The Walking Dead [S09 : 08] Sinhala Subtitles | ජීසස්..! [සිංහල උපසිරසි සමඟ]

ආයුබෝවේවා මිත්‍රවරුණි..!

අද නම් සබ් එක් කලින් ආපු නිසා හවස 5 ටත් කලින් වැඩේ ගොඩ දාගන්න හැකි වුණා. ඉතිං ඔන්න නොදැනීම කාලය ගතවෙලා ගිහින් වෝකින් ඩෙඩ් තුළින් මේ වසරට අපි හමුවෙන අවසාන අවස්ථාවත් ඇවිල්ල. මිඩ් සීසන් ෆයිනල් එපිසෝඩ් එක එක්ක අද සමුගත්තට පස්සෙ වෝකින් ඩෙඩ් තුළින් ආයෙත් අපි හමුවෙන්නෙ 2019 නව වර්ෂයේදි. හරියටම කිව්වොත් 2019 පෙබරවාරි 10. මෙතෙක් කතාංගයන් සියල්ලක්ම මම මගේ උපරිම ශක්තියෙන්, නිවැරදිව දෙන්න උත්සාහ කළා. වරදක් හෝ අපහසුතාවයක් වුණා නම් හැමෝගෙන්ම ඒ ගැන සමාව අයැද සිටිනවා. ඒ වගේම තමයි පසුගිය කතාංගයේ අවසානෙ පෙන්නපු “Sneak peek” එක බලන්න ඇති කියල හිතනව. “Sneak peek” කියන එක සිංහලෙන් කියන්න ගිහින් හසාගෙන් අහගත්ත වචන ටිකක්.  කොහොම හරි ඔන්න ඒක බැලුවනම් අද කොටස මොන තරම් ත්‍රාසය පිරුණු එකක්ද කියල අමුතුවෙන් කියන්න ඕන නෑනෙ. එහෙනම් කලින් කොටස පොඩ්ඩක් මතක් කරගෙනම අද ගැන කතා කරමු.

පසුගිය කොටසින්…

ඉතිං රොසීටා සහ ඉයුජින් මඩ ගාගෙන කොහොමහරි ගැලවිලා ධාන්‍ය ගබඩාවකට ඇවිල්ල තියෙනව. ඉයුජින්ගෙ කකුල කැඩිල නිසා වෙන්න ඇති රොසිටා ඔහුව එතන දාල හිල්ටොප් දිහාවට එනකොට මගදි සිහි නැතුව ඇදගෙන වැටෙනව. මේ අතරෙ කැරොල් ගියානෙ ඩැරල් හොයාගෙන. ඒ වෙන හේතුවක් නිසා නෙවෙයි, ලෝකුරු කරුවෙක් වෙන්න හිතාගෙන හිල්ටොප් වලට යන හෙන්රි බලාගන්න පුළුවන් ද කියල ඩැරල්ගෙන් අහන්න. කොහොමහරි රෑ මළවුන් එක්ක වුණු පලහිලව්ව නිසා ඩැරල් කැමති වෙනව හිල්ටොප් වලට යන්න. රෑ වුණු සිදුවීමත් කැරොල් හොරාට බලාගෙන හිටියත් ඒ බවක් ඩැරල්ටවත්, හෙන්රිටවත් ඇඟෙව්වෙ නෑ. මේ සිදුවීම එහෙම විසඳෙන අතරෙ මිශෝන්, සිඩ්ඩික් එක්ක එනව මැග්නා ඇතුළු පිරිස හිල්ටොප් වලට එක්කගෙන එන්න. එන අතරමගදි මැග්නලගෙ අටල්ලට මළවුන් පහර දීල, ඔවුන්ගෙ පිරිසක් මැරිල. අටල්ලත් විනාශ වෙලා, රෑ ආරක්ෂිතව ඉඳල උදේ එන්න හදනකොට ඔවුන්ට මළවුන්ගේ ප්‍රහාරයක් එල්ල වෙනව. මිශෝන් දැනගන්නව ඒ අටල්ලට පහර දුන්නු රැලම තමයි කියල. ඒකට හේතුව මැග්නගෙ පිරිසෙ කෙනෙකුත් ඇවිදින්නෙක් වෙලා රැල එක්ක ඔවුන්ට පහර දෙන නිසා. කොහොමහරි පිරිස එතනින් බේරිලා හිල්ටොප් වලට එන්න පිටත් වෙනව.

කට්ටිය දන්නවනෙ හිල්ටොප් මේ වෙනකොට බලාගන්නෙ මැගී නෙවෙයි ජීසස්. ජීසස් කිව්වම තමයි මතක් වුණේ, ජීසස්, ඇරොන් එක්ක කතා කරකර ඉන්න අතරෙ වෙඩි හඬක් ඇහෙනුණනෙ. ගිහිල්ල බැලුවම ඒ ඉන්නෙ රොසිටා. ඇය ඉන්නෙ බාගෙට අසිහියෙන්. රොසීටා කියනව එයා ඉයුජින්ව ධාන්‍ය ගබඩාවක දාල ආව කියල. හැබැයි අඳුර වැටීම සහ ඒ වටපිටාවේ ගොඩක් මළවුන් ගැවසෙනව දකින නිසා ඇරොන් සහ ජීසස් තීරණයක් ගන්නව උදේ වෙනකං ඉයුජින් හොයන්න යන්න බෑ කියල. කොහොමහරි මේ දෙන්න රොසිටා හිල්ටොප් වලට එක්කගෙන එනව. හිල්ටොප් වලින් පණිවුඩයක් යවනව ඇලෙක්සැන්ඩ්‍රියාවට රොසීටා ගැන කියල. නමුත් මගදි මිශෝන් හමුවුණු නිසා, ඇලෙක්සැන්ඩ්‍රියාවේ මිශෝන් හිල්ටොප් වලට එනව කියන පණිවුඩය ආපු දූතයන් අතේ පිටත් කරල හරිනව. ඔන්න ඔය විදියට දැන් මිශෝන්, කැරොල්, ඩැරල්, රොසිටා, ටාරා, ඇරොන් සහ ජීසස් ඔක්කොම පිරිස දැන් හිල්ටොප් වල තමයි ඉන්නෙ. මේ අයගෙන් ඩැරල්, ජීසස් සහ ඇරොන් තව පිරිසක් එක්ක යනව ඉයුජින්ව හොයන්න. ඔන්න ඔහොම තමා එදා කතාව ඉවර වුණේ.

අද කොටසින්…

ඉතිං පරණ ගජ මිතුරන් ඔක්කොම ඔන්න මේ වෙද්දි හිල්ටොප් වලට ඇවිල්ල ඉන්නෙ. ගිය සතියෙ අවසානයේ ජීසස්, ඇරොන් සහ ඩැරල් යනවනෙ ඉයුජින් හොයාගෙන. ඉතිං මිශෝන් හිල්ටොප් වලට එනකොට ඉන්නෙ කැරොල් විතරයි. කොහොමහරි හිල්ටොප් ටාරාට බාර දීල ගියපු නිසා ටාරා කියනව ජීසස් ආවම අලුත් පිරිස තියගන්න එක ගැන කතා කරන්නම් කියල. මේ අතරෙ හෙන්රි අලුත් යාළුවො ටිකකට සෙට් වෙලා ලොකු අවුලක් ඇති කර ගන්නව. මිශෝන්, සිඩ්ඩික් එක්ක රොසීටා ලඟට වෙලා ඉන්නකොට රොසිටා සිහි ඇවිල්ල කියනව එළියට ගියපු අය ඉන්නෙ සෑහෙන ලොකු අනතුරක කියල. මේ වෙනකොට ඩැරල් ඇතුළු පිරිස ඉයුජින් හොයාගෙන එන අතරෙ මළවුන් එයාල පස්සෙන් දිගටන පන්නගෙන එනව. ඉයුජින් සාධාරණ හේතු එක්ක ඔප්පු කරනව මළවුන් පරිණාමය වෙලා කියල. ඒත් ඩැරල් ඒක පිළිගන්නෙ නෑ. එයා ඇරොන් සහ ජීසස් දෙන්නට ඉයුජින් ගෙනියන්න කියල මළවුන් නොමඟ හරින්න තමයි හදන්නෙ. ඒත් ඉයුජින් කියපු දේ ඔප්පු කරල මළවුන් ඩැරල් දිහා බලන්නෙ නැතුව ජීසස්ලගෙ පස්සෙන්ම යනව මෙහෙම යනකොට ජීසස්, ඇරොන්, ඉයුජින් තුන් දෙනා ගෙවත්තක හිර වෙනව. කුණාටුවක් ඇවිත් නිසා සැර මීදුමේ කිසි දෙයක් පෙන්නෙත් නෑ. කොහොමහරි මෙහෙම හිර වෙලා ඉන්න අතරෙ මිශෝන් එනව සහයට. ඊට අමතරව තව පිරිසකගෙ සහය ලැබෙනව. ඒ කවුද කියල ඔයාලම බලන්න. මළවුන් පරිණාමය වෙලද, නැත්තං ඇත්තටම මොකද්ද මේ වෙන්නෙ කියන එක අද ඔයාලට බලාගන්න හැකියාව ලැබෙනව. මම දන්නෙ නෑ මෙහෙම ගිහින් අපි දන්න, ආදරේ කරන චරිත කීයක් අවසානෙ ඉතුරු වේවිද කියල. අදත් අපි ආදරේ කරන කෙනෙක් සමුගන්නව. ආයෙ කවදාවත් ඔහුව අපිට දකින්න නොලැබේවි. රික් මැරුණෙ නැතුවට සතුටු වුණාට අද අවසාන මිනිත්තු කීපය හුස්ම හිර කරන්න සමත් වෙනව. ඒ ආදරණීය චරිතයකට සුබ ගමන් කියන්න වෙන නිසා.

එහෙනම් 2019 පෙබරවාරි 10 නැවත වෝකින් ඩෙඩ් තුළින් හමු වෙමු. ඒ අතරතුර මම නැවත හමුවෙන්නෙ සුපර්ගර්ල් තුළින්. සුපර්ගර්ල් අරගෙන එනකල්, හැමෝටම ජය වේවා..!

 

 

 

 

 

 

 We do not provide any torrent links.

මෙම උපසිරැසිය ඉහත HDTV පිටපත සඳහා පමණක් වලංගු වේ.

11,527 downloadsDownload The.Walking.Dead_.S09.E08.Baiscopelk.com_.zip24 KB

 

මේ ලබා දී ඇති සිංහල උපසිරැසි පිළිබද “උදයංග සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-07-03
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.