Lady and the Tramp (1955) Sinhala Subtitles | ආර්යාවයි, රස්තියාදුකාරයයි [සිංහල උපසිරසි සමඟ]

බයිස්කෝප් කාර්ය මණ්ඩලටයත්, රසික හිතුවතුන්, හිතවතියන්ටත් සුභ සාහිත්‍ය මාසයක් වේවා! මම අද ගේන්නේ මගේ මුල්ම කාටුන් උපසිරැසි නිර්මාණය. ටිකක් පරණ වුනත් ඔබ කාටුන් බලන රසිකයෙක් නම් අනිවාර්යයෙන් මේක බලන්න. කාටුන් බලන කවුරු වුනත් Bambi බලලා ඇති කියලා මට විශ්වාසයි. ඉතින් මේකත් වෝල්ට් ඩිස්නි සමාගමේම, Bambi තරම්ම ලස්සන, ජනප්‍රිය කාටුන් චිත්‍රපටයක්. මේ තරම් කාලයක් මේකට කවුරුත් සබ් නොදැම්ම එකත් පුදුමයි. Ward Greene ගේ Happy Dan, The Cynical Dog පොත ඇසුරින් නිර්මාණය කෙරුනු මෙයට 7.3 ක IMDb අගයකුත්, Rotten Tomatoes හි 90% ක අගයකුත් ලැබිලා තියෙනවා. ඒ වගේම ඩොලර් මිලියන 4 ක් වියදම් කරලා හැදුව මේ චිත්‍රපටය, ඩොලර් මිලියන 187 ක් උපයන්න සමත් වෙලා තියෙනවා. සම්මාන ගණනාවකට නිර්දේශ වෙලා තියෙන මේ කතාව දැන් මම පොඩ්ඩක් විස්තර කරන්නම්.

ලොකු ගෙදරක ඉන්න සල්ලිකාර මහත්තයෙකුයි, නෝනා කෙනෙකුයි පුංචි බැල්ලි පැටියෙක්ව ගේනවා හදාගන්න. එයාලා එයාට නම තියන්නේ ලේඩි (ආර්යාව) කියලා. ලේඩිට පස්සේ යාළුවෝ දෙන්නෙකුත් හම්බවෙනවා. ඒ ජොක් සහ ට්‍රස්ටි කියන අසල්වැසි බල්ලෝ දෙන්නෙක්. නෝනාටයි, මහත්තයටයි බබෙක් ලැබුනම ලේඩිට තියෙන සැලකිල්ල ටිකක් අඩු වුනත්, එයාලා සතුටින් ඉන්නවා. නමුත් බබා බලාගන්න මහත්තයගේ නැන්දා එහාට ආවට පස්සේ තමයි, ලේඩිට නරක කාලයක් උදාවෙන්නේ. ඔය කාලෙදි තමයි ලේඩිට, පාරේ ඉන්න සාමාන්‍ය බල්ලෙක් වුනු ට්‍රෑම්ප් (රස්තියාදුකාරයා) හම්බවෙන්නෙත්. ලේඩිට ආයෙත් පවුලේ ආදරය හම්බවෙයිද? ට්‍රෑම්ප් ලේඩිගේ යාළුවෙක් වෙන්නේ කොහොමද? කියලා ඔයාලම බලලා දැනගන්නකෝ. මොනවා වුනත් ඔයාලට ලස්සන කතාවක් බලන්න ලැබෙනවා කියලා සහතික කරන්න පුළුවන්.

සමහර වෙලාවට අපි උපසිරැසියක් හදලා දානකොට, අපිට දැනෙන්නේ ඒ කතාවේ අධ්‍යක්ෂකට හරි, නළුවන්ට හරි දැනෙනවා වගේ සතුටක්. මොකද අපිත් ඒකේ කොටස්කාරයෙක් වුනා වගේ දැනෙන නිසා. දැන් මේකට උපසිරැසි දෙනකම් කට්ටිය බලා හිටියද, රසිකයෝ සතුටු වෙයිද කියලා බලන්න, අපි අපේ උපසිරැසිය බයිස්කෝප් අඩවියේ පළවෙනකම් මග බලාගෙන ඉන්නවා. එහෙම ඉඳලා බලනකොට කමෙන්ටු වැටිලා තියෙනවා දැක්කම අපිට මාර ගැම්මක් එනවා, තව උපසිරැසියක් මුන්ට හදලා දෙන්න ඕනි කියලා. මම මේ ස්තූතිය කරන්නේ අපිව දිරිමත් කරන ඒ රසික හිතවතුන්ටයි. ඔයාලා කමෙන්ටු දාන්න පුංචි කාලයක් හරි වැය කරන නිසයි, බයිස්කෝප් අඩවිය තාමත් තියෙන්නේ. දිගටම අපිව දිරිමත් කරන්න. ඉඩ තියෙන වෙලාවට අපි උපසිරැසියක් හදලා දෙන්නම්. අදට මම සමුගන්නවා. ඔබ සැමට සුභ දවසක් වේවා!

Due to copyright issues, we do not provide any torrent links.

මෙම ලබා දී ඇති උපසිරැසි BR පිටපත් සඳහා අදාළ වේ.

මේ ලබා දී ඇති සිංහල උපසිරැසි පිළිබද “ බොබී ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2016-07-31
SUB MAKER RATING BY ADMINS