Supernatural [S04 : E18] – Sinhala Subtitles | මේ පොත අග ඉන්න යකා! [සිංහල උපසිරැසි සමඟ]

මං හිතන්නේ ඕගොල්ලෝ හැමෝම කතා පොත් කියවන්න කැමති ඇතිනේ. ඉතින් පොත් කියවනකොට සමහර පොත් කොච්චර හොදට ලියලා තියෙනවද කිව්වොත් අපිට හිතෙන්නේ ඒවා ඇත්තම වගේ කියලයි. ඒ වගේම සමහර වෙලාවට ඒ පොත්වල ඉන්න චරිත කොච්චර හොදට නිර්මාණය කරලා තියෙනවද කිව්වොත් අපිට හිතෙනවා ඒ චරිත පණපිටින් හිටියනං කොච්චර හොදද කියලා. ඉතින් අද කතාව මේ වගේ ලස්සන කතා පොතක් ගැනයි. මං නං හිතන්නේ, මේක ඕගොල්ලෝ වැඩි දෙනෙක් අහලා තියෙන කථාවක් වෙන්න ඕනේ. පොත මොකද්ද කියලනං මම කියන්නේ නෑ. ඒක දැනගන්න පුළුවන් කථාව බලලම විතරයි. ඉතින් මේ පොත ගැන ලොකු අවුලක් ඇති වෙනවා. අපේ කොල්ලෝ දෙන්න මේ ගැන හොයන අතරේ ඔයාලට මේ පොත ගැන එක එක අය හිතන දේවලුත් අහන්න ලැබෙයි. මේ පොතේ තියෙන කථාව ඕගොල්ලෝ අහලා තියෙනවනං, මටත් කියන්න ඒ “එක එක අය” කියන කතාවලට ඕගොල්ලෝත් එකගද කියලා, හොදේ?… 😛
සෑම් “වැම්පයර්”කෙනෙක් බව ඩීන් අදවත් දැනගනියිද? 😛

දැනුමට :
ප්‍රොෆට් කෙනෙක් (Prophet) නැත්නම් දිවසිවරයෙක් කියන්නේ දෙවියන් වහන්සෙග් පණිවිඩය හෝ දේශනාව මිනිසුන්ට පැවසීම සදහා පහල වුනාය කියන පුද්ගලයෝයි. (මොවූන් ඒ කාර්ය සදහා දෙවියන් විසින් තෝරාගත් පුද්ගලයන්ලූ). දෙවියන් සහ මිනිසුන් අතර අතරමැදියෙක් ලෙස මොවුන් කටයුතු කරනවා. මේ විශ්වාසය යුදෙව්, ක්‍රිස්තියානි, ඉස්ලාම් වගේ ආගම් හැම එකකම දකින්න පුළුවන්. මේ ආගම්වල තියෙන දිවැසිවරුන් ලැයිස්තුව දීර්ගයි. ඒ අතර තියෙන, ඒබ්‍රහම්, මෝසෙස්, ජේසුස්, මුහම්මද් වගේ නම් ඔයාලත් අහලා ඇති. වැඩි විස්තර කියවන්න මෙතනින්.

අද කතාවේ උපසැරසි තුලවගේම ඉදිරියටත්, “දිවැසිවරයා” සහ “ප්‍රොෆට්” යන වචන දෙකම අවස්ථානුකූලව මාරුවෙන් මාරුවට භාවිතා කරලා තියෙනවා. (දෙකේම තේරුම එකම වුනත්) ඒකෙන් අපහසුවක් නොවෙයි කියලා හිතනවා.

හිතන්න:
අපේ රටේත් තමන් සෝවාන් වෙලාය නිවන් දැකලය කියලා කියාගන්න බොරු මහණු ඕගොල්ලෝ දැකලා ඇතිනේ. පිටරටවලවලත්, තමන් දිවැසිවරයෙක්ය කියලා කියාගන්න හොර තක්කඩි අදත් ඉන්නවා, එදත් හිටියා. මේ විෂයේ තියෙන ස්වභාවය නිසා ඇත්ත කියන්නේ කවුද බොරු කියන්නේ කවුද කියලා හොයා ගන්න බෑ. කොහොම නමුත් ඉතිහාසය පුරාම වගේම ඉතාම මෑත කාලයේත්, මේ අදුනාගනීමට තියෙන අපහසු බව පාවිච්චි කරලා, තමන් දිවසිවරයෙක්ය කියලා මිනිස්සු රවට්ටලා, මහා ජන සංහාරවලට, යුද්ධවලට, සමූහ දිවිනසාගනීමවලට මිනිස්සු යොමුකරපු අය වගේම ළමා අපචාර, ස්ත්‍රී දුෂණ, මත්ද්‍රව්‍ය ජාවාරන් කරපු ඈයොත් ඉන්න බව මතක තියා ගන්න. හැබැයි අද සුප(ර් )නැචුරල් එකේ කියන්නේනං එහෙම කෙනෙක් ගැන නෙමේ

– – –
අද කතාවේ නම “The Monster at the End of This Book” යන්න අරන් තියෙන්නේ The Monster at the End of This Book: Starring Lovable, Furry Old Grover කියන ළමා පින්තූර පොතේ නම අසුරෙනුයි.

අධ්‍යක්ෂණය කලේ : මයික් රෝහ්ල් (Mike Rohl)
කථාව : ජූලී සීජ් (Julie Siege) සහ නැන්සී වයිනර් (Nancy Weiner)
රුපවාහිනී තිර රචනය : ජූලී සීජ් (Julie Siege)
විකාශය වුනේ : 2009 අප්‍රේල් 02 වෙනිදා

ඊලග කථාව ගෙනෙනකන් බලා ඉන්න අතරේ, ඒ කතාව් ප්‍රවර්ධන වීඩියෝව බලන්න පුළුවන් මෙතනින්.

 

 

 

Due to copyright issues, we do not provide any torrent links.

4,356 downloadsDownload Supernatural.S04-E18.zip105 KB

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “MDG” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

<< Previous Episode                       All Episodes                         Next Episode >>