The Following [S01 : E02] Sinhala Subtitles | දෙවන අදියර [සිංහල උපසිරැසි සමඟ]

එහෙනම් තවත් එක පියවරක් ඉදිරියට තබන්නයි මේ සූදානම. හිතුවට වඩා පොඩ්ඩක් විතර ප්‍රමාද උනා දෙවන කොටස දෙන්න. හැකි ඉක්මනින් දෙන්න තමයි උත්සාහ කරන්නේ එත් නොකර බැරි පුද්ගලික අවශ්‍යතා නිසා මේ වැඩ වලට දෙවන තැන දෙන්න සිදු වෙනවා. මම හිතනවා බයිස්කෝප් යාලුවෝ ඒක වටහාගෙන ඉන්නේ කියලා ඒ වගේ දේවල් වෙන්න පුළුවන් සම්භාවිතාව ගැන. එහෙනම් කලින් කොටස බලපු අයට මතක ඇති නේද පටන් ගන්නකොට තිබුන විදිහ නෙමෙයි නේද අවසානයේ තියෙන්නේ කියලා. ඇත්තටම අවසානයේ යමක් ඉතුරු කරලා යන්න මේ හැම කොටසකම අධ්‍යක්ෂවරයා තරයේ වග බලාගෙන තියෙනවා. මම හිතන්නේ ඒ නිසාම වෙන්න ඇති මේ කතාව මෙපමණ ජනප්‍රිය වෙලා අර අපේ උදා කිව්වා වගේ දෙවන කතා සමයටත් මුල්ගල් තියන්න යන්නේ. එහෙනම් මම කලින් කොටස ගැන මතකය අවදි කරන්නම්,

මතකනේ මේ කතාව ගෙතෙන්නෙ දරුණු මිනිමරුවෙක් ගැන, ඔහු තමයි “ජෝ කැරොල්” ඔහු මිනි මරණ එක කලාවක් කරගෙන තියෙන්නේ. ඒ කලාව ඔහු ඉගෙන ගත්තේ “එඩ්ගාර් ඇලන් පෝ” කියන පුද්ගලයාගේ පොත් වලින්. ඒ හරහා ඔහු කලාවක් නිර්මාණය කරනවා හරිම උබතු විකෘති ආශාවක් ඔස්සේ හටගත් කලාවක්. මේ සඳහා ඔහු විසින් සිසුවියන් 14 දෙනෙක් අමානුෂික ලෙස මරා දමලා 15 වන ගොදුර ගැනීමට යද්දී පොලිසියට කොටුවෙලා මරණ දඬුවමට යටත් වෙනවා. මොහුව අල්ල ගන්නේ “රයන් හාඩි” නමැති FBI නියෝජිතයා. පසුගිය සතියේ අපි දැක්කේ මේ මිනීමරුවා හිරෙන් පැනගොස් තමන්ගේ වැරදුන කුරුමාණම නැවත ලබා ගන්න හැටි. ඒ කියන්නේ “සේරා ෆුලර්” නමැති ඔහුගේ සිසුවිය මාර දමලා, “ජෝ” තමන්ගේ වෙනත් පිරිසක් ලවා, ඔහුගේ මේ කලාව, උමතු ඇදහිල්ලක් (Cult) බවට හරවලා ඔහුගේ මාර්ගය ඔහුව අනුගමනය කරන මිනීමරුවන් පිරිසක් බිහිකරලා අලුත්ම පෙරලියක් කරන හැටි. අවසාන වශයෙන් අපි දුටුවේ “ජෝ” ඔහුගේ පුතාව කලින් බිරිඳගෙන් පැහැරගෙන එන දර්ශනය, ඒ සඳහා ඔහු සහයෝගය ලබා ගන්නේ තමන්ගේ උමතු ඇදහීම අදහන අනුගාමිකයන්.සහ අවසානයේ නැවතත් “ජෝ” හිර භාරයට පත් වෙනවා.

එතනින් තමයි අද කොටස අරඹන්නේ, අද කතාව මඟින් දකින්න ලැබෙන්නේ “ජෝ” නිර්මාණය කරන ලද ඇදහිල්ල විශ්වස් කරන ඔහුගේ අනුගාමිකයන්ගේ වැඩ. කලින් කොටසේදී “රයන්” හොයා ගත්තා දැනට සිව් දෙනෙක් මොහු අනුගමනය කරන බව, අද මේ පිරිස වැඩි වෙන ලකුණු දකින්න ලැබේවි. “ජෝ” වෙනුවට ඔවුන් මේ කලාව නැවත කරන්න පටන් ගන්නවා. ඒ කියන්නේ තවත් මිනි මැරුම් සංවිධානය වෙලා වෙනවා. මොකද මේවා කරන්නේ කලින් අපරාධකාරයෝ උන අය නෙමෙයි නවකයෝ. ඒ නිසා කිසිම හෝඩුවාවක් නැහැ. කලින් කොටසේ දැකපු අර බන්ධනාගාර නියාමකයා ගැහැණු ළමයින් සිටින ස්ථානයක්ම සමූලඝාතනය කරනවා. ඒ අතර මේ කතාව අවසානයේ දැක ගන්න පුළුවන් “ජෝ” කියන්නේ ලෙහෙසි පහසු මිනිහෙක් නෙමෙයි කියලා, මොකද ඔහුගේ මේ උමතු ඇදහීම අදහන අය කොහේ කොතන කොහොම ඉන්නවද කියලා හිතා ගන්න බැහැ. එහෙනම් බලමු නේද මොකද වෙන්නේ කියලා, දෙවන වතාවටත් ලුහු බැඳලාම.

එහෙනම් නැවත තවත් අදියරකින් හමු වෙන තුරු හැමෝටම ජයෙන් ජය !!!

 

 

Due to copyright issues, we do not provide any torrent links.

මෙම ලබා දී ඇති උපසිරැසි සියලුම HDTV පිටපත් සඳහා අදාළ වේ.

2,598 downloadsDownload The.Following.S01E02.zip76 KB

https://d36zzuvfojr38z.cloudfront.net/wp_content/uploads/2012/12/හසන්ත-වික්‍රමරත්න.jpg මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank
BRONZE MEMBER
JOINING DATE – 2012-12-29