Baahubali: The Beginning (2015) Sinhala Subtitle | ශක්තිවන්තයා… [සිංහල උපසිරසි සමඟ]

බාහුබලි කියන එකේ තේරුම ගත්තොත් ශක්තිමත් දෑත් සහිත කෙනා වගේ තේරුමක් තමා එන්නේ, ඉතින් මේ චිත්‍රපටිය ලොව පුරා සිනමාහල් හාරදහසක තිරගතවීම ආරම්භ කරන්නේ ජූලි 10 වෙනිදා. පළමු දිනයේම බොක්ස් ඔෆිස් වාර්තාවක් තබමින් පළමු දිනයේ වැඩිම ආදායමක් ඉපයූ ඉන්දියානු චිත්‍රපටිය වෙමින් එක රැයකින් මුළු ලෝකයේම අවධානය දිනාගන්නට මේ චිත්‍රපටිය සමත් වෙනවා. මොකද කියනවනම් තෙලුගු චිත්‍රපටියක් කොහොමද ශාරුක්, අමීර්, සල්මන්, ඉන්න හින්දි චිත්‍රපටි පරදා මෙතරම් දෙයක් කරන්නේ කියන ප්‍රශ්නය නිසා. පළමු දිනයේ බාහුබලි චිත්‍රපටිය ලැබූ ආදායම ඉන්දියානු රුපියල් කෝටි 60ක්. ඒ ශාරුක් කාන්ගේ Happy New Year චිත්‍රපටිය(කෝටි 45ක්) තබා තිබූ වාර්තාව අභිබවා යමින්. තවද දින දෙකක් යාමට ප්‍රථම(පැය 35කින්) කෝටි 100ක ආදායම සම්පූර්ණ කරමින් අඩුම කාලයකින් කෝටි සීයක ආදායමක් ලැබූ චිත්‍රපටිය බවට මේ චිත්‍රපටිය පත් වුනා. මේ ලිපිය ලියන මොහොත වන විට දින පහක් පමණ ගතවී ඇති අතර මේ වනවිට කෝටි 250 ආදායම පසු කිරීම‍ට මේ චිත්‍රපටිය සමත් වෙලා තියෙනවා.

මෙම චිත්‍රපටය 2009 සහ 2012 වසර වලදී ලොව වටා ඉමහත් ප්‍රසිද්ධියට පත් වුන චිත්‍රපටයන් වන Magadheera සහ Eega චිත්‍රපටි අධ්‍යක්ෂණය කරපු  S. S. Rajamouli විසින් අධ්‍යක්ෂණය කරන ලද චිත්‍රපටයකි. ඔහුගේ මෙම චිත්‍රපටයත් ඉන්දියාවම හැරිලා බලන තරම් ප්‍රසිද්ධ විය, මෙය ඉන්දියානු සිනමාවේ කඩ ඉමක් කිව්වා නම් නිවැරදි,, Hollywood Quality movie එකක් විදියටම ගහලා තියෙනවා. මේකේ Imdb Rating එක 9.4/10 ක් අරගෙන තියෙනවා. තේරෙනවා ඇතිනේ සුප්පා චිත්‍රපටයක් කියලා. Hollywood චිත්‍රපට විතරක් නරඹන අය මේ චිත්‍රපටය අනිවා අරගෙන බලන්න, මොකද මේක මඟ හැර ගත්තා කියන්නේ, ලොකු පාඩුවක්.

මෙහි නළු නිලියන් රැසක් රංගනයෙන් දායක වනවා, මෙහි ප්‍රධාන නළු නිලි දේපල වන්නේ Prabhas(සිවුදු ) සහ  Tamannaah (අවන්තිකා ) ය. මෙහි සහයක නළු නිලියන් වන්නේ, Rana Daggubati(බහල්ලලා දේවා ), Anushka Shetty(දෙවසේනා ), Ramya Krishnan(සිවගාමි ) Sathyaraj(කට්ටප්පා නාඩර්), Sudeep(cameo)(අස්ලාම් කාන් ), Adivi Sesh(බහත්රුදු ), Nassar(බිජ්ජාලදේවා )  වැනි රංගන ශිල්පින් දායක වෙනවා.

ඒ වගේම චිත්‍රපටිය ගැන තවත් සිත්ගන්නාසුළු කතන්දර කීපයක් මෙතන සඳහන් වෙනවා. ඒවායින් කීපයක් මම ඔබ හමුවේ තබන්නම්.

1. චිත්‍රපටියේ අධ්‍යක්ෂක වරයා වන S. S. Rajamouli මේ චිත්‍රපටියේ මත්පැන් වෙළද සැලක හිමිකරුවෙක් විදිහට විශේෂ රංගනයක නිරත වෙනවා.

2. ඒ වගේම අපේ ප්‍රධාන නළුවා ප්‍රබාස් තමන්ගේ ඇඟ හදාගන්න රෙස්ලිං(WWE) සටන්කරුවෙක්ගේ උපදෙස් ලබාගෙන තියෙනවා. ඒ වගේම ඔහුගේ ඇඟ නඩත්තුවට ඉන්දියානු රුපියල් කෝටි 1.5ක් වියදම් වුනා කියලත් ආරංචියි

3. එමෙන්ම VFX ඇනිමේෂන් සඳහා ඉන්දියාවේ ප්‍රථම වතාවට  AMD processors භාවිතා කර තිබීමත් විශේෂත්වයක්.

4. රානා දගුපති මේ චිත්‍රපටිය සඳහා තමන්ගේ සිරුරේ බර කිලෝ 32කින් වැඩි කරගෙන තිබෙනවා.

5. ඒ වගේම මේ චිත්‍රපටිය වෙනුවෙන් කොචි වල තිබූ ප්‍රවර්ධන වැඩසටහනේදී නිකුත් කර තිබූ පෝස්ටරය ලෝකයේ චිත්‍රපටියක් වෙනුවෙන් නිමවූ ලොකුම පෝස්ටරය ලෙස ගිනෙස් වාර්තා පොතට එකතු වෙනවා.

6. මේ චිත්‍රපටියේ පෙර නිෂ්පාදන කටයුතු සඳහා වසරක කාලයක් ගතවී තිබෙනවා. එය ඕනෑම ඉන්දියානු චිත්‍රපටියක් ගත් වැඩිම කාලය ලෙස සඳහන් වෙනවා

7. විශාල මාලිගා, සහ බිඳහෙලා නොහැකි බලකොටු නිර්මාණය සඳහා සාමාන්‍යයෙන් අඩි 24ක උපරිම උස ප්‍රමාණයක් තමා යොදාගන්නේ.. ඒත් මේ චිත්‍රපටිය සඳහා අඩි 45ක් උසට ඒවා අටවන්න මොවුන් කටයුතු කර තිබෙනවා.

8. මෙහි වැඩ කටයුතු අවසන් කිරීමය වසර තුනක කාලයක් ගත වනවා

9. ඒ වගේම චිත්‍රපටියේ එන කාලකෙයියා ගෝත්‍රය වෙනුවෙන් මොවුන් කිලිකිල් නම් අලුත් භාෂාවක් නිර්මාණය කර තිබෙනවා. ඒ සඳහා වචන 750ක් සහ ව්‍යාකරණ නීති 40ක් අලුතෙන් නිර්මාණය කර තිබෙනවා.

10. එමෙන්ම චිත්‍රපටියේ සත්ව හිංසා සිදු කරන සෑම අවස්ථාවකටම තාක්ෂණික ප්‍රයෝග යොදාගෙන ඇති අතර චිත්‍රපටියේ කිසිම අවස්ථාවක සැබෑවට සතුන්ට හිංසා කිරීමක් සිදුවී නොමැති බව සඳහන් වෙනවා.

11. එමෙන්ම මේ චිත්‍රපටිය තෙලුගු සහ දෙමල භාෂාවෙන් වෙන වෙනම රූගත කර තිබෙනවා.

12. එමෙන්ම දිය ඇලි ආශ්‍රිත දර්ශන කේරල වල පිහිටි Athirappilly දිය අල්ල ආශ්‍රිතව රූගත කර තිබෙන අතර එයට VFX පසුව එකතු කර තිබේ.

13. ඒ වගේම ප්‍රධාන චරිතය වන සිවුදු දිය ඇලි තරණය කරනා දර්ශන සැබෑලෙස රූගත කර ඇති අතර ඒ සඳහා ප්‍රබාස් දින ගණනාවක් එය තරණය කර පෙර සූදානමක නිරතවී ඇති බව සඳහන් වෙනවා.

14. යුධ දර්ශනයේ මුල් කොටස සඳහා 5000කට අධික ශිලීපීන් පිරිසක් දින 200කටත් වැඩි කාලයක්  සේවය කර තිබෙනවා

15. එමෙන්ම ප්‍රධාන නළු ප්‍රභාස්ට බාහුබලි චරිතය රූගත කර අවසන්ව සිවුදු චරිතය රූගත සඳහා කෝටි 1.5ක් වියදම් කර සකස් කරපු තමන්ගේ මාංශ පේශී අඩුකරගැනීමට සිදුවී තිබේවා

16. ආයුධ විසිදහසක් මේ චිත්‍රපටිය සඳහා නිපදවා තිබෙනවා.

17. චිත්‍රපටියේ දර්ශන වලින් 90%ක්ම තෙලන්ගානා වල පිහිටි රාමෝජී සිනමා ගම්මානයේ(Ramoji Film City in Hyderabad)හිදී සිදු කර තිබෙනවා.

18.මේ දිනවල සාර්ථක ලෙස තිරගතවන Jurassic World(2015) චිත්‍රපටියේ  VFX නිර්මාණය කර කණ්ඩායමම මේ චිත්‍රපටියේ VFX සඳහා දායක වෙලා තියෙන්නේ.

19. චිත්‍රපටියේ Visual effects සඳහා ස්ටූඩි 17ක සේවකයින් 800ක් සේවය කර තිබෙනවා.

20. ඒ වගේම බහුබලි චිත්‍රපටියේ  VFX සඳහා වියදම විතරක් ඉන්දියන් රු. කෝටි 85ක් එහෙමත් නැත්නම් ඇ.ඩො. මිලියන 13.42 ක් බව සඳහන් වෙනවා.

21. මිනිත්තු 158ක් පුරා දිවෙන මේ පලමුවැන්න කෝටි 100ක් වියදම් කර නිර්මාණය කර තනා මෙසේ දිගහැරුණු අතර මේ චිත්‍රපටියේ දෙවන කොටස Baahubali: The Conclusion ලෙසින් කෝටි 250ක වියදමින් ලබන වසරේ ජූලි මාසයේ නිකුත් කිරීමට සූදානම් කරන බව සඳහන් වෙනවා.

මෙහි කතාව කියනවා නම්, චිත්‍රපටය පටන් ගනිද්දිම සිවගාමි තම ජීවිතය පරදුවට තබාගෙන ඇයව මරන්න ආපු කට්ටියවත් මරලා ළමයාව බේරා ගන්නවා, ඊට පස්සේ එතනින් බේරිලා ගඟක පා වෙලා ඇය මේ ළමයාව දිය උඩින් තබාගෙන ඇය හුස්ම හිරකරගෙන අමාරුවෙන් ඉන්නා අතරතුර අසල්වැසි ගමක කට්ටියක් මේක දැකලා ළමයාව ඇයගේ අතින් ගන්නකොට ඇය ඇඟිල්ල දිග් කරලා පෙන්නනවා කන්දක මුදුනක්, ඉතින් ඒ ළමයාව ඇය එතනට ගෙනියන්න කියලා තමයි කියන්නේ. එතකොට කට්ටියක් හොයා ගන්නවා රහස් උමඟක් කන්ද උඩට යන. කෙනෙක් කියනවා අපි මෙතනින් උඩට ගිහිල්ලා ළමයාව දීලා එමු කියලා, සිවගාමිට ගොඩ කාලයක ඉඳලා ළමයෙක් නැහැ. ඉතින් අය කියනවා මම මේ දරුවාව හදාගන්නවා, ඒ නිසා උඩට යන්න අවශ්‍ය නැහැ කියලා, අර උමඟ වහලා දාන්න කියනවා. ඉතින් මේ ළමයා ටිකින් ටික ලොකු මහත් වෙන කොට කියනවා මට අර උස කන්ද නැඟලා ඒකෙ එහා පැත්තේ මොනවාද තියෙන්නේ කියලා බලන්න ආසයි කියලා. ඉතින් අම්මා මේකට තදින්ම විරුද්ධයි, මොකද එහෙම කන්දෙන් එහාට ගියොත් තම ළමයාව නැති කරගන්න සිදු වේවි කියලා. ඒ ළමයාගේ නම තමයි සිවුදු. සිවුදු කියන කෙනා කොයි වෙලේත් අර කන්ද නඟින්නමයි බලන්නේ. නමුත් ඒ හැම උත්සාහයකදීම ඔහු අසාර්ථක වෙනවා. ඇත්තටම මොකක්ද ඒ කන්දෙන් එහා පැත්තේ තියෙන්නේ, සිවගාමි මොනවටද ඒ ළමයාව කන්ද උඩට ගෙනියන්න කිව්වේ? මේවාට උත්තර දැන ගන්නම ඕනේ නම්, චිත්‍රපටය බලන්නම වෙනවා. අප ලබා දී ඇත්තේ DVDSCR පිටපතක් වේ. 1, 2, 3.

මේ චිත්‍රපටයේ සින්දු වලට උපසිරසි සහ මේ පොස්ට් එක ලියන්න තොරතුරු එකතු කරලා දුන්න තාරක නුවන් සහෝටත්, මේක කරමු කරමු කියලා Push කරපු සමීර අයියාටත් ඒ වගේම මගේ 10 වෙනි උපසිරසි නිර්මාණයට මේ වගේ නිර්මාණයක් දුන්න එයාට බොහොම ස්තුතියි වන්ත වන අතර මාගේ සබ් නරඹන ඔයාලටත්, අදහස් දක්වපු නොදක්වපු සැමෝටමත් ගොඩාක් ස්තුතියි කරනවා, දිගටම මාත් එක්ක රැඳී සිටින්න තව තවත් සුපිරි නිර්මාණ මගේ අතින් ලැබෙනවා කියලා මම අදට සමු දෙනවා, ස්තූතියි. එහෙනම් මම ගියා. ජයෙන් ජය…!!!

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසිය HD /WEB /BR පිටපත් සඳහා ලබා දි ඇත.

77,852 downloadsDownload Baahubali-The-Beginning-2015.zip161 KB

මේ ලබා දී ඇති සිංහල උපසිරැසි පිළිබද “රවිඳු සංදීප (BrsRavindu)” සොහොයුරාට සහ තා‍ර‍ක ‍නු‍වන්‍” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.