The Remarried Empress [S01 : E04] Sinhala Subtitles | කටකතා අතර සැඟවුණු හැඟීම් [සිංහල උපසිරැසි සමඟ]

ආයුබෝවන් බයිස්කෝප් යාළුවනේ!

ඔන්න එහෙනම් The Remarried Empress කතාමාලාවේ හතරවැනි කොටසටත් සිංහල උපසිරැසි අරගෙන ආවා. තුන්වැනි කොටස අවසානයේ උත්සව ශාලාවේ ඇතිවුණු තත්ත්වයත් එක්ක, ඊළඟට මොනවා වෙයිද කියලා ඔයාලත් ආසාවෙන් බලාගෙන ඉන්න ඇතිනේ.

මාලිගාවේ උත්සව තවමත් පැවැත්වෙනවා. හැබැයි සංගීතයයි සිනහවයි අතරේ ඇහෙන හැම කතාවක්ම සුන්දර නැහැ. කෙනෙකුගේ බැල්මක්, වචනයක්, එහෙමත් නැත්නම් පුංචි හැසිරීමක් වුණත් කටකතාවක් බවට පත්වෙන්න මෙතැන වැඩි වෙලාවක් යන්නේ නැහැ. ඒ කතා පිළිගන්න අය වගේම, තමන්ගේ වාසියට හරවාගන්න බලාගෙන ඉන්න අයත් ඉන්නවා.

මේ හැමදේම අතරේ නැවියර්ට තමන්ගේ ගෞරවය රැකගෙන කටයුතු කරන්න වෙනවා. හිතේ තියෙන දේ කියන්නත් කලින් ඒකෙන් ඇතිවෙන ප්‍රතිඵල ගැන හිතන්න සිද්ධ වෙන ජීවිතයක් ඇයට තියෙන්නේ. ඒ අතර හෙන්රිගේ සැහැල්ලු කතාබහත්, රෂ්ටාගේ අලුත් ජීවිතය ගැන බලාපොරොත්තුත් එක්ක කතාව තවත් රසවත් වෙනවා.

හැමෝම වටකරගෙන හිටියත් කෙනෙකුට තනිකම දැනෙන්න පුළුවන්ද? තමන්ව හරියට තේරුම්ගන්න කෙනෙක් හමුවීම කොච්චර වටිනවද? මේ කොටසේ සමහර කතාබහ අතරින් ඒ වගේ හැඟීම් ගැනත් හිතන්න ඉඩ ලැබෙනවා. ඉතින් වැඩි විස්තර කියලා කතාවේ රසය අඩු කරන්නේ නැතුව, ඉතුරු ටික ඔයාලටම බලන්න ඉඩ දෙන්නම්.

රශ්ටගේ කපටිකම් ගැනත් මේ කොටසින් බලා ගන්න පුළුවන්.😈

කොටස් 10ක් සහිත මේ කතාවේ දැනට නිකුත් වුනු කොටස් 4කට උපසිරැසි ගෙනාවා අනිත් කොටස් වලටත් නිකුත් වුනු ඉකමනින් සබ් එක්ක මම එන්නම්, උපසිරැසි එක්ක එකතු වුණු හැමෝටම ස්තූතියි.  එතකල් මේ කොටසත් රසවිඳලා ඔයාලගේ අදහස කියාගෙන යමු..

ලබන සතියේ නිකුත් වෙන 5වෙනි කොටසෙන් හමුවෙමු. 

ජය වේවා!!