Under the Dome [S03 : E08] | හැරවුම් ලක්ෂ්‍යය! [සිංහල උපසිරැසි සමඟ]

කොහොමද යාළුවනේ? ඔන්න අද මේ කතා මාලාවේ 8 වන කොටසට උපසිරැසි අරන් මං ඔයාලව මුණ ගැහෙන්න ආවෙ. ගිය සතියේ 7 වන කොටසින් ගොඩක් දේවල් සිද්ධ උණා මතක ඇති. උල්කා වර්ෂාවකින් ආරම්භ වෙලා ලෝක විනාශය සිද්ධ වෙන බවක් තමයි පසුගිය කොටස පුරාවට අපි දැක්කෙ. ඒ අතරෙ කෝෂය ඇතුළෙ ඉන්න ක්‍රිස්ටීන්ගෙ අවසාන ඉල්ලීම උණේ සෑම්ව අරන් එන්න කියලා. ජූනියර් ඒ වෙනුවෙන් නැවත නගරයට යනවා. ජෝ සහ නොරී දෙදෙනා හන්ටර් එක්ක ලොකු අඩව්වක් අල්ලලා කොහොමහරි ඔහුව යථා තත්වයට පත් කර ගන්නවා. ඒකෙන් එයාලා දැන ගන්නවා හැඟීම් වලින් තමයි ආසාදනයට ලක් උණ අයව නැවත යථා තත්වයට පත් කර ගන්නෙ කියලා. ඥාතිත්ව කණ්ඩායමෙන් පැනලා ගිහින් හැංගිලා ඉන්න මේ කට්ටියව බේර ගන්නෙ සෑම්. ලෝක විනාශයක් පෙනි පෙනී උණත් ඊවා උත්සාහ කරන්නෙ ක්‍රිස්ටීන් කිව්ව විදියට බාර්බිව සහකාරයා කරගන්න. නමුත් ඒ උත්සාහය මෙවරත් ජයග්‍රාහී ලෙස අසාර්ථක වෙනවා. 🙂 ඔය අතරෙ ලෝක විනාශයේ දුකට හොඳට පදම් වෙන්න අඩියක් ගහපු ජුලියා සහ ජිම් පිස්සු නට නටා විකාර කියව කියව ඉන්නවා. මිනිස්සු බිව්වම කරන්නෙ මොනවද ඉන්නෙ කොහේද කියලා දන්නෙ නෑනෙ ඉතින්. 🙂 රැජිනව බේර ගන්න කියලා ජූනියර් හැමෝම අයව එකතු කරනවා. ක්‍රිස්ටීන් කිව්ව විදියටම ජූනියර් සෑම්ව අල්ලගෙන ඉන්න තැනින් තමයි කතාව ඉවර උණේ. ගියවර කොටස අවසානයේ ඥාතිත්වයට විරුද්ධව සටන් කරන්න අපේ පොඩි හමුදාවක් ලෑස්ති බවක් පෙන්නුවා. ඒ හමුදාවෙ බිග් ජිම්, ජුලියා, නොරී, ජෝ සහ හන්ටර් තමයි ඉන්නෙ. (අමතක උණානේ. අර බලු මල්ලිත් ඉන්නවා. මං කිව්වෙ ඉන්ඩි ගැන :))

ගිය සතියෙ පැටලුණ නූල් බෝලයේ එක කෙළවරක් හොයා ගත්තට ඉතින් නූල් බෝලෙ තාමත් පැටලිලානේ, අද කොටසේ සෑම්ට ලොකු අකරතැබ්බයකට මුහුණ දෙන්න වෙනවා. ක්‍රිස්ටීන් උත්සාහ කරන්නෙ ඔහුව ඥාතිත්වයේ කොටසක් කර ගන්න. ඒ අතරෙ අපි බොහොම අකමැත්තෙන් හිටපු සම්බන්ධයක් දුර දිග යනවා. අද පොඩි හමුදාව දියත් කරන පළවෙනි මෙහෙයුමෙන් ලොකු වෙනසක් ඇති වෙනවා. ඇත්තටම ඒක හැරවුම් ලක්ෂ්‍යයක් බවට පත් වෙනවා. මේ මෙහෙයුමට මෙයාලට තව කෙනෙක්ගෙන් උදව් ලැබෙනවා. ඒත් ඉතින් අද බොහොම දුක හිතෙන විදියට කතාවෙ මුල ඉඳන් හිටපු චරිතයක් මරණයට පත් වෙනවා. මැරෙන්නෙ කවුද? පොඩි හමුදාවෙ මෙහෙයුම මොකක්ද? ඒක හැරවුම් ලක්ෂ්‍යයක් වෙන්නෙ ඇයි? ඒකට උදව් ලැබෙන්නෙ කාගෙන්ද? සෑම්ට මොකද වෙන්නෙ? ක්‍රිස්ටීන් මොකද කරන්නෙ? පහුගිය කථාවෙන් පෙන්නපු ලෝක විනාශය මොන වගේ බලපෑමක්ද කියලා කතාව බැලුවම දැන ගන්න පුළුවන්. ඒ වගේම අද හැරවුම් ලක්ෂයෙන් කතාව කොයි පැත්තට ගලා ගෙන යාවිද කියල ඊළඟ කොටසින් බලමු.

එහෙනම් අදට මම සමු ගන්නවා. ලබන සතියේ මේ කතා මාලාවේ 9 වනකොටසින් මුණ ගැහෙමු. ඔයාලා හැමෝටම සුබ සතියක්!

බයිස්කෝප් අඩවියට ජය!!!

 

 

239 MB කොපිය මෙතනින් බාගන්න

e9d6b66171c993f9e94bdf02f025a05d10602555

358 MB කොපිය මෙතනින් බාගන්න

39b8d3874674550883271dfb4c25a22964ed3ee0 Hash tag එක මාර්ගයෙන් ඉතා පහසුවෙන්ම, මෘදුකාංගය හරහා පමණක් ටොරන්ට් එක බාගත කරගන්න උපදෙස් සිංහලෙන්ම මෙතන තියනවා.

7,355 downloadsDownload 201508090846baiscopelk.zip50 KB

 

https://d36zzuvfojr38z.cloudfront.net/wp_content/uploads/2014/09/Sherin-Ginige-e1410882085927.jpg මේ ලබා දී ඇති සිංහල උපසිරැසි පිළිබද “ෂෙරින් සමාධි ගිනිගේ” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

<< Previous Episode                      All Episodes                        Next Episode>>