Inhumans [S01 : E04] with Sinhala Subtitles | තම පවුලේ සාමාජිකයන් සොයා [සිංහල උපසිරැසි සමඟ]

අනික් හැම ඉන්හියුමන් කෙනෙක්ටම වගේ මෙඩූසටත් එයාගෙ බලය ලැබිලා තියෙන්නෙ ටෙරිජන් වලින්. ඉතින් එයාගෙ හැකියාව තමයි එයාගෙ කොන්ඩෙ පාලනය කරන්න පුළුවන් කම. මෙයාගෙ කොන්ඩෙ සමහර තැන් වල කියලා තියෙන විදිහට සුඛෝපබෝගී, විනාශ කරන්න බැරි ග්‍රහණය කර ගැනීමට පුළුවන් රතු පැහැ කෙස් කලඹක් විදිහට.

මෙයා සාමාන්‍යයෙන් අතින් පයින් ගහ ගන්න කෙනෙක් නෙවෙයි, මොකද සටනකදි අතින් පයින් ගහනවට වඩා ඇස් පිය ගහන ක්ෂනයකින් සතුරන්ව බිම දාන්න මෙයාගෙ රතු කොන්ඩයට පුළුවන්.

මම කලින් සතියෙ කිව්වනෙ බ්ලැක් බෝල්ට්ගෙ ඇදුමෙ අඩුපාඩු ගැන. ඒ වගේම තමා මෙඩූසගෙත් ඇදුම වගේම එයාගෙ කොන්ඩෙ එහෙම නැත්නම් පාවිච්චි කරපු විග් එකෙත් අවුල් තියෙනවා. ප්‍රේක්ෂකයෝ අහලා තිබුනෙ ” මාවල් ඔහෙලා මොන මගුලක්ද ඕයි මේ කරන්නෙ” කියලා. මොකද මෙඩූසගෙ විග් එක ඒ තරම් අවුල් එකක්. “Wearing what looks like a Party City wig. Marvel, what the fuck is going on?”.

මම හිතන්නෙ ඒක දිහා හොදින් බැලුවොත් ඒක බොරු එකක් බව ඕනවටත් වඩා හොදට පේනවා.

Serinda Swan දක්ෂ නිළියක්කියලා පිළිගමුකො. ඒත් එයාගෙ ඔලුවට දාලා තියෙන විග් එක ඇත්තටම රාජකීය පවුලට ගැලපෙන එකක් නම් නෙවෙයි. පාවිච්චි කරලා තියෙන කොන්ඩෙ තනිකරම කෙලින් තියෙන්නෙ. ඒකෙ කිසිම දරුණුපෙනුමක් දකින්න නෑ. මොකද කොමික් එක්ක සැසදුවාම වෙනස්ම කොන්ඩ දෙකක් කිව්වැකි. මට නං හිතෙන්නෙ ඇත්තටම මේ අයගෙ පවර්ස් ඇදුම් ගැන අධ්‍යක්ෂකවරයා වැඩිය හිතලා නෑ කියලා. හරි දැං කට්ටිය හිතන්න පුළුවන් කොමික් වල තියෙන ඒවා ගෙඩිය පිටින්න රූපවාහිනිතිරයට ගේන්න අමාරුයි කියලා. හරි ඒත් මේ කප් කරන කෙනාට පුළුවන්නෙ ගැලපෙන මේකප් එකක්, ගැලපෙන විග් එකක් පාවිච්චි කරන්න. ඉතුරු හරිය ඇනිමේෂන්වලට බාරයි.

අපිදැන් මෙඩූසා ගැන පෝඩ්ඩක් බලමු මෙඩූසගෙ කොන්ඩෙ ගත්තොත් ඝනව වැවුනු, ආතන්‍ය බලයක් සහිත, වගේම කොන්ඩ ගහකුයි ඒ ඝනකමම තියෙන යකඩ වයර් එක්කුයි ගත්තොත් මෙයාගෙ කොන්ඩෙ ඊටත් වඩා හයියයි. තවත් දෙයක් තමයිමෙඩූසගෙ කොන්ඩෙ සාමාන්‍ය දිග වගේ දෙගුණයක් දිග් කිරීමෙ හැකියාවත් තියෙනවා. මෙඩුසගෙ කොන්ඩෙ ලිහිල්ව තියෙන වෙලාවට සාමාන්‍ය දිග ආසන්න වශයෙන් අඩි6 විතර වෙනවා (1.8m). ඒ වගේම තමා මෙයාගෙ කොන්ඩෙ පාවිච්චිකරලා ටොන් 1.6 බරක් ඉසිලීමෙ හැකියාව තියනවා. තව ඕන තරම් දේවල් තියෙනවා මෙයාගෙ කොන්ඩෙට කරන්න පුළුවන් ඒත් ඉතිං මෙතන කියන්න ගියොත් ලිපිය සෑහෙන්න දිග් වෙනවා. ඒ හින්දා ඔය ඇති.

ඇත්තම කියනව නම් මම නම් මෙඩුසගෙ චරිතයෙ ලොකු යමක් කතාව ඇතුලෙ දැක්කෙ නෑ. ඇත්තටම ලොකු රගපෑමක් දැක්කෙත් නෑ. කෙසේ වෙතත් අපිට දකින්න ලැබුනා කොමික් වලදි වගේම මෙඩූසගෙ කොන්ඩෙ කපලා දානවා. හැබැයි කොමික් වලදි මෙඩූසගෙ කොන්ඩෙ කපන්නෙ මැක්සිමස්ගෙ අතින්මද කියලා මම දන්නෙ නැ. කෙසෙ වෙතත් කොන්ඩෙ කපනවා. හැබැයි මැෂින් එකෙන් නෙවෙයි හොඳේ. කොමික් එකෙයි ටිවි ෂෝ එකෙයි සෑහෙන්න වෙනස් කම් තියෙනවා. මේකෙ විතරක් නෙවෙයි ඇරෝ, ෆ්ලෑෂ් ගත්තත් එහෙම තමා. ඒක නිසා මැෂින් එකෙන් කොන්ඩෙ කැපුවද නැත්තං කතුරෙන් කැපුවද කියන එක මහවට හිතන්න ඕන දෙයක් නෙවෙයි. දැකලා නැති අයට බලාගන්න පින්තූරයක් එකතු කරන්නම්.

ලොකු විස්තරයක් කියන්න තරම් වෙලාවක් නෑ. ඒ නිසා ඔය කිව්ව බොහොම සුළු විස්තරයෙන් සෑහීමකට පත්වෙන්න වෙනවා ඔයාලට. කතා මාලාවෙ ඉදිරි කොටස් 4ත් මේ වගේම කතාවෙ ඉන්න චරිතයක් ගැන කියන්න හිතන් ඉන්නවා. ඔයාලගෙ සහය මත තමා ඒක රදා පවතින්නෙ. හරි ඊලගට කියන්න ඉන්නෙ GOT වල වගේම මේ කතාව තුලත් සුපිරි රංගනයක නිරත වෙන Iwan Rheon ගැන නෙවෙයි Iwan Rheon රංගනයෙන් දායක වෙන මැක්සිමස් ගැන. ඉතිං ඔය කාටහරිමේ චරිතෙ නැතුව වෙන කෙනෙක් ගැන යමක් දැන ගන්න ඕන නම් කියන්න. සලකා බලන්නම්.

දැං ඉතින් සුපුරුදු පරිදි කලින් කොටසින් මතක් කරන් ඉමු..

මහාචාර්ය ඩික්ලන් කියලා කෙනෙක් දැනගන්නවා බ්ලැක් බෝල්ට්ට තියෙන බලය වගේම එයා කවුද කියන එකත් කොහොම වෙතත් බෝල්ට් ඒ වෙනකොට රැදවුම් මධ්‍යස්ථානයක රදවලයි තියෙන්නෙ. ඒ අතරෙ මැක්සිමස් ක්‍රිස්ටල්ට කියලා ප්‍රවේණි කවුන්සිලය ඉදිරියෙ කතාවක් කරවන්න හදන්නෙ. ඔය පල හිලව් අස්සෙ ගොර්ගාන් සටනකට සූදානම් වෙනවා.

මෙඩූසා මැක්සිමස්ව හොයාගෙන යන ගන්නවා. එයාගෙ ඇදුම් පැලදුම් සේරම වෙනස් කරගන්නවා. ඔය අතරෙ ගෝර්ගාන්ව හොයාගෙන ඔරාන් ඇතුළු පිරිස එනවා. එතනදි නම් ලොකු සටනක් ඇති වෙනවා. ඒ නමුත් මොර්ඩිස් නිසා කට්ටිය පහු බහිනවා. කොහොම වෙතත් ගොර්ගාන්ගෙ ටීම් එකෙ කෙනෙක් එතනදි මැරෙනවා. ක්‍රිස්ටල් ප්‍රවේණි කවුන්සිලය ඉදිරියෙ කතාව කරන්න කැමති වුනත් එතනදි හැමෝටම කොකා පෙන්නලා ලොක්ජෝ එක්ක ඇට්ලැන් වලින් පැනගන්නවා. ඔය අතර වාරයෙ බ්ලැක් බෝල්ට්ට කදවුරේ දි හමුවුනු මිතුරත් එක්ක එතනින් පැන ගන්නවා. එයාලගෙ සහයට මහාචාර්ය ඩික්ලන් එතනට එනවා. ඔය වෙලාවෙම මෙඩූසත් එතනට ආවත් එතකොටත් බෝල්ට් ඇතුලු පිරිස එතනි පිටවෙලා. ඔතනදි තමා ලුවිස් මෙඩූසත් එක්ක එක්කහු වෙන්නෙ. ක්‍රිස්ටල් පෘථිවියට ආවත් ලොක්ජෝ නම් හොදින් නෙවෙයි. ඒ මදිවට තව බයික් එක්කුත් එයාගෙ ඇගේ හැප්පෙනවා. තවත් නම් මොකූත් කියන්න බෑ. මගෙ ඇගිලි දහයම රිදෙනවා. ආ, ඔයාලා වෝට් එකක් දානකොට කතාවට නෙවෙයි උපසිරැසියෙ ගුණාත්මක බවට වෝට් කරන්න. එහෙනං මං ගියා.

ජය වේවා!!

Due to copyright issues, we do not provide any torrent links.

Marvels.Inhumans.S01E04.HDTV.x264-SVA[eztv]

මෙම ලබා දී ඇති උපසිරැසිය HDTV පිටපත් සඳහා අදාළ වේ.

[author] [author_image timthumb=’on’]http://www.baiscope.lk/wp-content/uploads/2017/10/lahiru-prasad-new.jpg[/author_image] [author_info]මේ ලබා දී ඇති සිංහල උපසිරැසි පිළිබද “ලහිරු ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.[/author_info] [/author]

Subtitle Contributor Rank

SILVER MEMBER
JOINING DATE – 2016-06-13
SUBMAKER RATING BY ADMINS

[box]

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.

[/box]