Breakout (2013) | පිය සෙනෙහස [සිංහල උපසිරැසි සමඟ]

ඉතින් යාළුවනේ ඔන්න ඔයාලට තවත් අළුත්ම අළුත් චිත්‍රපටියක් සිංහල උපසිරැසි යොදලා අරගෙන ආවා.. 2013 සැප්තැම්බර් 17 වෙනිදා (එනම් අද දින) සිනමාහල් වල තිරගත වීමට නියමිත මේ චිත්‍රපටිය ඊට කලින් අන්තර්ජාලය හරහා ප්‍රේක්ෂකයන්ට නරඹන්න අවස්ථාවක් උදා වෙලා තියෙනවා. G.I. Joe: The Rise of Cobra (2009), The Mummy (1999), Journey to the End of the Night (2006), The Mummy: Tomb of the Dragon Emperor (2008) වැනි සුපිරි චිත්‍රපටි වලට සුපිරි රංගනයකින් දායක උන සුපිරි නළු Brendan Fraser සහ Prison Break (2005), Equilibrium (2002), Blade: Trinity (2004), Mission: Impossible II (2000) වැනි සුපිරි චිත්‍රපටි වලට සුපිරි රංගනයකින් දායක උන සුපිරි නළු Dominic Purcell ප්‍රධාන චරිත නිරූපණය කරන මේ සිනමා සිතුවම ගැන තාම වැඩි විස්තරයක් සඳහන් වෙන්නෙ නැහැ.

කතාවෙ හැටියට ජැක් කියන්නේ පරිසර වේදියෙක්..ඔහුට දුවෙක් සහ පුතෙක් ඉන්නවා. ඔහු බිරිඳගෙන් දික්කසාද වෙලා ඉන්නේ. ඔහුගෙ බිරිඳ නීතීඥවරියක්. කැලෑවේ ගස් කපන පිරිසක් වැලැක්වීමට ගත් උත්සාහයකදී වන අනතුරකින් ජැක් අතින් පුද්ගලයෙක් මිය යනවා. ඒ හේතුවෙන් ඔහු බන්ධනාගාර ගත කෙරෙනවා.. ජැක් බන්ධනාගාර ගත වෙලා ඉන්න අතරේ අර කැලෑවේ ගස් කැපූ තැන ලොක්කට ඕන වෙනවා තමන්ගෙ අළුත් ව්‍යාපෘතියක් සඳහා ජැක්ව එකතු කර ගන්න. ඒ වෙනුවෙන් ඔහු කොන්දේසි දෙකකට එකඟ වෙනවා නම් ජැක්ට එරෙහිව ඇති චෝදනා ඉවත් කරගෙන ඔහුව හිරෙන් නිදහස් කිරීමට අර පුද්ගලයා කැමති වෙනවා. ජැක්ට ඒ යෝජනාව ගෙනියන්නේ ජැක්ගෙ බිරිඳ විසින්.

ඒ අතරේ ජැක්ගෙ දුව ජෙනී සහ පුතා මයිකි, අසල්වැසි පුද්ගලයෙක් වන චක් නැමත්තා සමගින් සති අන්තයේ වනාන්තර ගවේශණයකට පිටත් වෙනවා.
ටොමී කියන්නේ මැරයෙක්. (Prison Break එකේ වගේම තමයි) ඔහුට කෙනී නමින් සොහොයුරෙක් ඉන්නවා. කෙනී හදිසි අනතුරක් නිසා මොලේ ආබාධිත තත්වයට පත් වූ කෙනෙක්. ටොමී තමන්ගෙ සොහොයුරත් එක්ක යම් හේතුවක් නිසා කැනඩාවට පලා යනවා.. ඒ යන්නේ අර ජැක්ගෙ දුවයි පුතයි ගවේශණයට ගිය කැලේ තියෙන නිවසකටයි. ටොමී විසින් කලින් චෙක් පතක් මගින් ඒ නිවස වෙන් කර ගත්තත් චෙක්පත අගරු වීම නිසා නිවෙස් හිමියා ඒ නිවස වෙන කෙනෙකුට කුලියට දෙනවා. මේ සම්බන්ධයෙන් කෝපයට පත් වෙන ටොමී විසින් අර නිවෙස් හිමියව ඝාතනය කරනවා. ඒ සිද්ධිය ජැක් ගෙ පුතා වන මයිකි දකිනවා.. ඒ වගේම ඒ සිද්ධිය මයිකි දැක්ක බව ටොමී දකිනවා..

ඉතින් යාළුවනේ.. ජැක් තමන්ව විශ්වාස කල අනෙක් පරිසරවේදීන්ට ද්‍රෝහි වෙලා අර ගස් කැපූ පුද්ගලයගෙ යෝජනා වලට එකඟ වෙලා හිරෙන් නිදහස් වේවිද? ටොමී අර ලමයි දෙන්නා සහ චක් පස්සෙන් පන්නාවිද? නැත්නම් ඔහු තමන්ගෙ සොහොයුරා සමගින් එතනින් හොරෙන්ම පිට වේවිද? කවුද මේ චක්? ඔහු ලමයින්ට ඇත්තටම ආදරේ කෙනෙක්ද? ටොමීගෙ ආබාධිත සොහොයුරාට තියෙන්නේ මොන වගේ ආබාධයක්ද? ටොමී ජැක්ගෙ ලමයින්ට අනතුරක් සිදු කරාවිද? එහෙම කරොත් ජැක් කොහොම හරි හිරෙන් නිදහස් වෙලා ටොමී පස්සෙන් පන්නලා ටොමීගෙන් පලි ගනීවිද? නැත්නම් ටොමී ජැක්ටත් වැඩේ දේවිද කියලා කතාව බැලුවම දැනගන්න පුළුවන්. ඒ වගේම මේ චිත්‍රපටිය අන්තර්ජාලයට නිකුත් උන ගමන්ම ඒ ගැන මාව දැනුවත් කරපු උදා සහෝටත් මේ චිත්‍රපටියට හරියන උපසිරැසි ගොනුවක් හොයලා දීපු විකී සහෝටත් ස්තූතිවන්ත වෙනවා. හැමෝටම ජයවේවා!!!

 

 

300 MB කොපිය මෙතනින් බාගන්න 482fda4932c3e307db2e881ff9610eb79fcabfec 700 MB කොපිය මෙතනින් බාගන්න 3a7ebc387b0c7cc2f4b2780b21d41b9cf2303c64 1.4 GB කොපිය මෙතනින් බාගන්න de1a30296cea4797c571c375e1cc70598d6644dd ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් සයිට් එකකින් එම ටොරන්ට් එක බාගත කරගන්න.

2,970 downloadsDownload Breakout-2013.zip111 KB

https://d36zzuvfojr38z.cloudfront.net/wp_content/uploads/2012/10/දිනිඳු-සම්පත්.jpg මේ ලබා දී ඇති සිංහල උපසිරැසි පිළිබද “දිනිඳු සම්පත්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.