The Outpost (2018-) [S04 : E01] Sinhala Subtitles | කවුරුන්හෝ පාලනය කළ යුතුයි [සිංහල උපසිරසි]

The Outpost “ඈත මුරපොල” පළමුවැනිසහ දෙවැනි සහ තෙවැනි කතාමාලාවෙ උපසිරැසි වලට ස්තූති කරපු කමෙන්ට් කරපු හැමෝටම ස්තූතියි..!!

අද ඉඳන් ඊළඟ කතාමාලාවත් බලන්න පටන් ගමු නේද? මේ පටන් ගත්තෙ “The Outpost” කතා මාලාවෙ කීවෙනි කතා මාලාව (Season) ද කියලා ප්‍රශ්නයක් තියනවා. මේ පටන් ගත්තෙ Season 3B, එහෙම නැත්නම් තුන් වෙනි කතාමාලාවෙ දෙවැනි පරිච්ඡේදය කියලා කිව්වත්, මේකෙ වීඩියෝ පිටපත් නම් කරලා තියෙන්නෙ Season 4 (4වෙනි කතා මාලාව) කියලා. ඉංග්‍රීසි උපසිරැසි නම් කරලා තියෙන්නෙත් 4 වෙනි කතා මාලාව කියලා. ඒ නිසා මමත් මේක 4වෙනි කතාමාලාව කියලාම කියන්නම්.

මේ 4වෙනි කතාමාලාව විකාශනය වෙන්න පටන් ගත්තේ 2021 ජූලි 15 වෙනි බුහස්පතින්දා. මේ කතාමාලාවත් තවත් සති 12ක් ඒ කියන්නෙ සම්පූර්ණ කොටස් 13ක් සෑම බුහස්පතින්දාම CW Network නාලිකාවෙ විකාශනය වෙනවා. ඒ විකාශනයට සමගාමීව අපේ සිංහල උපසිරැසි දෙන්නත් ඔන්න බයිස්කෝප් කණ්ඩායම තීරණය කළා. ඒ ගැන බයිස්කෝප් ඇඩ්මින් මඩුල්ලටත් ස්තූති කරන්න අමතක කරන්න එපා. “ඊළඟ සීසන් එකත් පටන් අරගෙන ඔන්න” කියලා මට මේ ආරංචිය දීලා වැඩේ භාර දීපු චාමර සම්පත් සහෝදරයටත් බොහොම ස්තූතියි.

The Outpost SE04 EP01 (Someone Has to Rule) / කවුරුන්හෝ පාලනය කළ යුතුයි

තුන්වෙනි කතා මාලාව අවසන් වුණු හැටි මතකයි නේද? අළු ග්‍රහයා ඇතුළට ගියපු ටැලොන්, සෙඩ්, ව්‍රෙන් තුන් දෙනා සෙඩ්ගෙ මල්ලි “කෝර්වන්” ගෙ උදව්වෙන් ටැලොන්ගෙ තාත්තා “සයිවෙක්” හොයාගන්නවා. අවුරුදු ගාණක් පාළු ගුහාවක් ඇතුළෙ හෙල්ල 4ක් ඇනිලා හිටියත් එයා පණපිටින් හිටියෙ එයාගෙ ඇඟේ තියෙන කළු කින්ජ් නිසා. ඒ අතරෙ යවාල්ලාගෙ අනුගාමිකයො මුරපොලට පැනලා ගොඩාක් දෙනෙක් ආසාදනය කරනවා. ෆාලිස්ටාව බේරගන්න ගිහින් ටොබින් මැරෙනවා. අනිතිමේ දි කළු කින්ජ් තමන්ගෙ ඇඟට ගත්ත රෝස්මන්ඩ් රැජිණ, එහෙම නැත්නම් ග්වේන්, යවාල්ලාව මරන්න කරන්න පුළුවන් එකම දේ කරනවා. කළු කින්ජ් ස්පර්ශ වෙන හැම දේම විනාශ වෙන බව මතකයිනේද? ඉතින් අන්තිමට කළු කින්ජ් නිසා යවාල්ලා වගේම රෝස්මන්ඩ් රැජිණත් අළු බවට පත් වෙනවා.

දැන් මේ රාජධානියට පාලකයෙක් කෝ? දැන් ඉතින් වෙන කවුරු රජ වෙන්නද? සුදුසුම කෙනා ටැලොන් නෙවෙයිද? ගැරට්, ජැන්සෝ, සෙඩ් ඇතුළු කට්ටියම ඔටුන්න භාර ගන්න කියලා ටැලොන්ට කියනවා. ඉතින් ටැලොන් ඔටුන්න දා ගනියිද? ටැලොන්ට රජකම අරගෙන රාජධානිය පාලනය කරන්න පුළුවන් වෙයිද? බ්ලැක්බ්ලඩ්ස්ලා කොහොම වෙතත් මිනිස්සු ඒකට කැමති වෙයිද? රතු කින්ජ් තියෙන ෆාලිස්ටා, ටොබින් නැතත් රජකමට උත්සාහ කරන එකක් නැද්ද? ප්‍රශ්න ගොඩයි.

මගේ උපසිරැසි වලට හොඳ කියපු, අඩුපාඩු පෙන්නලා කමෙන්ට් කරපු හැමෝටමත්, බයිස්කෝප් එකේ මගේ පළවෙනි කඩඉම වන 50වෙනි උපසිරැසියටත් www.baiscope.lk එකෙන් වගේම Facebook එකේ “බයිස්කෝප් සිංහලෙන්” Page එකේ මට සුභ පැතුම් එකතු කරලා තිබුණු හැමෝටමත් මම ආපහු ස්තූති කරන්න මේක අවස්ථාවක් කරගන්නවා. එක එක්කෙනාට වෙන වෙනම ස්තූති කරන්න බැරි වුණු එකට සමාවෙන්න.

මුළු ලෝකෙටම වසංගතයක් වෙලා තියෙන COVID-19 වෛරසයෙන් මුළු ලෝකෙම සුවපත් වේවා කියලා ප්‍රාර්ථනා කරනවා. සෞඛ්‍ය අංශවල උපදෙස් අනුව කටයුතු කරලා, ලැබෙන එන්නතත් විදගෙන හැමෝම ආරක්‍ෂා වෙලා, මේ වසංගතය පැතිරෙන එක නවත්වන්න උදව් කරන්න කියලත් ඉල්ලනවා.

එහෙනම් ඊළඟ කොටස “A Throne of Our Own”එකත් එක්ක මුණ ගැහෙමු.

 

 

 

 

Due to copyright issues, we do not provide any torrent links.

මෙම ලබා දී ඇති උපසිරැසිය HDTV පිටපත සඳහා අදාළ වේ.

4,488 downloadsDownload The-Outpost-2018-S04-E01.zip28 KB

මේ ලබා දී ඇති සිංහල උපසිරැසි පිළිබද “ රංජීව කේ. ලියනගේ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2017-10-28
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.