The Walking Dead [S02 : E01] | ඇබ්බැහිවීමේ ප්‍රථම පියවර… [සිංහල උපසිරැසි සමඟ]

 

 

ඉතින් ගොඩක් අය බලාගෙන හිටපු කථාමාලාවේ දෙවනි සීසන් එකට සබ් ගෙනෙන්නේ මමයි. The Walking Dead ගැන ගොඩක් අය අහලා ඇති. DRAMA, HORROR සහ THRILLER වර්ගීකරණයට අයත් වන මේ කථා මාලාව I.M.D.B 8.8 ලබා ගන්න සමත් වෙලා තියෙනවා. තව දෙයක් කිව්වොත් ජයග්‍රහණ 15 සහ Golden Globe ඇතුලුව තවත් ජයග්‍රහණ 50 නිර්දේෂ වෙලා තියෙනවා. පළවෙනි කථා මාලාව අනිවාරෙන්ම ඔයාලා බලලා ඇති. ඒක හින්දා මම ඒක ගැන ලොකු විස්තරයක් කියන්න යන්නේ නෑ.

ඇට්ලන්ටායේ තිබ්බා Center For Disease Control (CDC) එක පිපිරුණාට පස්සේ රික් ග්‍රයිම්ස් (Andrew Lincoln), නුයි අනිත් කට්ටියයි Fort Benning වලට යන්න අදහස් කරනවා. ඒ කණ්ඩායමේ සාමාජිකයෝ වන්නේ රික්, ඔහුගේ බිරිද ලෝරි (Sarah Wayne Callies), ඔහුගේ පුතා කාල් (Chandler Riggs), කැරල් (Melissa McBride), ඇයගේ දුව සොෆියා (Madison Lintz), ෂේන් (Jon Bernthal), ඩේල් (Jeffrey DeMunn), ඇන්ඩ්‍රියා (Laurie Holden), ග්ලෙන් (Steven Yeun), ටී ඩෝග් (IronE Singleton) සහ ඩැරිල් (Norman Reedus). මේ ගොල්ලෝ ඉතින් ඔහොම දිගටම යනකොට පරණ වාහන ගොඩක් එහෙම තියෙන තැනකට ලගාවෙනවා. එතන වාහන වලින් වටවෙලා තියෙන්නේ. හැබැයි ඒවායේ කවුරුවත් නෑ. ඔන්න ඔතනදිම ඩේල්ගේ ලොරියත් කැඩෙනවා. ඩේල්නුයි ග්ලෙන්නුයි ලොරිය හදන්න උත්සහා කරනවා. අනිත් අය කෑම, ඇදුම්, වතුර හොයනවා.

ඔහොම වැඩ සිද්ධවෙන අතරේ WALKERS (මම WALKERS කියන වචනේට කියන්නේ ‘ඇවිදින මළමිණී‘ කියලා. කථාමාලාවෙම මම ඔවුන් හදුන්වලා තියෙන්නේ ඇවිදින මළමිණි කියලා තමයි.) ගොඩක් හෙමින් හෙමින් එනවා. ඉතින් ගොඩක් අය ඇවිදින මළමිණිගෙන් බේරෙන්න අර පරණ වාහන යටට යනවා. ගොඩක් අයට එක එක දේවල් සිද්ධ වෙනවා. ඇන්ඩ්‍රියා ලොරියේ ඉන්නකොට ඇවිදිණ මළමිණියෙක් එනවා. ටී ඩෝග් තමන්ගෙම අත කපාගන්නවා. ඩැරිල් ඇවිදින මළමිණියෙක්ව යටකරගෙන බේරෙනවා. ඉතින් ඔහොම යන අතරේ ඇවිදිණ මළමිණි දෙන්නෙක් සොෆියා යට ඉන්න කාර් එක දැන ගන්නවා. ඉතින් සොෆියා බය වෙලා කැලේට දුවනවා. රික්නුත් ඔවුන් පසු පස යනවා. කොහොමහරි රික් සොෆියාව හොයාගන්නවා. ඊටපස්සේ රික් සොෆියාව හංගලා, අර ඇවිදින මළමිණී පස්සෙන් යනවා, උන් දෙන්නව ඉවරයක් කරන්න. ඊට පස්සේ බලද්දී සොෆියා එතන නෑ. ඩැරිල් නුත් එකතු වෙනවා මේ සොෆියව හොයන වැඩේට. ඒ අස්සේ ෂේන්, ලෝරිට රහසක් ලෙස කියනවා ඔහු මේ කණ්ඩායම අතහැරලා යනවා කියලා. කැරල්නුත් සොෆියා හොයාගන්න බැරිවුණා කියලා රික්ට වරද පටවනවා.

ඉතින් ඊලග දවස උදා වෙනවා. කට්ටිය දිගටම සොෆියාව හොයනවා. ඇන්ඩ්‍රියාට කවුරුවත් තුවක්කු පාවිච්චි කරන්න දෙන්නේ නැති නිසා මාර අවුලෙන් ඉන්නේ. විශේෂයෙන් ඩේල් එක්ක එහෙම. ඉතින් මෙහෙම හොයන අතරේ මේගොල්ලෝ පල්ලියකට යනවා. කට්ටිය හිතුවේ මේ පල්ලියේ සොෆියා ඉදියි කියලා. හැබැයි හිටියේ ඇවිදින මළමිණි විතරයි. ඊට පස්සේ කැරල් දෙවියන්ගෙන් ඉල්ලනවා ඇයට සමාව දෙන්න සහ සොෆියව පරිස්සම් කරන්න කියලා. ඔය අස්සේ මම කලින් කිව්වානේද ෂේන් හොරෙන් මේ කණ්ඩායමෙන් අයින් වෙන්න ඉන්නේ කියලා. අන්න ඒ ගැන ඇන්ඩ්‍රියා දැනගන්නවා. ඊට පස්සේ ඇන්ඩ්‍රියානුත් කියනවා එයානුත් ෂේන් එක්ක හොරෙන් යන්න එනවා කියලා. රික්නුත් දෙවියන්ගෙන් දෙයක් ඉල්ලනවා. ඒ සොෆියව හොයලා දෙන්න නෙවේ. සොෆියව හොයන්න මොකක්හරි සලකුණක් දෙන්න කියලා.

ඊට පස්සේ කණ්ඩායම කොටස් දෙකකට බෙදෙනවා. රික්, ෂේන් සහ කාල් එක පැත්තකට යනවා. අනිත් ඔක්කොම වෙනත් පැත්තකට යනවා. හැබැයි මේ ඔක්කොම මහ ඝන කැලයේ තමයි සොෆියාව හොයන්නේ. කැළයේ සොෆියාව හොයන අතරේ රික්, කාල්, ෂේන් ඉන්න තැනට මුවෙක් එනවා. අහිංසක මුවෙක්. පුංචි කාල්ට මේ මුවා ගැන මාර ආසාවක් ඇතිවෙනවා. ඉතින් කාල් ඌව අල්ලන්න යනවා. මුවත් කාල්ට කැමතියි වගේ. එකපාටම මුවා අස්සෙන් වෙඩි පාරක් ඇවිත් කාල්ට වදිනවා. කාල් වැටෙනවා.

ඔන්න ඔය ටික තමයි වෙන්නේ. අන්තිමට වෙන දේ ගැනනම් මම එච්චර දෙයක් කියන්න යන්නේ නෑ. කොහොමහරි ඔයාලට මාර කුතුහලයකින් කථාව බලන්න පුළුවන් වෙයි. කථාව ගැන තව දෙයක් කිව්වොත් මේ කථාව කුතුහලයෙන්ම පිරිච්ච කථාවක්. මොකද කිව්වොත් එක කොටසක් ඉවර වෙන්නේ අනිත් කොටස ගැන ලොකු කුතුහලයක් අපේ ඔළුවට දාලා. ඒක නිසා අනිවාරෙන්ම ඔයාලට එකක් ඉවරවුණාම අනිත් එකත් බලන්න හිතෙයි. තව දෙයක් කිව්වොත් වීමා (ශාන් විමුක්ති) තමයි මට මේක කරන්න කියලා කිව්වේ. ඔහුටත් මම මේ වෙලාවේ ස්තූති කරනවා. හරි හරි…! දැන් මම නවතිනවා. ඔයාලා රස විදියි කියලා විශ්වාස කරනවා. තව ඔයාලගේ කමෙන්ට් එකක්ම හද පත්ලෙන්ම බලාපොරොත්තු වෙනවා. ඔයගොල්ලන්ට ජය!

 

 

 

Due to copyright issues, we do not provide any torrent links.

ලබා දී ඇති උපසිරසිය HDTV / BluRay පිට‍පත් සඳහා ලබා දී ඇත.

31,967 downloadsDownload The.Walking.Dead_.S02E01.zip117 KB

 

https://d36zzuvfojr38z.cloudfront.net/wp_content/uploads/2013/04/බුද්ධිල-යසස්.jpg මේ ලබා දී ඇති සිංහල උපසිරැසි පිළිබද “බුද්ධිල යසස්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.