Supergirl [S04 : E18] Sinhala Subtitles | නොකළ වරදකට දඩුවම්!! [සිංහල උපසිරසි සමඟ]

කොහොමද සුපර්ගර්ල් රසික රසිකාවියනි? කට්ටිය ඉතින් හොදටම කේන්තියෙන් ඇත්තේ. මොකද ඉතින් කතාව එකපාරට අතරමග නතර කරලා දැම්මනේ උපසිරසි නොදී. දැන් ඉතින් කට්ටිය ඉංග්‍රීසි සබ් එක්ක බලලත් ඇති. ඉතින් වෙච්ච පමාවට සමාවෙන්න ඕන. කතාවට උපසිරසි කළ උදයංග සහෝ හොදටම කාර්‍යබහුල වීම නිසාත් ඔය අල්ලපනල්ලේම මටත් එක එක වැඩ යෙදිච්ච නිසාත් මේකට උපසිරසි කරන්න වෙන කිසිම කෙනෙක් අකමැති නිසාත් යන විවිධ හේතු කාරණා නිසා පමා උනා. හොදයි එහෙනම් අපි කතාව ගැන කෙටියෙන් බලමු.

කලින් කොටසෙන් කපටි වැඩවලට උපන් හපන් ඒ මහා මොළකරු ලෙක්ස් ලූතර්ගේ සැලැස්මක් අනුව පිටසක්වළ පොදු සමා පනත අහෝසි වෙලා යන වෙලාවක සුපර්ගර්ල්ගේ ඩුප්ලිකේට් එක, එහෙමත් නැත්නම් රතු දියණිය යොදාගෙන ඇමෙරිකාවේ ධවල මන්දිරයට ලෙක්ස් ලූතර් මහා ප්‍රහාරයක් දියත් කෙරෙව්වේ ජාතියේ වීරවරිය වෙච්ච සුපර්ගර්ල්ව ජාතියේ ප්‍රධානම සතුරා බවට ත්‍රස්තවාදියෙක් බවට පත් කරමින් කියන එක ඔබට මතක ඇතිනෙ. ඒ හා සමගම හදිසි නීතිය පනවලා ජනාධිපතිවරයා විසින් සුපර්ගර්ල්ව අල්ලාගැනීමේ මෙහෙයුම් දියත් කළා ඔන්න. ඒවගේම පිටසක්වළ සබදතා පිළිබද දෙපාර්තමේන්තුවේ කැබිනෙට් මට්ටමේ ලේකම් තනතුරක් පවා බෙන් ලොක්වුඩ්ට ලැබිලා. ආයේ කියන්න ඕන නෑ නෙව, තනතුරු මොකුත් නැතුව සුපර්ගර්ල්ට විරුද්ධව වැඩ කළ කෙනා බලය ලැබුනාම මොනා කරාවිද කියලා.

ඉතින් සමස්ත ජාතියම දැන් සුපර්ගර්ල් ගැන බලන්නේ බියෙන්, ඇයව අගය කළවුන් හතුරෙක් ලෙස බලද්දි ඇයට වෛර කළ අය ප්‍රීති වෙනවා. ඉතින් සුපර්ගර්ල් නිවැරදියි කියන එක ඔප්පු කරන්නත් මේ පසුපස ඉන්නෙ ලෙක්ස් කියන එක ලෝකයට හෙළි කරන්නත් හිතාගෙන ලිලියන් ලූතර්ගෙන් ලද තොරතුරක් අනුව ලීනා සහ සුපර්ගර්ල් යනවා ලෙක්ස්ව සිරගත කරලා සිටිය බන්ධනාගාරයා වෙත. ඒ ලෙක්ස් ගැන හෝඩුවාවක් සෙවීමේ අටියෙන්. ඉතින් මේ සෝදිසි වැඩේ අන්තිමේ ඉවරයක් වෙන්නෙ ඕටිස් ග්‍රේව්ස් එතනට කඩාපාත් වෙලා, බන්ධනාගාරයේ මහා විනාශයක් වෙලා ඒ විනාශයටත් සුපර්ගර්ල් වැරදිකාරිය බවට පත්වීමෙන්.

එහෙමනම් කට්ටිය කතාව බාගෙනම බලන්න. ඉතුරු කොටස් ටිකට උපසිරසි උදයංග සහෝගෙන් ලැබෙයි. ඒවගේම ඉතුරු කොටස් පහත් එකදිගටම ඔබට ලැබේවි. නමුත් ඉතින් සුපර්ගර්ල් පස්වැනි කතා සමයට උපසිරසි ලැබෙන එක ගැනනම් විශ්වාසයක් තියාගන්න එපා කියලා කියන්න ඕන.

 

ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහ මෙතනින් එක්වෙන ලෙසින් හැමෝටම ආරාධනා කරනවා.

 

 

 

Due to copyright issues, we do not provide any torrent links.

මෙම ලබා දී ඇති උපසිරැසි HDTV පිටපත් සඳහා අදාළ වේ.

3,245 downloadsDownload Supergirl-S04-E18.zip33 KB

මේ ලබා දී ඇති සිංහල උපසිරැසි පිළිබද “මධුකප්‍රිය පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2015-04-19
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.