3:33 (2021) Sinhala Subtitles | වෙලාවක් කොහොමද මිනිස්සු මරන්නෙ? [සිංහල උපසිරසි]

කදිර් ඉපදුනේ 3.33ට. රස්සාවක් හොයමින් ඉන්න කදිර්ට රස්සාවක් ලැබෙන්නෙම නැහැ. රස්සාවක් නේද ලැබෙන්නෙ නැත්තෙ කියලා ව්‍යාපාරයක් පටන් ගන්න ණය අයදුම් කරනවා. ඒත් කොහෙන්වත්ම ණය ලැබෙන්නෙත් නැහැ. අම්මා, අක්කා, අක්කගෙ දුව තුන් දෙනා එක්කයි කදිර් ජීවත් වෙන්නෙ. කදිර් පවුලත් එක්කම හිටපු ගෙදරින් වෙනත් ගෙදරක පදිංචියට යනවා. මේ ගෙදරට පය තිබ්බ වෙලාවෙ ඉඳන් අසාමාන්‍ය දේවල් සිද්ද වෙනවා කදිර්ට දැනෙනවා. හරියටම රෑ 3.33ට කදිර්ට ඇඟම හොලවගන්න බැරිව ගල් වෙනවා. ඒ වෙලාවට කතා කරන්නවත් බැරි වෙනවා. කදිර්ගෙ ගෙදරට එන පියතුමෙක් කදිර්ගෙන් එයාගෙ පවුලෙ අයට ඈත් වෙන්න කියලා අනතුර අඟවනවා. කදිර් දොස්තර කෙනෙක් මුණ ගැහුණත් බෙහෙත් ටිකක් ඇරෙන්න වෙන සහනයක් ලැබුණෙ නැහැ. කදිර් ඉපදුනු මේ 3.33 කියන වෙලාව තමන්ගෙ පස්සෙන් පන්නගෙන එනවා කියලා තදින්ම විශ්වාස කලා. මේ ඔක්කොම සිද්ද වෙන්නෙ 3.33 වටායි. කදිර් 3.33 ගැන යූටියුබ් එකේ තිබුණ සාකච්ඡාවක් හොයා ගන්නවා. ඒ සාකච්ඡාවෙදි මේ 3.33න් ගැලවෙන විදිහ ගැන පැහැදිලි කරනවා. බැරිවෙලාවත් මේකෙන් ගැලවෙන්න බැරිවුණොත් මොකද වෙන්නෙ කියලා…

මේක Psychological Horror චිත්‍රපටයක්. දෙමළ චිත්‍රපටි වලින් නම් Ra (2014) චිත්‍රපටයේ රතු දොරක් වටායි කතාව යන්නෙ. ඇරිලා තියෙන ඒ රතු දොර වහන්න පුළුවන් වෙනවද, නැද්ද කියලයි ඒ චිත්‍රපටයෙන් පෙන්වන්නෙ. මේක අහද්දි වෙන චිත්‍රපටියක් මතකෙට එනවා නම්, ඒ Insidious (2010) චිත්‍රපටිය. ‘ර’ චිත්‍රපටියට ඉන්සීඩියස් චිත්‍රපටය ගොඩක් කාවද්දගෙන තියෙනවා. Amityville Horror චිත්‍රපට මාලාවේ එන සිද්දිවලට සමාන කතාවක් මේ චිත්‍රපටයෙ දැකගන්න පුළුවන්. The Number 23 (2007) චිත්‍රපටියේ 23 අංකේ තියාගෙන එකතු කරලා, අඩු කරලා සෙල්ලම් දාලා පිස්සු වැට්ටුවා බලපු අයට මතක ඇති. මේ චිත්‍රපටියෙන් 3.33 ඇයි ආයේ ආයේ දකින්නෙ කියන එක වටා මේ කතාව ගෙතී යනවා.

666 යක්ෂයගෙ ඉලක්කම කියලයි හඳුන්වන්නෙ. එහෙම 666 පිළිවෙලට පිහිටන කොට අසුභයි කියලයි කියන්නෙ. 666 පිහිටන වෙලාවක වැඩක් කරන්නත් සමහර ක්‍රිස්තියානි ආගමිකයන් බය වෙනවාලු. 2006 ජුනි මාසෙ හයවෙනිද ක්‍රිස්තියානි ආගමිකයන් තමන්ගෙ දරුවගෙ ප්‍රසූතිය තියාගන්න කැමති වුණේ නැහැ.

Antichrist කෙනෙක් නැත්නම් ක්‍රිස්තු විරෝධියෙක්, යක්ෂයෙක් විදිහට හඳුන්වන Nero Caesar කියන කෲර අධිරාජ්‍යයාගේ නම Hebrew භාෂාවෙන් ලියලා, ඒ අකුරුවලින් එන ඉලක්කම් එකතු කලහම 666 ලැබෙනවා. මේ නීරෝ සීසර් ක්‍රිස්තියානි අයව කෲර විදිහට මරා දැම්මා කියලත් සඳහන් වනවා.

666 ගැන එහෙම තිබුණත්, 333 නම් ගොඩක් විස්තර තිබුණෙ ඒක දෙවියන්ගේ අංකයක් කියලයි. මේ 333 දැකීම ආශිර්වාදයක් වගේ දෙයක් විදිහටයි සලකන්නෙ. මේක හොඳ නරක දෙපැත්තටම අදහස් තියෙනවා. චිත්‍රපටයේ මේක Half-Evil අංකයක් විදිහට හඳුන්වනවා. මේ ගැන ඒ තරම් තොරතුරු නොදන්න නිසා තවත් දුරට යන්නෙ නැහැ. කොහොම වුනත් චිත්‍රපටයේ එන සමහර දේවල් නිර්මාණාත්මක භවය වෙනුවෙන් මනඃකල්පිතව එක් කරලා තියෙනවා.

මේ චිත්‍රපටයේ නර්තන ගුරුවරයෙක් වන සැන්ඩි නළුවෙක් විදිහට සිනමාවට පිවිසෙනවා. මීට පෙරදී Parris Jeyaraj (2021) චිත්‍රපටයේ “පුලි මාන්ගා පුලිප්” ගීතයේදී හමුවනවා. දැන් දැන් නළුවෙක් විදිහටත් දකින්න පුළුවන් වෙන ප්‍රසිද්ධ චිත්‍රපට අධ්‍යක්ෂක GVM නොහොත් ගෞතම් වාසුදේවන් මෙනන් වගේම මයිම් ගෝපි, සරවනන් යන අයද මෙහි දක්නට ලැබෙනවා.

අදහස් දක්වන හැමෝටමත්, බයිස්කෝප් එක්ක එකතුවෙලා ඉන්න හැමෝටමත් ස්තූතියි!

බුදු සරණයි! සියළු දෙවි දේවතාවුන්ගේ රැකවරණයි!

Due to copyright issues, we do not provide any torrent links.