Chhichhore (2019) Sinhala Subtitles | මෙලෝ රහකට නැති උන්! [චිත්‍රපටය සිංහල උපසිරැසි සමඟ]

බලන්න එපා!!!! බලන්න එපා!!!! බලන්න එපා!!!!
පිස්සුවක් විකාරයක්… හිනා ගිහින් පන යන ඇබ්බැහියක්.
ආයේත් කියනවා බලන්න එපා…
මේ වෙනකොට මාත් දෙපාරක් බැලුවා. තුන්වෙනි වතාවත් බලන්න හිතාගෙන ඉන්නෙ.
ඒ තරම් පිස්සු පීකුදු සුපිරිම සුපිරි භාණ්ඩයක් තමා Chhichhore කියන්නේ.
ආයෙත් කියන්නේ බලන්න එපා….
බැලුවොත් ඔබ ඇබ්බැහි වෙනවා ආයෙ දෙකක් නෑ…
හිනා වෙන්නද ඕන මෙන්න එහෙනම් ගන්න…
සෙල්ලම්ද ඕන මෙන්න එහෙනම් ගන්න…
පාසල් කාලේ, කැම්පස් හොස්ටල් කාලේ මතක් වෙනවද මෙන්න එහෙනම් ගන්න…
ආදරයද ඕන මෙන්න එහෙනම් ගන්න…
සහෝදරත්වයද ඕන මෙන්න එහෙනම් ගන්න…
මිත්‍රත්වය කියන්නේ මොකද්ද කියලා බලාගන්න ඕනද
මෙන්න එහෙනම් අරගන්න..
ජීව්තේට ආදර්ශ ඕනද මෙන්න එහෙනම් ගන්න..
හැබැයි පස්සේ කියන්න එපා මාව පිස්සෙක් කලා කියලා.
ඒ හින්දා ආයෙත් කියන්නේ බලන්න එපා….

පාසල් ජීවීතේ කියන්නේ අපි කාගේ කාගෙත් ජීවිතේට අමතක වෙන්නේ නැති සුපිරිම කාලේ…
ඒ කාලේ ගත්ත ආතල් මතක් වෙනකොට තනියෙන් හිනා යනවා…
පිස්සු නටපු හැටි….එකට කට්ටි පැනපු හැටි මතක් වෙනකොට ඇහට කදුලක් එන්නෙ නොදැනිම.
පාසල් කාලේ වගේම ආතල්ම කාලයක් තමා කැම්පස් ජීවීතේ…
විශේෂයෙන් කැම්පස් එකේ හොස්ටල් ජීව්තේ…
මහ අමුතුම විකාර දෙයක් ඒ ජීවිතේ නම්…
විදලා තියෙන අය දන්නවා ඒ ආතල් එක කොහෙන්වත් වෙන ගන්න බෑ කියලා.
ඔබට මතක ඇති 3 Idiots වසර ගණනකට පෙර ඔබව සිනසාගරයේ ගිල්ලෙව්වා.
වෙනස්ම ආරක චිත්‍රපටයක් ඔබට තිළිණ කලා.
ඒ මග යමින් වෙනස්ම විදිහක තවත් නිර්මානයක් තමා Chhichhore
3 Idiots කිව්වම මතක් වෙන්නෙ තුන්කට්ටුවක්නේ. කෙල්ලෙකුත් එක්ක.
මේ Chhichhore බැලුවම ඔබට නම කිව්ව ගමන් මතකෙට ඒවි
ආ අර මෙලෝ රහකට නැති උන් හය දෙනයි. කෙල්ලෙකූයි ඉන්න එක නේද කියල.
ඔව්..ඔව්… ඒ තරම් ඔබව ඇද බැද තබාගන්න මේ ෆිල්ම් එක නොහැකි වුනොත්
ඒක නම් මම හිතන්නේ ඔබේ රසවින්දනයේ අවුලක් කියාල.

විකාර කාරයෝ හය දෙනෙක්. එක කෙල්ලෙක්
සෙක්සා කෙල්ලෝ පිස්සෙක්, පෝර්න් වීඩියෝ පත්තර කිව්වොත් මූ මැරෙයි.
ඇසිඩ් පන්තියේදි හුම් නෑ. අහිංසකයා. එළියෙදි කුණුහර්ප වපුරනවා ඇසිඩ් වගේම තමා.
මමී බයගුල්ලා, මොනවා කරන්න කිව්වත් උගේ කටේ තියෙන්නේ මමී විතරයි.
ඩෙරෙක් හොස්ටල් එකේ හිටිය හැම කෙනෙක්ගෙම නීත්‍යානූකුල නොවන තාත්තා. සිගරට් එකක් කටේමයි. වැඩකාරයා.
බේබද්දා මුට ඉතින් බොන්න කිව්වොත් ඕන දෙයක්, මුගේ කාමරේ පොත්වලට වඩා අරක්කු බෝතල්
අන්නි තමයි අපේ ප්‍රධාන චරිතේ, සිරීයස් නම් සීරියස්, ජෝක් නම් ජෝක් ඕන දේකට ඔට්ටුයි, මුලින් නම් ටිකක් කුලෑටියි.
මායා තමයි මුළු කැම්පස් එකේම හැමෝගෙම ක්‍රෂ් එක. හැම කොල්ලම දෙපාරක් හැරිල බලනවා.

හොදම ඉන්දියානු චිත්‍රපට ලයිස්තුවේ 72වැනි ස්ථානය තමන් සතු කරගත් ෆිලුම, IDMb පිටුවේ 9300 අධික මනාප සංඛ්‍යාවකින් 8.4ක ඉහල අගයක් ලබා ගත් ෆිලුමක්, කුණු තක්කාලි දර්ශකයේ 58% අගයක් ලබා ගත් ෆිලුමක්, ගූගල් පරිශීලක 96% කැමත්තක් ලබා ගත් විනෝදාත්මක ෆිලුමක්, කෝටි පනහක වියදමකින් කෝටි 212කට අධික ආදායමක් ලබාගෙන බොක්ස් ඔෆිස් වාර්ථාවක් තැබු පන යනකල් හිනා වෙන්න පුළුවන් ෆිලුමක්, Sushant Singh Rajput | Shraddha Kapoor | Varun Sharma | Tahir Raj Bhasin | Naveen Polishetty | Tushar Pandey | Prateik Babbar | Saanand Verma සහ Mohammad Samad යන ප්‍රසිද්ධ නළුවන් තමන්ගේ කොටස හරියාකාරව වචන දෙකක් නැති වෙන්න රගදක්වන ෆිලුමක්. Fox Star Studios හී නිශ්පාදනයක්. Nitesh Tiwari | Piyush Gupta | Nikhil Mehrotra යන අයගේ තිර රචනයක්.

 

 

 

 

 

 

 

 

 

 

 

චිත්‍රපටය වෙනුවෙන් ලැබුන Rating දැක්වෙන පෝස්ටර් දෙකක්

ඔබ දන්නවාද Nitesh Tiwari කියන අධ්‍යක්ෂකවරයා. නම කිව්වට දන්නේ නැද්ද? එහෙනම් Dangal චිත්‍රපටයේ අධ්‍යක්ෂකවරයා කිව්වොත්. ඔව් අන්න ඔහු තමා Chhichhore අධ්‍යක්ෂණය කරන්නේ. Dangal වෙනුවෙන් Telstra People’s Choice Award, Filmfare Award for Best Director යන සම්මාන දිනාගත් අධ්‍යක්ෂවරයා තමයි ඔහු. National Film Award for Best Children’s Film සම්මානය Chillar Party චිත්‍රපටය වෙනුවෙන් ලබාගත් අධ්‍යක්ෂකවරයා තමයි ඔහු. ඒ වගේම ප්‍රසිද්ධ Bhoothnath Returns චිත්‍රපටය අධ්‍යක්ෂණය කරන්නෙත් ඔහුම තමා. තවත් කවර කතාද මේ අධ්‍යක්ෂකරයා ගැන. සුපිරිම අධ්‍යක්ෂකරයෙක්ගේ සුපිරිම වැඩක් තමා Chhichhore.

Nitesh Tiwari අධ්‍යක්ෂකවරයා

ආයේ ආයේ කියන්නේ බලනන් නම් එපා ඇබ්බැහියක් වෙනවා සුවර්… ඇබ්බැහියක් වෙනවට කැමති අය අරගෙන බලන්න, අදහස් කියන්න.

අන්නිගේ ළමයා රාඝව්… ඉන්ජිනියරින් විභාගෙන් ෆේල් වෙලා, කට්ටිය එයාට මෙලෝ වැඩකට නැති එකෙක් කියලා කියයි කියලා හිතලා උඩකින් බිමට පනිනවා. ඔහු ICU එකේ. තාත්තා අන්නි එයාත් කලින් හොදම මෙලෝ රහකට නැති එකෙක් කියලා එකෙන් කොහොමද ගොඩ ආවේ කියලා හොස්ටල් එකේ කතාව පටන් ගන්නවා. එන්න යන්න අතීතෙට… මේ හිනා වෙන වෙලාව… අඩන වෙලාව…. ලව් කරන වෙලාව… හැමදෙයකටම වෙලාව. මතක තියාගන්න අනිවාරෙන් හැම කෙනෙක්ගේම ජීවිතේට වටින හුගක් දේවල් මේ ෆිල්ම් එකෙන් ඔබට ගන්න පුළුවන් නිසැකයි. පොඩි අය බලනවා නම් ලොකු අයගේ අනුදැනුම මත බලන්න කියලත් මතක් කරනවා. 2019 සැප්තැම්බර් මස 6 වෙනි දින තිරගත වීම ආරම්භ කල පැය දෙකකුත් මිනිත්තු විසිතුනකුත් එක හුස්මට නැගිටින්නේ නැතුව බලන්න ගන්න මෙන්න එහෙනම් ඔබට භාරයි. ජය වේවා…!!!

ඒ වගේම මතක් කරන්න ඕන දහරා මුතු අමා අක්කව. මාත් සමග එකතු වෙලා හැකි ඉක්මනින් ඔබට මේ අගනා චිත්‍රපටය අරගෙන එන්න සහය දැක්වීම පිළිබදව. ඒ වගේම සිසිල ප්‍රසාද් අයියට ස්තූතිවන්ත වෙනවා මට අඩගහලා මේක කරන්න කිව්ව එක ගැන. මම දැනගෙන හිටියේ නෑ මෙච්චර සුපිරි භාණ්ඩයක් වෙයි කියලා මේක. ඉතින් ආයෙත් වතාවක් ඔහුට ස්තූතියි.

…..ජිවීතෙදි වඩාත් වැදගත්ම දේ තමන්ගේ ජීවිතයමයි….

 

 

 

Due to copyright issues, we do not provide any torrent links.

මෙම ලබා දී ඇති උපසිරැසි සියළුම Proper HD / WEB පිටපත් සඳහා අදාළ වේ.

66,988 downloadsDownload Chhichhore-2019.zip126 KB

මේ ලබා දී ඇති සිංහල උපසිරැසි පිළිබද “කවිශල් රසින්ත” සොහොයුරාට සහ දහරා මුතු අමා” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.