The Chilling Adventures of Sabrina [S01 : E09] Sinhala Subtitles | මරණයෙන් නැගිටවූවන්ගේ ශාපය..! [සිංහල උපසිරැසි සමඟ]

ආයුබෝවන් යාළුවනේ..!

ඉතිං ඔන්න රවිඳු මලය පිරිසක් එකතුකරගෙන පටන් ගත්ත වැඩේ එක්ක එකතු වෙලා මම මේ අරගෙන එන්නෙ, සබ්‍රිනා මායාකාරියගේ කතාවේ අවසාන කතාංගයට පෙර කතාංගය ඒ කියන්නෙ නමවැනි කතාංගය. දැන් හැමෝම දන්නවනෙ සබ්‍රිනාට කරන්න පුළුවන් දේවල් සහ ඇගේ පස්සෙන් ලොකු නපුරු බලවේගයක් එනව කියන එක. කොහොමහරි දැන් තත්වය සෑහෙන අනතුරුදායක මට්ටමක තමයි තියෙන්නෙ. ඒ වගේම මායාකර්මයක් වරදින හැම වෙලාවකම ඒකට ගෙවන්න වෙන වන්දිය සෑහෙන ලොකු එකක් කියන එකත් වැටහෙනවනෙ. ඉතිං කලින් කතාංගයන් වලදි ඒ වගේ දෙයක් වුණා. ඒකෙන් මහ විශාල අනතුරකුත් වුණානෙ. පොඩ්ඩක් මතක් කරගමුකො එහෙනම් ඒ මොකද්ද කියල.

පසුගිය කොටසින්..

ඉතිං ඔන්න පහුගිය කොටස බැලුවනම් කට්ටිය දන්නවනෙ කින්කල් පවුලට අයිති පතලය කඩාගෙන වැඩිල මහ විශාල අනතුරක් වුණා. ඒක වෙන්නෙ ඇත්තටම අර පෲඩන්ස්ගෙ සහෝදරියන් දෙන්න කරන විකාර වැඩක් නිසා. බ්‍රිනාට මේක ආරංචි වුණු ගමන් අනතුර වුණු තැනට දුවගෙන ගිහින් හාර්විව හෙව්ව. හාර්විට නම් ලොකු අනතුරක් වෙලා තිබුණෙ නෑ. හැබැයි සුසී පතලෙ ඇතුළට රිංගල පොඩි පට්ටම් වෙලා තිබුණු ලේ ඉහිරුණු හිස් වැස්මක් අරගෙන එළියට එනව. හාර්වි අඳුර ගන්නව ඒක වෙන කාගෙවත් නෙවෙයි තමන්ගෙ සහෝදරය “ටොමී” පැළඳගෙන හිටපු හිස් වැස්ම කියල. ඒක දැක්කම මිස්ටර් කින්කල් ගමේ පිරිස පිටත් කරල යවනව අනතුර වුණු තැනින්. ඊට පස්සෙ තමයි සබ්‍රිනා ඉස්කෝලෙදි දැනගන්නෙ, රොස් දැකපු දර්ශනයක් නිසා මේ අනතුරට හේතුව ඇගතා සහ ඩොර්කස් කරපු දෙයක් කියල. ඉතිං මෙතනදි සබ්‍රිනා බොහොම දරුණු තීරණයක් ගන්නව. ඒ අනුව ඇය මළවුන්ගේ නැවත නැගී සිටීමේ මායාකර්මයක් ක්‍රියාත්මක කරනව. ඒකට බ්‍රිනා ඇගතගෙ බෙල්ල කපල මරණව. ඊට පස්සෙ ඇයව වළදානව. මේ ඔක්කොම කරන්නෙ ටොමීව නැවත මළවුන්ගේ නැගිට්ටවන්න. ඉතිං කොහොමහරි ඇගතා මරණයෙන් නැවත පිබිදෙනව අපි දැක්කනෙ. ටොමීට මොකද වුණේ..?

අද කොටසින්..

ඉතිං සබ්‍රිනා මේ කරපු මායාකර්මය නිසා ඇගතට විනාඩි 13ක් යනකං ජීවිතය අහිමි වෙලා තිබුණත් නැවත ජීවිතය ලැබුණ. ඊට පස්සෙ අවසානෙට අපි දැක්කෙ හාර්විගෙ ගෙදර දොරට කවුදෝ මහ හයියෙන් තඩිබානව. ඔව්, ඒ “ටොමී” තමයි. අවසානෙ සබ්‍රිනාගෙ මන්ත්‍රය සාර්ථක වෙලා ටොමී මරණයෙන් නැගිටල එනව. හැබැයි ඇත්තටම ඒ ටොමීද? මෙතන ලොකු වරදක් වෙලා තියෙනව. ඒ වරද මොකද්ද? ඒකට සබ්‍රිනාට වන්දිය විදියට කැප කරන්න වෙන්නෙ මොන තරම් වටිනා දෙයක්ද කියල ඔයාලටම බලාගන්න බාර කරනව.. ඉතිං මේ වරද නිවැරැදි කර ගන්නත්, ටොමීව මරණයෙන් නැගිට්ටවන්න උදව් ගත්ත මිස් වෝඩ්වෙල්ගෙන්ම තමයි සබ්‍රිනාට පිහිට පතන්න වෙන්නෙ. හැබැයි වෝඩ්වෙල් කියන්නෙ කවුද කියල කට්ටිය හොඳටම දන්නවනෙ. සබ්‍රිනා මේ ඉල්ලන උදව්ව වෝඩ්වෙල්ගෙ පැත්තෙන් බැලුවොත් නම් ඇයට වෙස් වළාගෙන ආව ආශිර්වාදයක් වගේ. ඉතිං වෝඩ්වෙල් මෙතනදි තමන්ගෙ මහා කුමන්ත්‍රණය දියත් කරනව. හිතාගන්න බැරි මහ විශාල භයානක අනතුරක් ඒ සමඟ නැගී හිටිනව. කොහොමහරි සබ්‍රිනාට මෙතෙක් තිබුණු හැමදේම අද නැත්තටම නැතිවෙලා යනව. ඊළඟ කොටස කියන්නෙ පැහැදිලිවම ත්‍රාසය පිරුණු කොටසක් කියල නම් කියන්නම ඕනෙ. එහෙනම් ඉතිං ඊලඟ කොටහත් මටම තමා පැවරිලා තියෙන්නෙ.. ඒකත් අරගෙන ඉක්මනට එන්නම්. ජය වේවා..!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

5,074 downloadsDownload The-Chilling-Adventures-of-Sabrina-S01-E09.zip38 KB

මේ ලබා දී ඇති සිංහල උපසිරැසි පිළිබද “උදයංග සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-07-03
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.