හී සහ ගුම්-ජා මතක් වෙනවා. ආපහු ගිහින් බලද්දී මයුන්-ගි එකපාරටම පිටිපස්සෙන් ඇවිල්ලා ගැනිට පිහියෙන් ඇනලා මරලා දානවා. මිනිහා ජුන්-හී සහ දරුවා දකිනවා. එයාලට එතන හැංගෙන්න දීලා නම්-ගයුව වෙන පැත්තකට එක්කන් යනවා.

 

තරඟකරු අංක 100 ෂාමන්ව රවට්ටලා ගැනිව එළියට ඇදලා අරන් දොර වහනවා. එතකොට සේ-මි හොයන් යන, පෙති ගහපු මින්-සු ගැනිව අල්ලගන්නවා. ගැනි මෙතනදි හොල්මන් බහුභූත වැඩ පාවිච්චි කරන්න හදනවා. හැබැයි ඒකෙන් මින්-සුට තදින්ම නම්-ගයුව මතක් වෙනවා. මිනිහා ෂාමන්ව මරලා දාලා බය වෙනවා සේ-මිව මැරුවා කියලා බොරු මායාවක් ඇතිවෙද්දී.

අන්තිමට ගී-හුන්ට ඩේ-හෝ හම්බවෙනවා. මිනිහා සමාව ඉල්ලලා මිනිහට මේ ටික කියනවා – තමන් කවදාවත් හමුදාවේ හිටියේ නෑ, “මම බොරු කිව්වේ ගී-හුන් සහ ජුන්-බේ එක්ක එකතු වෙන්න” කියලා. උණ්ඩ ගේන්නත් උදව් කරන්න හිතාගෙන හිටියා. හැබැයි කැරැල්ලේදී බය වුණා. ඉතින් මිනිහා තමන්ගේ ජීවිතේ බේරගන්න කන්නලව් කරලා පිහියක් අරන් එකපාරටම ගී-හුන්ට පහර දෙනවා. ගී-හුන් හැමෝම මරලා සල්ලි ටික ගන්න සැලසුම් කළා කියලත් කියනවා. ගී-හුන්ට තවත් ඉවසගන්න බැරි වෙලා ඩේ-හෝගේ බෙල්ල තදින් මිරිකලා මරනවා.

ජුන්-හී සහ ගුම්-ජා පිටවීමේ දොර ගාවට එනවා. දොර අරින ගමන් යොන්-සික් එයාලව හොයාගන්නවා. තව මිනිත්තුවයි තියෙන්නේ කාවහරි මරන්න. නැත්නම් මිනිහා මැරෙනවා. මිනිහා මෙතනදි ජුන්-හීව මරන්න තීරණය කරනවා. ගුම්-ජා වැද වැටිලා ඉල්ලනවා කෙල්ලව මරන්න එපා කියලා. හැබැයි මිනිහා අහන්නේ නෑ. නවත්තගන්නම බැරි තැන ගුම්-ජා එයාගේ කොණ්ඩ කටුවෙන් තමන්ගෙම පුතා යොන්-සික්ට ඇනලා නවත්තනවා. මිනිහා අම්මගෙන් අවසානයේ සමාව ඉල්ලනවා ආරක්ෂකයෝ ඇවිත් මරන්න කලින්.

 

ඉතින් දෙවෙනි කොටස අවසානයේ ගී-හුන් හිතනවා මේ ඔක්කොම තමන්ගේ වරද තමයි කියලා.
මිනිහා දිවි නසාගන්න යද්දිම ආරක්ෂකයෝ ඇවිත් ඒක නවත්තනවා.

මේ කොටස ගැන මට හිතෙන දේ මේකයි,

මුල් ස්ක්විඩ් ගේම් එකේ පරණ ජීවය ආපහු ඇවිල්ලා වගේ මට නම් දැනුනා. මේ සෙල්ලම අපිට මතක් කරනවා පළවෙනි සීසන් එකේ ජිල් බෝල සෙල්ලම, එතනදි අපේ ප්‍රියතම චරිත පාවාදීම් වලට ලක්වෙලා/මැරිලා ගියා. මේක සම්පූර්ණයෙන්ම ක්‍රියාදාම සහ ලේ වැගිරීම් වලින් පිරිලා, මොකද නිල් කණ්ඩායමත් ප්‍රතිප්‍රහාර එල්ල කරනවනේ. අර 001 වයසක මනුස්සයා කිව්ව විදිහට මිනිස්සු ස්වභාවයෙන්ම ආත්මාර්ථකාමී තමා කියන එක මේ සෙල්ලමෙන් පෙන්නුවා, තරඟකරුවෝ තමන්ගේ මිතුරන්වත් පාවාදුන්න නිසා. මම ඇත්තටම කැමතියි හියුන්-ජු ආත්මාර්ථකාමී වුණා නම්, එතකොට අඩුම ගැනිට පිටිපස්සෙන් පිහිපාරක් කන්න වෙන්නෑ. හිත හොඳ උන්ට වරදිනවා පැලෙන්න!

චරිත වල හැඟීම්බර ගතිය ජිල්බෝල සෙල්ලමට වඩා මේ සෙල්ලමේ වැඩි වුණා, මොකද මේ චරිත සම්පූර්ණ සීසන් එකක් පුරාවට වර්ධනය වෙලා අපිට සමීප වුණානේ. ගුම්-ජා සහ ජුන්-හී, යොන්-සික් සහ මයුන්-ගි එක්ක මාරු වුණ එක නරක අදහසක් කියලා මට නම් කලින්ම තේරුනා.

 

හැබැයි අපි හිතනවා ඩේ-හෝව ගොඩදාගන්න තිබුණා නම් හොඳයි කියලා, එතකොට මිනිහගේ මරණය තවත් බලගතු වෙනවා. ඒ වෙනුවට, මිනිහා දෙවැනි සීසන් එකේ තිබ්බ චරිතයෙන් සම්පූර්ණයෙන්ම වෙනස් වෙලා, පෙර කොටසේ තිබ්බ අවේගය හැරෙන්න වෙන කිසිම හැලහොල්මනක් නැතුව දරුණු වෙනවා.

 

  හෙටත් එපිසෝඩ් 2ක් ගේන්න උපරීම උත්සහා ගන්නම්. කොහෙවත් නොයා බයිස්කෝප් එකත් එක්කම ඉන්න. ගුණාත්මක උපසිරැසියක් දෙන්න ටිකක් වෙලාව යනවා. ඒක කරුණාකරලා හැමෝම තේරුම් ගන්න. මටත් පුළුවන් අතින් පල්ලෙන් ගහලා මේවා පැයෙන් 2න් එවන්න 🙂 ඒත් මම කවදාවත් එහෙම කරන්නේ නෑ. එහෙම සබ් වල වෙනස හොඳට අඳුරගන්න පුළුවන්. ඔයාලම බලන්නකෝ. වැඩක් කරනවා නම් ඒක හරියටම කරන්න ඕනේ.

 

 

 

Due to copyright issues, we do not provide any torrent links.

ලබා දී ඇති උපසිරසිය WEB පිටපත සඳහා අදාළ වේ.

7,097 downloadsDownload Squid-Game-S03E03.zip21 KB

 

මේ ලබා දී ඇති සිංහල උපසිරැසි පිළිබද “ UD Shehan ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2016-12-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.