The Expanse [S01 : E01] Sinhala Subtitles | අඳුරෙන් ආ ඇමතුම…

උපසිරිසි බාගත කිරීම සඳහා පහලට යන්න

The Expanse — අභ්‍යවකාශයට ගිය Game of Thrones එකක්ද? නැත්නම් ඊටත් වඩා සැබෑ Sci-Fi ලෝකයක්ද?

ඔබ Star Wars, Star Trek, Battlestar Galactica, Interstellar වගේ අභ්‍යවකාශ කතා කැමති කෙනෙක් නම්, The Expanse කියන්නේ අනිවාර්යයෙන්ම අවස්ථාවක් දෙන්න වටින TV series එකක්. හැබැයි මේක සාමාන්‍ය “space adventure” එකක් නෙවෙයි.

The Expanse සිදුවන්නේ ශතවර්ෂ කිහිපයකට පසු ලෝකයකයි.

මනුෂ්‍යයා තවදුරටත් පෘථිවියට සීමා වෙලා නැහැ. Mars/අඟහරු වල ජනාවාස ඇති කරලා. Asteroid Belt එකේ කැණීම් කරන ජනපද තියෙනවා. Jupiter සහ Saturn ප්‍රදේශවලත් මිනිසුන් වැඩ කරනවා. විශාල space stations, cargo ships, military fleets සහ පෘථිවියෙන් බොහෝ දුර ජීවත් වන පරම්පරා ඇතිවෙලා.

නමුත් technology එක දියුණු වුණාට...මනුෂ්‍යයා එතරම් වෙනස් වෙලා නැහැ.

බලය, දේශපාලනය, සම්පත්, ජාතිකත්වය, පංති භේදය, විශ්වාසය, පළිගැනීම සහ නිදහස සඳහා සටන් තවමත් තියෙනවා.

Series එක ආරම්භ වෙද්දී සෞරග්‍රහ මණඩලය එක ප්‍රධාන බල කණ්ඩායම් තුනකට බෙදිලා.

Earth — පැරණි බලවතා

පෘථිවිය සහ හඳ/Luna ප්‍රදේශය United Nations පාලනය යටතේ තියෙනවා.

Earth තවමත් විශාල ජනගහනයක් සහ බලවත් බලඇණියක් තියෙන මධ්‍යස්ථානයක්. නමුත් සම්පත්, විරැකියාව, අධික ජනගහනය සහ දේශපාලන අධිකාරීත්ව වගේ ගැටලු නිසා පෙනෙන තරම් සරල ලෝකයක් නෙවෙයි.

Mars — අලුත් සුපිරි බලවතා

Mars/අඟහරු පෘථිවියෙන් ස්වාධීන වෙලා Martian Congressional Republic එක බවට පත්වෙලා.

Mars එකේ සමාජයට පොදු විශාල සිහිනයක් තියෙනවා: දවසක Mars එක Earth වගේ ජීවත්විය හැකි ග්‍රහලෝකයක් බවට පත් කිරීම.

The Belt — අමතක කළ මිනිසුන්

Asteroid Belt සහ Outer Planets වල ජීවත් වන මිනිසුන්ට කියන්නේ Belters.

ඔවුන් Earth සහ Mars සඳහා අයිස්, ඛණිජ සහ වෙනත් සම්පත් ලබාගන්න භායානක අභ්‍යවකාශයේ තැන් වල පවා කැණීම්, ප්‍රවාහන වගේ සේවාවන් කරන කරන ජනතාවක්.

බොහෝ Beltersගේ අදහස තමා, “අපේ ජීවිතයෙන් Inners ලා පොහොසත් වෙනවා.”

අඩු gravity එකේ පරම්පරා ගණනක් ජීවත් වීම නිසා Beltersගේ ශරීර පවා Earth මිනිසුන්ගෙන් වෙනස් වෙලා. ඔවුන්ට වෙනම culture එකක්, accent එකක් සහ භාෂාවක් පවා තියෙනවා.

මෙහිදී OPA — Outer Planets Alliance කියන නමත් නැවත නැවත ඇහෙන්න පටන් ගන්නවා. මේක සංවිධානයක් කෙනෙකුට මේක විමුක්තිකාමී/අරගල ව්‍යාපාරයක්. තවත් කෙනෙකුට මේක ත්‍රස්ත සංවිධානයක්.

කතාව පටන් ගන්නේ කොහොමද?

මේකේ කතාව පැතිකඩ කිහිපයකින් ගලාගෙන යනවා.

මුලින්ම අපිට දකින්න ලැබෙන්නේ ජූලී මාඕ කියන තරුණියක් මුහුණ දෙන කරදරයකට. බෙල්ටර්ස්ලා ජීවත් වෙන එක් වැදගත් ස්ථානයක් තමා Ceres Station එක. ඒකේ ඉන්න මිලර් ඩිටෙක්ටිව්ට මේ තරුණියට මොකද උනේ කියලා හොයන්න පැවරෙනවා.

ඒ අතරතුර පිටත Solar System එක හරහා අයිස් ප්‍රවාහනය කරන Canterbury කියන නෞකාවක් තියෙනවා. කතා මාලාවේ ප්‍රධාන චරිත කිහිපයක් වන ජෙම්ස් හෝල්ඩන්, නයෝමි නගාටා, ඒමෝස් සහ ඇලෙක්ස් ඉන්නේත් මේ crew එකේමයි. ඔවුන් අයිස් ප්‍රවාහනය කරද්දී එයාලට scopuli කියන යානයෙන් උදව් ඉල්ලලා සිග්නල් එකක් එනවා. ඒ යානයට උදව් කරන්න ගිහින් අනපේක්ෂිත සිදුවීමකට මුහුණ දෙන්න වෙනවා.

ඒ අතරතුර පෘථිවියේ ඉහළම දේශපාලන බලයක් තියෙන කාන්තාවක්, වන ක්‍රිස්ජෙන් අවරසාලා OPA සංවිධානයේ කෙනෙක්ව අල්ලගෙන ප්‍රශ්න කරනවා නීතිවිරෝධී ද්‍රව්‍යයක් ප්‍රවාහනය කරයි කියලා.

මුලදී මේවා වෙන වෙනම stories තුනක් වගේ පෙනුනත්, මේ හැමදෙයක්ම එකිනෙකට සම්බන්ධ වෙන විදිය අපිට බලාගන්න පුලුවන්. මන් මේ කිව්වේ 1 වන එපිසෝඩ් එකෙන් භාගයක කතාවක් විතරයි.

මේ කතා මාලාවට වැදගත් වෙන තවත් නැව්/යානා මෙන්ම තැන් කිහිපයක් තියෙනවා.

ඩොනජර් - අඟහරුලාගේ විශාල military battleship එකක්.

රොසිනාන්ටේ - කතාවේ ප්‍රධානම යානාව. මේක අඟහරු ඩොනජර් යානයේ තියෙන පොඩි යානයක්.

ටයිකෝ ස්ටේෂන් - Belt කලාපයේ තියෙන අතිවිශාල engineering projects කරන්න පුලුවන් industrial station එකක්.

ඊරෝස් ස්ටේෂන් - සෞරග්‍රහ මණ්ඩලයේ ඈතටම වගේ පිහිටලා තියෙන මධ්‍යස්ථානයක්. ටිකක් අඩු ජීවන තත්ත්වයක් තියෙන, බෙල්ටර් මිනිස්සු ජීවත් වෙන තැනක්.

Phoebe Station - Saturnගේ හඳක පිහිටි දුරස්ථ research station එකක්.

Anubis - අධි තාක්ෂණික ස්ටෙල්ත් යානාවක්.

ඔබ series එක බලනකොට, “Beltalowda” වගේ අමුතු වචන ඇහෙයි. ඒ TV series එක සඳහා වෙනම නිර්මාණය කරපු භාෂාවක්. මේකට Lang Belta / Belter Creole කියලා කියනවා. මේක බෙල්ටර්ලා අතරේ තියෙන භාෂාවක්. හරියට Game of Thrones එකේ Targerian ලාට තියෙන වැලේරියන් භාෂාව වගේ.

ඒවගේම Ty Franck තැනැත්තා මුලින් The Expanse universe එක නිර්මාණය කළේ video game එකක් විදියට. ඒත් ඒ project එක අසාර්ථක වෙලා පසුකාලීනව Daniel Abraham කියන කතුවරයා සමඟ සම්බන්ධ වෙලා, novel එකක් ලියන්න පටන් අරන් තියෙන්නේ. James S. A. Corey නමින් අවසානයේ ප්‍රධාන නවකතා පොත් 9ක් ලියලා තියෙනවා. ඉන් 6ක් පාදක කරගෙන තමයි මේ TV series එක නිර්මාණය කරලා තියෙන්නේ.

The Expanse මුලින් විකාශනය වුණේ Syfy හරහා. Seasons තුනකට පස්සේ 2018දී Syfy ලා මේ series එක cancel කළා. ඒ වෙනකොටත් මේකට ලොකු ෆෑන් බේස් එකක් හැදිලා තිබ්බා. ඒ නිසාම fansලා #SaveTheExpanse campaign එකක් පටන් ගත්තා. George R. R. Martin ඇතුළු ප්‍රසිද්ධ පුද්ගලයෝත් campaign එකට support කළා. ඒකේ ප්‍රතිඵලයක් විදියට Amazon Studios විසින් මේක ඉදිරියට කරගෙන ගියා.