The Following [S01 : E03] Sinhala Subtitles | කිවිදුගේ ගින්න.. [සිංහල උපසිරැසි සමඟ]

ගියවර හඹායාමේ දී FBI නියෝජිතයන්ට දැනගන්නට හැකිවුණා, සිරභාරයේ පසුවන ජෝ කැරොල් සිරගතව හිදගෙනත් තම වැඩ කටයුතු කරගෙන යන බව. ඒ සදහා ඔහු බන්ධනාගාර නිලධාරියෙකුගේ සහයෝගය ලබාගෙන තිබෙන්නේ, ඔහුගේ දුර්වලකමකින් තමන්ට අවැසි ප්‍රයෝජන ගත හැකි ලෙස ඔහුව හැඩ ගස්වා ගෙනයි. ඔහුගේ උදව්වෙන් ජෝ තමා අදහන පෝ’ගේ දර්ශනය තමාටම ආවේණික ස්වරූපයකින් යුතු ඇදහිල්ලක් බවට පත් කරන්නට අවශ්‍ය කටයුතු වලට මුල පුරා තිබෙන බව හඹායන පිරිස දැනගත්තත්, ඔහුගේ සැලසුම් කිසිලෙසකින් ඔවුනට දැනගන්නට හරින්නට ජෝ ඉඩ තබා නැහැ. ගියවර කොටසේදී මෙකිවූ බන්ධනාගාර නිලධාරියා ජෝ’ගේ උපක්‍රම සහිතව ඔහුගේ සලකුණ සටහන් කරන්නට කටයුතු කල අයුරුත්; ඒ වගේම ජෝ’ගේ බිරිද ළග සිටි දරුවාගේ කිරිමව දරුවාත් රැගෙන පළා ගිය අයුරුත් ඔබට මතක ඇති. ජෝ’ගේ බිරිද අනූනවයෙන් දිවි ගළවාගන්නට සමත් වුණා. දැන් දරුවා කොහේද? මේ අනුගාමිකයන් පිරිස එකින්කා හා සම්බන්ධ වෙන්නෙ කොහොමද? අද කොටසින් ඒ ගැටළු විසදෙන්නටයි යන්නේ.

ඔවුන්ගේ තිප්පළක් ගැන හෝඩුවාවන් හමුවෙලා. ඇගිලි සලකුණු සටහන් සහිතව 6 දෙනෙක් ගැන දැන් ඔවුන් සනාථ කරගෙන. නමුත් පෝ’ගේ බලපෑම තවමත් ඉවර නෑ. පෝ’ගේ වෙස්මූහුණ මෙවරත් මිනිස් බිලි ගන්නට සාහිත්‍යයේ සටහන් අතරින් පෙරට එනවා. ‘දෝණකාකයා’ තවමත් හොට ගැසීම නවතා නැහැ. ඒ අතර ජෝඩි ඇතුළු පිරිස අලුත් හෝඩුවාවක් පසුපස ලුහුබැදගෙන යන්නේ, ඔවුන් මේ දැන් හදුනාගත් සාමාජිකයා විසින් ඇටවූ උගුලකටයි. මෙවරත් කලින් වගේම ඔවුන් අති සූක්ෂමයි. මේ පරීක්ෂණය භාර ක්ලෙයාව මෝඩයට අන්දලා ඇගේ කණ්ඩාමේ හදගැස්ම නවතාලීමේ වැඩ හීන්සැරේම ඔවුනටත් රහසේ ක්‍රියාත්මකයි. ඒ ගැන අනුමාන කරන්නටවත් ඔවුනට ඉඩක් නෑ. එතරම් කෛරාටිකයි, සාහසිකයි.

ඒ අතර ජෝයී ගේ කිරිමව සහ පිරිස, ජෝයීව පුහුණු කරන්නට ආරම්භක පියවර තබනවා. මේ සියල්ල ජෝ’ගේ පළිගැනීමේ එක් එක් පියවරයන්. කෙමෙන් කෙමෙන් ඔහු තම විනාශයට වගකිව යුත්තන් කරා භීෂණය මුදා හරින්නේ, ජෝඩි හා තමා ප්‍රධාන චරිත ලෙස ගනිමින් ඔහු ලියනා අලුත් කතාවේ පරිච්ඡේදයන් පිටුවෙන් පිටුව පුරවමින්. එහෙනම් මෙවර ලුහුබැදීම හරහා පෝ’ට පෙම් බැදි ජෝ’ගේ හමාර නොවූ කතාව ලියැවෙමින් යන හැටි නරඹලා. ඊළග පරිච්ඡේදය ලියවෙන හැටි ගැන දැනගන්ඩ සූදානමින් පසුවෙමු. ලුහුබැදීම ඉවර නෑ.., සිව්වන ටිකෙන් ටික ඉදිරියට යනවා!

මේ මහන්සිය වෙනුවෙන් මා වෙනුවෙන් අදහසක් තියන්නට පසුබට වන්නට එපා. ඔබ වෙනුවෙන් කොතෙකුත් වැඩ මැදයි මේ වෙනුවෙන් කැප වුණේ. ඒ බවත් සලකලා දිරිගැන්වීමක් කරන්නකෝ… මීළග ලුහුබැදීමෙන් හමුවෙනතුවා ජය!

 

 

Due to copyright issues, we do not provide any torrent links.

මෙම ලබා දී ඇති උපසිරැසි සියලුම HDTV පිටපත් සඳහා අදාළ වේ.

2,133 downloadsDownload The.Following.S01E03.zip112 KB

https://d36zzuvfojr38z.cloudfront.net/wp_content/uploads/2012/12/හසන්ත-වික්‍රමරත්න.jpg මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2012-12-29