Behind Her Eyes (2021) [S01 : E01] Sinhala Subtitles | අහඹු හමුවීම් දෙකක්.. [සිංහල උපසිරැසි සමඟ] [18+]

ඔන්න එහෙනම් සෑහෙන කාලෙකට පස්සේ සබ් එකක් අරගෙන ආයෙත් බයිස්කෝප් අඩවියට ගොඩවැදුනා. ඇත්තටම ගිය අවුරුද්දේ නොවැම්බර් 9 වෙනිදට පස්සේ තමයි මේ සබ් එකක් කලේ. ඉතින් මෙදාපාර අතගැහුවේ මේ අවුරුද්දේ පෙබරවාරි මාසේ නිකුත් වුනු අලුත් කතාමාලාවකට. එහෙනම් වැඩිය කතාකරන්නේ නැතුව සිරිස් එක ගැන පොඩි විස්තර ටිකක් කියලම ඉන්නම්. මොකද මේක ඔයාලා ගොඩක් කැමති Lucid Dreaming කියන මාතෘකාවට වක්‍රව සම්බන්ධ වෙලා තියෙන නිසා. මං එහෙම කිවුවෙන් නැතිනම් ඔයාලා හිතයි මේකත් සාමාන්‍ය ගනයේ මනෝවිද්‍යාත්මක කතාමාලාවක් කියල, ඒකයි!

කොටස් හයකින් සමන්විට කෙටි රුපවාහිනි කතාමාලාවක් ලෙස තමයි මේක නිර්මාණය උනේ. ඒවගේම Netflix ලගේ හොඳම Thriller කතාමාලා 10 අතරේ මේකත් තියෙනවා. Supernatural, Psychological, Thriller ගණයට වැටෙන මේ කතාමාලාව Netflix හරහා 2021 පෙබරවාරි 17 වෙනිදා ඇමරිකාවේදී තමයි නිකුත් කලේ. හැබැයි නිෂ්පාදනය කරලා තියෙන්නේ එක්සත් රාජධානියේ. ඒවගේම විශේෂයෙන් කියන්න ඕන මේක Sarah Pinborough කියන ඉංග්‍රීසි ජාතික ලේඛිකාව විසින් 2017 දී රචනා කර මේ නමින්ම නිකුත් කරපු පොතක් ආශ්‍රයෙන් තමයි නිර්මාණය කරලා තියෙන්නේ. IMDb දර්ශකයේ 7.2 ක අගයක් ලබාගෙන තියෙනවා වගේම නැරඹු සියලුම දෙනා කියලා තියෙන්නේ හිතුවෙවත් නැති අවසානයක් ලැබුණු කතාමාලාවක් කියල තමයි. ඇත්තටම මාවත් කරකවලා ඇත හැරියා වගේ උනා අන්තිම කොටස් දෙක බලනකොට. හැබැයි මං කතාමාලාව ගැන කිසිම විශේස තොරතුරක් කියන්න යන්නේ නෑ, මොකද එහෙම කිවුවොත් බලාගෙන යනකොට ලැබෙන පුදුමකිරීම් සහ අමුතු සිදුවීම් වලින් බලන කෙනාගේ රසයට හානි වෙනවා. එහෙනම් කතාවේ අභ්‍යන්තය පොඩ්ඩක් පැහැදිලි කරලා දෙන්න කලින් පොඩි දැනුම්දීමක් තියෙනවා.

හැම කැටගරියකම වගේ කතා බලන කෙනෙක්නම් අනිවාරෙන්ම මේ කැටගරි එක ඔයා ආසම එකක් වෙන්න ඇති. නමුත් තෝරා බේරාගෙන හැමදෙයක්ම බලන ඔයා බලාපොරොත්තු වෙන්නේ ක්‍රියාදාම පිරුණු, ත්‍රාසජනක, මනෝවිද්‍යාත්මක කතාමාලාවක්නම් මේක ඔයාට ගැලපෙන්නේ නෑ. මොකද මේකේ කිසිම ක්‍රියාදාම ජවනිකාවක් නෑ. හැබැයි කරකවලා අතහැරියා වගේ අවසානයක් බලාපොරොත්තු වෙන, කතාව අතරමැදදී මෙච්චර දුර හිතාගෙන ආපු හැමදේම වැරදියි නේද කියල හිතෙන, මෙච්චර කල් අහිංසකයි කියල හිතුන අය වැරදිකාරයො වෙන, දුෂ්ටයා කියල හිතන් හිටිය අය අහිංසකයින් ගානට වැටෙන විදිහේ අවසානයක් බලාපොරොත්තු වෙනවානම් මෙන්න ඒ විදිහේ කතාවක්. මොකද මේක ටිකක් ඉවසීමෙන් බලන්න ඕන, මුල් කොටස් දෙක වගේ ඉවර වෙනකන් කිසි පිළිවෙලක් නෑ, මුකුත් විශේෂ දෙයක් සිද්ධ උනේ නෑනේ කියල ඔයාලට හිතෙන්න පුළුවන්. හැබැයි අවසානෙට එද්දී මුල් කොටස් ටික ගානට සම්බන්ධ වෙලා, පුංචිම දෙයක් පවා මේකට සම්බන්ධ උනේ කොහොමද කියල ඔයාලට බලාගන්න පුළුවන් වෙයි. හැබැයි එහෙම වෙන්නේ ගොඩක් අවධායෙන් බලන් හිටියොත් විතරයි. එහෙනම් මං කතාව ගැන බොහොම පොඩ්ඩක් වගේම මේ කොටසේ ආරම්භය ගැන කෙටියෙන් විස්තරයක් ලබාදෙන්නම්.

ලුයිස් කියන්නේ දරුවෙක් එක්ක තනිවුන අම්ම කෙනෙක්. ඉතින් එක දවසක් එයාගේ යාලුවෙක් එක්ක සතුටුවෙන්න කියල බාර් එකකට ගිය වෙලාවක හදිස්සි අතපසුවීමකින් ඩේවිඩ් කියලා පිරිමි කෙනෙක් හමුවෙනවා. ඉතින් එතනින් ඒ දෙන්නා ටිකක් දැන අඳුරගෙන යාළුවො විදිහට සමු අරගෙන යනවා. ඉතින් පහුවදා මේ ලුයිස් තමන්ගේ රස්සාව කරන තැනට ගියාම තමයි දැනගන්නේ ඊයේ රෑ හම්බවුන ඩේවිඩ් කියන්නේ තමන්ගේ අලුත් බොස්, එහෙමත් නැත්තන් එතනට ආපු අලුත් මනෝචිකිත්සක වරයා කියලා. ඉතින් කොහොම හරි මේ දෙන්න අතරේ හාද කමක් ඇතිවෙනවා.නමුත් මේ ඩේවිඩ් කියන්නේ කසාද බැඳපු කෙනෙක්. ඒ අතරේ මේ ලුයිස්ට හදිසියේම අතරමගදී අහම්බෙන් වගේ ඩේවිඩ්ගේ බිරිඳ ඇඩෙල් ව හමුවෙනවා. මෙයා ටිකක් අමුතු, ගුප්ත ගෑනු කෙනෙක්. මේ ගැනත් ලුයිස්ට ටිකක් අමුත්තක් දැනෙනවා. හදිසි හමුවීම නිසා ඇඩෙල් කියනවා කෝපි එකක් බොන්න කැෆේ එකකට යමු කියල. ( ඒ අතරේ ඇඩෙල් ගෙ අතීත කතාවකුත් පැත්තකින් අපිට පෙන්නනවා, එතැනදී රොබ් කියන චරිතයත් හඳුනාගන්න ලැබෙනවා). ඉතින් පලවෙනි කොටස ඉවර වෙන්නේ ඔහොම තමයි.

මීට වැඩිය මං කියන්න යන්නේ නෑ, ප්‍රේක්ෂකයින් අල්ලගන්න ඕන නිසා සහ සබ් ඩවුන්ලෝඩ් වැඩිකරගැනීම උදෙසානම් මට පුළුවන් කතාවේ අවසානය ගැන ඔයාලට දැන්ම කියල දාන්න, එතකොටනම් අනිවාරෙන්ම ගොඩ දෙනෙක් බලයි. හැබැයි මට ඕනේ ඇත්තටම උවමනාවක් තියෙන කෙනෙක් මුල ඉඳන් බලලා මට ලැබුණු අත්දැකීමම ලබාගන්න එක. එහෙනම් දෙවෙනි කොටසින් හමුවෙමු.

බයිස්කෝප් අඩවියට ජය!

Due to copyright issues, we do not provide any torrent links. 

ලබා දී ඇති උපසිරැසි WEB පිටපත් සඳහා පමණක් අදාළ වේ.

[author]

මේ ලබා දී ඇති සිංහල උපසිරැසි පිළිබද “රඛිත රණතුංග” සොහොයුරාට සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author]

Subtitle Contributor Rank

GOLD MEMBER
JOINING DATE – 2013-05-21
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]