Titans (2018-) [S02 : E01] Sinhala Subtitles | ට්‍රයිගොන් ආගමනයට පසු.. [සිංහල උපසිරැසි සමඟ]

කොහොමද හැමෝටම? ඔන්න එහෙනම් අපි ටයිටන් කතාමාලාවේ දෙවන කතා සමය සමගින් තමයි මේ එකතු වෙන්නේ. මාස ගානකට පස්සේ නැවත එකතු වෙන නිසා අන්තිමට උන දේවල් පොඩ්ඩක් අමතක වෙලත් ඇති. කමක් නැහැ අපි ඒ අමතක උන දේවල් එක්ක වැඩේ පටන් ගමු. ගිය කතා මාලාව පුරාම අපි දැක්කේ රේචෙල් හරහා එයාගේ තාත්තා වන ට්‍රයිගොන්ගෙන් අපේ ලෝකයට වෙන්න යන විනාශය ගැන සහ ඒක නතර කරන්නේ කොහොමද කියන එකයි. එත් අවසානයේ ඔහු අපේ ලෝකයට එනවා. ඩික්, කෝරි සහ රේචෙල් කාටවත් ඒක නතර කරගන්න පුළුවන් උනේ නැහැ. එත් එක්කම රේචෙල් බේරගන්න ඩික් එයාල ඉන්න ගෙදරට යනවා අපි දැක්කා.

ඊට පස්සේ තමයි ට්‍රයිගොන් එයාගේ බලය පාවිච්චි කරලා ඩික් ග්‍රේසන් කියන පුද්ගලයාගේ අඳුර එලියට අරගන්නේ. ඔහුට යම් දර්ශනයක් දකින්න සලස්වනවා ට්‍රයිගොන් විසින්. ඒ දර්ශනය තුලින් තමයි අපි දැක්කේ බැට්මෑන් විසින් කරන විවිධ සාහසික ක්‍රියා වලට එරෙහිව ඩික් ක්‍රියාත්මක වෙලා අවසානයේ බැට්මෑන්ව ඩික් විසින් මරාදමන්නේ. ඔන්න ඔය දර්ශනය අවසානයේ අපි දැක්කා ඩික්ගේ ඇස්දෙක කළුවෙලා එයාව ට්‍රයිගොන් විසින් පාලනය කරන මට්ටමකට පත් කරගෙන කියල. එතනින් ඒ කතාව අවසන් වෙනකොට අපි දැක්කා තවත් සිදුවීමක්.

ඒ තමයි දෙවෙනි කතා මාලාව හරහා එකතු වෙන නව චරිතයක් වන කෝනර් කෙන්ට් හෙවත් සුපර් බෝයි සහ ක්‍රිප්ටෝ නමැති සුපිරි බලයක් තියෙන බලුපැටියා. ඒ වගේම ඊට අමතරව ඇක්වාලෑඩ්වත් අපිට ඉදිරි කොටස් තුලින් දැකගන්න ලැබේවි. මේ කතා කලේ සුපිරි වීරයන් ගැන ඒ වගේම වීරයෝ ටික එක්ක සටන් කරන්න අලුතෙන් හතුරෝ ටිකකුත් එකතු වෙනවා. ටයිටන් කණ්ඩායමේ ප්‍රධාන හතුරෙක් වන ඩෙත්ස්ට්‍රෝක් සහ එයාගේ දුවත් එකතු වෙනවා. මුලින් ඇය ටයිටන් සාමාජිකාවක් උනාට පසුකාලීනව සතුරෙක් බවට පත්වෙන බව තමයි කොමික් වල සඳහන් වෙන්නේ. විල්පසන් පවුලේ සාමාජිකයෙක් වන රෝස් විල්සන් අපිට පූර්ව ප්‍රචාරක පටන් දකින්න ලැබුනා. ඒ වගේම ටයිටන් ටවර් එකත් මේ කතා සමය තුල දකින්න ලැබේවි. ඊට අමතරව ඩොක්ටර් ලයිට් සඳහා Fear the Walking Dead සඳහා රංගනයෙන් එක්වූ  Michael Mosley පවා එකතු වෙනවා.  එහෙනම් අද කොටස ගැන කියන්න කලින් බලන්න කියල අරාධනා කරන ගමන් මම ගිහින් එන්නම්. හැමෝටම ජය!

ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මීට සති දෙකකට කලින් මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහ මෙතනින් එක්වෙන ලෙසින් හැමෝටම ආරාධනා කරනවා.

 

 

 

 

 

Due to copyright issues, we no longer provide any torrent links.

ලබා දී ඇති උපසිරසි WEB පිටපත් සඳහා අදාළ වේ.

10,039 downloadsDownload Titans.S02E01.zip26 KB

මේ ලබා දී ඇති සිංහල උපසිරැසි පිළිබද “හසන්ත වික්‍රමරත්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

ADMIN MEMBER
JOINING DATE – 2012-12-29
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.