Asur [S02 : E05] Sinhala Subtitles | මාරයාගේ දවස ළඟයි [සිංහල උපසිරැසි] (18+)

2020 වසරේ කොරෝනා සමයේ කවුරුත් ගෙවල් වලට වෙලා විවේකිව ඉද්දි Voot හරහා අලුත්ම අලුත් හින්දි කතාමාලාවක් නිකුත් වුණා. හතු පිපෙන්නා වගේ වේගෙට කතාමාලා බිහි වෙන වකවානුවක මේ කතාමාලාව සුවිශේෂී තැනක් ගත්තා. ප්‍රේක්ෂකයන් නොසිතු ගණයේ අත්දැකීමක් තිළිණ කරන්නට මේ අසුරයන් වග බලාගෙන තිබුණා. Asur උන්මාදයක් වුණේ මේ නිසාමයි. අනපේක්ෂිත අවසානයක් එක්ක පළමු කතාසමයෙන් Asur නිහඬ වෙන්නේ ප්‍රේක්ෂකයන්ගේ ඉවසීම පරික්ෂා කරමින්. ඉතින් කාගෙත් ඒ ඉවසීමට අවසානයක් සටහන් කරගෙනම පහුගිය දිනෙක Jio Cinema ඔස්සේ Asur දෙවන කතාසමය එලි දකිනවා. අලුත් කතාසමයකින් මුළු කතාමාලාවේම ගුණත්වය විනාශ කරන වකවානුවක Asur නම් සිද්ධ කළේ අනිත් පැත්ත. පළමුවැන්නට සාධාරණයක් ඉටු කරන දෙවැන්නක් බිහිකරන්නට Asur නිර්මාණකරුවන් වග බලාගෙන තිබුණා. ඉතින් මේ දවස් වල අපි මේ දෙවැනි කතාසමය රස විඳගෙන යන ගමන්. කොටස් 4ක් බලලා ඉන්න ඔබට 5වෙනි කොටස අරගෙන තමයි අද මම ආවේ. පහුගිය කොටසේ සිද්ධ වෙච්ච දේ ටිකක් මතක් කරගමු.

සැකයෙන් හිටපු දේම සිද්ධ වුණා. ඉෂානිගේ රහස් මෙහෙයුම රසූල්ට රහසක් නොවුණු නිසාම ඉෂානිට සිද්ධ වුණා මැරුම් කරන්න. ඉෂානිව නොදැක්ක නිසාම නිඛිල්ට අමුත්තක් දැනෙන්න ගත්තා, ඉෂානි රසූල් ගැන කියපුවත් එයාගේ ඔලුවේ වැඩ කරා. වහාම ක්‍රියාත්මක වුණත් නිඛිල් ආයෙත් වතාවක් අසමත් වෙනවා. කලින් වගේම. තවත් සාමාජිකයෙක් ATF එකට අහිමි වෙනවා. ඔය අතර DJ කේසර්ව පැහැරගෙන ඇවිත් එයා මාර්ගයෙන් වෙබ් අඩවියට ඇතුල් වෙන්න උත්සහ කළත් ඒක කරගන්න බැරිවෙනවා. ඉෂානිගේ මිනීමැරුමට නිඛිල් ප්‍රසිද්ධියේම සැක කළේ රසූල්ව. නිඛිල්ගේ ආක්‍රමණශීලී හැසිරීම නිසා රසූල්ගෙන් ප්‍රශ්න කරන්න ATF එක පියවර ගන්නවා. හම්බවෙච්ච තොරතුරු එක්ක DJ රසූල්ගේ අතීතය ගැන හොයන්න ගන්නවා. ඒ හෝදිසි මෙහෙයුමේදී රසූල් කියන්නේ රසූල් නෙවේ කියලත් ශුබ් එක්ක හිරෙන් පැනලා ගියපු තවත් සහචරයෙක් කියලත් හොයාගන්නවා. පස්සේ DJ, ATF එකට ගිහිල්ලා මේ හැම තොරතුරක්ම එලිදක්වනවා. ATF වහාම ක්‍රියාත්මක වුණත් රසූල් ඒ වෙද්දීත් වහන් වෙලා හිටියේ. මිනිහා ශුබ්ගෙන් තව එකම එක අවස්ථාවක් ඉල්ලා හිටියා මතක ඇති. ඔය අතර DJ ට රසූල්ගෙන් ඇමතුමක් එනවා. තමන්ගේ අයව පරිස්සම් කරගන්න කියලා තමා රසූල්ගේ තර්ජනය වුණේ. ඊට සමගාමීව නුස්රත්ටත් ඇමතුමක් එනවා මතක ඇති. එයාගේ අම්මා අසනීප වෙලාය, ඉක්මනට ඉස්පිරිතාලෙට එන්න කියලා තමා කතා කරපු කෙනා කිව්වේ නම්. හැමදේම DJ ට තේරුම් යන්න විනාඩියක් යන්න ඇති. එයා එවෙලේම නුස්රත්ට ඇමතුමක් ගත්තා. ඒ වෙද්දීත් පරක්කු වැඩියි.

දැන් එතන ඉඳන්…

Due to copyright issues, we do not provide any torrent links.

මෙම ලබා දී ඇති උපසිරසිය WEB පිටපත් සඳහා ලබා දි ඇත.

මේ ලබා දී ඇති සිංහල උපසිරැසි පිළිබද “රවිදු හේෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

ADMIN MEMBER
JOINING DATE – 2020-05-05
SUBMAKER RATING BY ADMINS