Diary (2022) Sinhala Subtitles | දිනපොත [සිංහල උපසිරසි]

ආයුබෝවන් යාළුවනේ ඔන්න තවත් උපසිරැසියක් අරගෙන ආවා Arulnithi ගේ මෑතක නිකුත්වුණ 3 වෙනි චිත්‍රපටය ඔයාලට මතක නම් D Block (2022), Dejavu (2022) ඉතින් මේ චිත්‍රපට තුනම ඩී අකුරෙන් පටන් ගන්නෙ. මොකක් හෝ සුභ ලකුණක්ද දන්නෙ නෑ. මන් හිතන විදියට ඊළග චිත්‍රපටයත් ඩී පටන් ගන්න Demonte Colony 2 (2023). Innasi Pandiyan ගේ අධ්‍යක්ෂණය යටතේ 2022 අගෝස්තු මාසයේ තිරගත වීම ආරම්භ කරලා අති සාර්ථක විදියට සිනමාහල්වල 25 වන දිනය සමරපු IMDb අගය 8.5ක් වගේ සැලකිය යුතු මට්ටමක අරගෙන තියෙන පැය 2 කුත් විනාඩි 08ක් පුරාවට දිවෙන Crime, Drama, Thriller වර්ගීකරණය යටතේ නිකුත් වුණ චිත්‍රපටයක් තමයි මේ. Arulnithi ට අමතරව pavithrah marimuthu, Kishore Kumar G, V. Jayaprakash, Sha Ra, යන අය ප්‍රධාන චරිත නිරූපනය කරනවා. ඉතින් එහෙනම් කතාව ගැන පොඩි අදහසක් දෙන්නම්. ඉතින් කියන්න ඕනේ මේකනම් කලින් කතාවලට වැඩිය ගොඩක් වෙනස් ආකාරයේ සුපිරිම කතාවක්..

2000 පෙබරවාරි 29 වුණ සත්‍ය සිද්ධියක්..
2016 පෙබරවාරි 29 වෙනිදා නැවතත් සිද්ධවුණා…
2020 පෙබරවාරි 29 වෙනිදා නැවතත් ඒ සිද්ධියම වෙයිද…?
මොකද පෙබරවාරි 29 එන්නෙ අවුරුදු 4 කට සැරයක්…..

වරදන් පොලිස් පුහුණුව ඉවරවෙලා එයාලට හම්බවෙන පැවරුම තමයි නොවිසඳුණු නඩු ගොන්නක් අතුරෙන් එකක් තෝරගෙන ඒ ගැන විමර්ශනය කරල ඒක විසඳන එක. ඉතින් අපේ කතා නායකයත් හැමෝම වගේ තට්ටු ගණන් තියෙන නඩු ගොන්නෙන් අහබු විදියට නොවිසඳුණු නඩු ගොනුවක් තෝරගන්නව. ඉතින් ඇස් දෙක පියාගෙන එකක් තෝරගද්දි වරදන්ට හම්බවෙන්නේ 2000 අවුරුද්දේ පෙබරවාරි මාසයේ ඌටිවල හෝටලයක මධුසමය ගත කරන්න ගියපු ජෝඩුවකගේ අභිරහස් ඝාතනය ගැන නඩු ගොනුවක් තමයි හම්බවෙන්නෙ. ඉතින් ඒකේ විමර්ශන කටයුතු කරන්න අදාල පොලිස් ස්ථානයේ වැඩ බාරගන්න යනව. පවිත්‍රා කියල කෙනෙක් තමයි එතන පොලිසියේ ඉන්ස්පෙක්ටර් කෙනෙක් විදියට ඉන්නෙ. ඉතින් එයාගෙ සහයත් එක්ක කේස් එකේ විස්තර හොයන්න වරදන් පටන් ගන්නවා. වර්දන් එක්ක පුහුණු කණ්ඩායමේ හැමෝගෙම වටස්අප් ගෘප් එකටත් කේස් එක ගැන තොරතුරු දාල තිබ්බෙ ඒ සම්බන්ධ හරි ඒ සමාන හරි කේස් එකක් ගැන තිබ්බොත් තොරතුරු හොයාගන්න කියල. ඉතින් දවසක් එයාගෙ යාලුවෙක් කෝල් කරල කිව්වා ඒ හා සමානම මිනී මැරුමක් වෙලා තියෙනව කුම්බකෝනම් ප්‍රදේශයෙත් කියල. වර්දන් වහාම එහෙට යන්න පිටත් වෙනව. ඉතින් එතනින් එහාට තමයි චිත්‍රපටයේ උච්චතම අධියර පටන් ගන්නෙ. ඒක ගැන කිව්වාම වැඩක් නෑනේ. එහෙනම් බලලම ඉන්නකෝ. හැමෝටම තෙරුවන් සරණයි.

 

 

 

 

 

Due to copyright issues, we do not provide any torrent link.

මෙම ලබා දී ඇති උපසිරැසි HDRip පිටපත් සඳහා අදාළ වේ.

15,540 downloadsDownload Diary-2022.zip55 KB

මේ ලබා දී ඇති සිංහල උපසිරැසි පිළිබද “ඔෂධ ධනංජය” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2017-09-04
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.